சிட்டகொங் போர்க் கல்லறை
சிட்டகொங் பொதுநலவாய போர் கல்லறை (Chittagong Commonwealth War Cemetery) அல்லது சிட்டகொங் போர்க் கல்லறை என்பது வங்காளதேசத்தின் சிட்டகொங்கில் அமைந்துள்ளது. இது இரண்டாம் உலகப் போரில் உயிர் தியாகம் செய்தவர்களுக்கு அஞ்சலி செலுத்துவதற்காக பொதுநலவாய போர் கல்லறைகள் ஆணையத்தால் நிறுவப்பட்டு பராமரிக்கப்பட்டது. [1]
சிட்டகொங் போர்க் கல்லறை | |
---|---|
চট্টগ্রাম ওয়ার সিমেট্রি | |
பொதுநலவாய போர் கல்லறைகள் ஆணையம் | |
நுழைவாயில் | |
இறந்தவர்களுக்கு பயன்படுத்தப்பட்டது | |
நிறுவப்பட்டது | இரண்டாம் உலகப்போருக்குப் பின்னர் (1939-1945) |
அமைவிடம் | 22°21′26″N 91°49′43″E / 22.35730°N 91.82850°E பாட்சா மியா சௌத்ரி சாலை சிட்டகொங் அருகில் |
அடக்க எண்ணிக்கை | 715 |
தெரியாத அடக்கங்கள் | 17 |
நாடு வாரியாக அடக்கம் | |
* ஐக்கிய இராச்சியம் – 471
| |
போர் வாரியாக அடக்கம் | |
புள்ளிவிவரங்கள் ஆதாரம்: CWGC |
வரலாறு
இரண்டாம் உலகப் போரில் இறந்த பொதுநலவாய நாடுகளின் வீரர்களையும், மற்றவர்களையும் கௌரவிப்பதற்காக இந்த கல்லறை நிறுவப்பட்டது. கல்லறை ஐக்கிய இராச்சியத்தின் இராணுவத்தால் உருவாக்கப்பட்டது. முதலில் சுமார் 400 புதைகுழிகள் இருந்தன. இலுசாய் மலைகளிலிருந்தும் ( அசாம் ), பிற தனிமைப்படுத்தப்பட்ட இடங்களிலிருந்தும், சிட்டகொங் பொதுக் கல்லறையிலிருந்தும் கல்லறைகள் இந்தக் கல்லறைக்கு மாற்றப்பட்டன; சந்திரகோனா பாப்டிஸ்ட் மறைபணியாளர்கள் கல்லறை; சிரிங்கா இராணுவக் கல்லறை; காக்ஸ் பஜார் புதிய இராணுவக் கல்லறை, பொதுக் (முஹம்மதன்) கல்லறைகள்; சிட்டகொங் (பஞ்சாலைஷ்) புதைகுழி; டாக்கா இராணுவக் கல்லறை; தேமகிரி மயானம்; துவாபோலாங் முஸ்லிம் புதைகுழி; துவாபோலாங் கிறிஸ்தவ இராணுவ கல்லறை; தோஹாசாரி இராணுவக் கல்லறைகள்; ஜெஸ்சூர் கிறுத்துவக் கல்லறை; குல்னா கல்லறை; குருஷ்குல் தீவு கிறிஸ்தவ மற்றும் முகமது கல்லறைகள்; லூங்லே கல்லறை (அசாம்); நவாபரா கல்லறை ( அசாம் ); பாட்டியா இராணுவ மயானம், இரங்கமதி கல்லறை; தேஜ்கான் உரோமன் கத்தோலிக்க கல்லறை; தும்ரு காட் இராணுவக் கல்லறை, தும்ரு மருத்துவமனைக் கல்லறை போன்றவை இதில் அடங்கும்.
1939-45 போரின் இறந்த 731 பொதுநல வாய நாடுகளின் வீரர்களின் புதைகுழிகள் இப்போது இங்கு உள்ளன. அவற்றில் 17 அடையாளம் காணப்படவில்லை. மேலும் 20 வெளிநாட்டு தேசிய புதைகுழிகள் உள்ளன. 1 டச்சு கடற்படையின் மாலுமியும், 19 ஜப்பானிய வீரர்களும் அடங்குவர். அவர்களில் ஒருவர் அடையாளம் காணப்படவில்லை. 4 போர் அல்லாத மக்களின் இங்கிலாந்து இராணுவ புதைகுழிகளும் உள்ளன.
அமைவிடம்
விமான நிலையத்திற்கு வடக்கே 22 கிலோமீட்டர் தூரத்திலும், துறைமுகத்திலிருந்து 8 கிலோமீட்டர் தொலைவிலும் உள்ள 19 பாட்சா மியா சாலையில் உள்ள தாம்பாராவில் சிட்டகொங் போர்க் கல்லறை அமைந்துள்ளது. முன்பு நெல் வயல்களாக இருந்த இடம், தற்போது வளர்ச்சி அடைந்துள்ளது. [2] இது கலைக் கல்லூரிக்கு அருகில் உள்ளது. சட்டேசுவரி சாலைக்கு அருகிலுள்ள பின்லேயின் விருந்தினர் மாளிகையால் மூடப்படுகிறது.
புதைகுழி பகுதியானது பின்லேயின் விருந்தினர் மாளிகைகளுக்குப் பின்னால் நேரடியாக ஒரு சாய்வின் அடிப்பகுதியில் அமைந்துள்ளது. மேலும், காட்டு மரங்கள், பழ மரங்கள், பூக்கும் மரங்களின் கலவையுடன் நடப்பட்ட ஒரு பெரிய பகுதியால் சூழப்பட்டுள்ளது. நுழைவு வாயிலிலிருந்து புதைகுழி பகுதிக்கு ஒரு தார் பாதை செல்கிறது. இது இரண்டு சிறிய செங்கல் தேவாலயங்களால் சூழப்பட்ட உலோக வாயில் வழியாக நுழைகிறது.
அடக்க விவரங்கள்
இரண்டாம் உலகப் போரின் (1939-45) இறந்த பொதுநலவாய நாடுகளின் 731 வீரர்களின் புதைகுழிகள் இப்போது இங்கு உள்ளன. அவற்றில் 17 அடையாளம் காணப்படவில்லை. [3]
நாடு வாரியாகக் கல்லறை
- ஐக்கிய இராச்சியம் - 471
- அகண்ட பாரதம் - 207
- கனடா - 25
- ஆத்திரேலியா - 9
- நியூசிலாந்து - 2
- நெதர்லாந்து - 1
- தெரியவில்லை – 18 [4]
பொதுநலவாய நாடுகளின் வீரர்களின் கல்லறைகளுடன், மேலும் 19 ஜப்பானிய வீரர்களும், ஒரு டச்சு கடற்படை மாலுமி உட்பட 20 வெளிநாட்டு பிரஜைகளின் கல்லறைகளும் உள்ளன. [5]
புகைப்பட வரிசை
- நுழைவாயில்
- நுழைவுச் சாலை
- கல்லறையின் காட்சி
- நுழைவாயிலில் பலகை
- கல்லறைப் பதிவு
- நினைவுப் பதிவு
- கல்லறைப் பதிவேட்டில் மாலுமிகள் மற்றும் வணிகர்களின் பெயர்களைக் கொண்ட பக்கம்
- கல்லறையும், சிலுவையும்
- கல்லறையும், சிலுவையும்
- கல்லறையும், சிலுவையும்
- கல்லறை, பக்க காட்சி
- கல்லறையும், சிலுவையும்
- பிரார்த்தனை இல்லம்
- கல்லறை பிரார்த்தனை இல்லத்தில் விளக்கப் பலகை
இதனையும் பார்க்கவும்
சான்றுகள்
வெளி இணைப்புகள்
- Kaj Metz, Trace of war
- Chittagong War Cemetery