சோகோ கழகம்

1996 முதல் 2009 வரை, இந்நிறுவனம் அட்வென்ட்நெட், இன்க் என்று அறிப்பட்டது.

அட்வென்ட்நெட், ஜூன் 2001 இல் ஜப்பானுக்கு நடவடிக்கைகளை விரிவுபடுத்தியது. சோகோ சிஆர்எம் 2005 இல் வெளியிடப்பட்டது. அதைத் தொடர்ந்து திட்டங்கள், உருவாக்குநர் மற்றும் தாள் போன்ற இணைய சேவைகள் 2006 இல் வெளியிடப்பட்டது. 2007 ஆம் ஆண்டில் சோகோ டாக்ஸ் மற்றும் சோகோ சந்திப்பு போன்ற இணைய சேவை தொடங்கப்பட்டது. 2008 ஆம் ஆண்டில் நிறுவனம் விலைப்பட்டியல் மற்றும் அஞ்சல் பயன்பாடுகளைச் சேர்த்தது. மேலும் அந்த ஆண்டின் ஆகஸ்ட் மாதத்திற்குள் 10 லட்சம் (1 மில்லியன்) பயனர்களை எட்டியதாகக் கூறுகிறது.^[2]

2009 ஆம் ஆண்டில், இந்நிறுவன் அதன் மென்பொருட்களின் பெயரான சோகோவின் பெயரிலேயே சோகோ கழகம் என பெயர் மாற்றம் செய்யப்பட்டது.^[3] இந்நிறுவனம் வெளி நபர்களின் நிதி இல்லாமல் தொடங்கப்பட்டு வளர்ந்தது. இந்நிறுவனம் தனியாருக்கு சொந்தமானது.^[4]

2005 முதல் ஒவ்வொரு ஆண்டும், சோகோ கூடுதல் பயன்பாடுகளை வெளியிட்டுள்ளது. மேலும் 2017 ஆம் ஆண்டில் நாற்பதுக்கும் அதிகமான சோகோ பயன்பாடுகளின் விரிவான தொகுப்பான சோகோ ஒன்று மென்பொருள் தொகுப்பை வெளியிட்டது.^[5]

சோகோவின் அமெரிக்க தலைமையகம் தற்போது கலிபோர்னியாவில் உள்ளது.^[5] இதன் தலைமையகத்தை ஆஸ்டினிற்கு 2021க்கு மாற்று முடிவு செய்யப்பட்டுள்ளது.^[6] ஆராய்ச்சி மற்றும் மேம்பாட்டு வளாகம் சென்னை எஸ்டான்சியா ஐடி பூங்காவில் உள்ளது. சோகோவுக்கு தமிழ்நாட்டின் திருநெல்வேலி மாவட்டத்தில் தென்காசியில் ஒரு அலுவலகம் உள்ளது. அங்கிருந்து சோகோ டெஸ்க் என்னும் இணைய மென்பொருளைத் தயாரித்து வெளியிட்டனர். இந்நிறுவனம் சீனாவில் இயங்குகிறது மற்றும் சிங்கப்பூர் மற்றும் ஜப்பானிலும் அலுவலகங்களைக் கொண்டுள்ளது. அதன் ஆதரவு நடவடிக்கைகளில் பெரும்பகுதி சென்னையில் உள்ள அதன் அலுவலகத்திலிருந்து மேற்கொள்ளப்படுகிறது. சோகோவிற்கு ஆந்திராவின் ரெனிகுண்டாவிலும் ஒரு அலுவலகம் உள்ளது. இந்த அலுவலகம் 2018 முதல் செயல்பட்டு வருகிறது.

இந்நிறுவனம் உலகம் முழுவதும் பேசப்படுவதற்கான காரணமாக, வெளிநாட்டு முதலீடு இல்லாமல் இந்நிறுவனம் இயங்கிவருவதே காரணம் என்றார் இதன் நிறுவனர்.^[7]

சோகோ கழகம், தனது நிறுவனத்திற்கு தேவையான பணியாட்களுக்கு பயிற்சி அளிப்பதற்காக சோகோ பல்கலைக்கழகம் ஒன்றை நடத்தி வருகிறது. சோகா பல்கலைக்கழகம் இரண்டு இடங்களில் செயல்படுகிறது. தென்காசி மற்றும் சென்னை ஆகிய இரு இடங்களில் செயல்படுகிறது.^[8]

கல்லூரியில் படிக்கமுடியாமல் பள்ளிப்படிப்பை முடித்த பல மாணவர்களை சோகோ கழகம் தேர்ந்தெடுத்து அவர்களுக்கு பயிற்சிகளை அளித்து அதன் நிறுவனத்திலேயே வேலை வாய்ப்பையும் அளிக்கிறது.^[9]

2019இல் இந்நிறுவனம், தமிழகத்தில் உள்ள சிறு மற்றும் குறு நிறுவனங்களுக்கு தங்களது இணைய மென்பொருள் சேவையை சலுகை விலையில் கொடுக்க இருப்பதாக தெரிவித்தது.^[10]

• சேவையாக மென்பொருள்
• வலைச் செயலி

• Stross, Randall (April 4, 2009). "Web-Based Competition for Microsoft Word". த நியூயார்க் டைம்ஸ். பார்க்கப்பட்ட நாள் November 7, 2016.
• "Zoho CRM Upgrade Targets Salesforce". இன்பர்மேசன்வீக். October 30, 2016. பார்க்கப்பட்ட நாள் November 7, 2016.
• "Zoho scores big with India-made software, but shuns IPO and venture capital". ஹிந்துஸ்தான் டைம்ஸ். November 14, 2014. பார்க்கப்பட்ட நாள் November 7, 2016.