| பெயர்கள் | |
|---|---|
| முறையான ஐயூபிஏசி பெயர் நைத்திரைடு | |
| பண்புகள் | |
| N3− | |
| வாய்ப்பாட்டு எடை | 14.01 g·mol−1 |
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | |
வேதியியலில், நைத்திரைடு (Nitride) அயன் என்பது N3- என்ற மூலக்கூற்று வாய்பாட்டை உடைய ஓர் எதிரயன் ஆகும்.[1] இதில் நைதரசன் அணுவின் ஒட்சியேற்ற எண் -III ஆகும்.[2]
நைத்திரைடு அயனைக் நீர்க்கரைசல் நிலையில் பெற முடிவதில்லை. இது மூல வலிமை மிகவும் கூடிய அயனாதலால், நீரிலிருந்து H+ அயனைப் பெற்று, நேர்மின்னியேற்றம் அடைந்து விடும்.[1]
கார மாழைகளின் நைத்திரைடுகளுள் இலித்தியம் நைத்திரைட்டை (Li3N) மட்டுமே இலித்தியத்தை நைதரசன் வளிமத்தில் எரிப்பதன் மூலம் பெறமுடியும்.[3] ஏனைய கார மாழைகளை இவ்வாறு எரித்து, அவற்றின் நைத்திரைடுகளைப் பெறமுடியாது.[4] ஆயினும், சோடியம் நைத்திரைடு, பொற்றாசியம் நைத்திரைடு ஆகியவற்றை ஆய்வுக்கூடத்தில் ஆக்கமுடியும்.[5][6] காரமண் மாழைகள் அனைத்தும் நைதரசன் வளிமத்தில் எரிக்கும்போது, அவற்றின் நைத்திரைடுகளைத் தரக்கூடியவை.[4] காரமண் மாழைகளின் நைத்திரைடுகள் M3N2 என்ற பொதுவடிவில் அமைந்திருக்கும்.[7]
போரன் நைத்திரைடு வேறுபட்ட பல வடிவங்களில் காணப்படுகின்றது.[8] சிலிக்கன், பொசுபரசு ஆகிய தனிமங்களின் நைத்திரைடுகளும் கண்டறியப்பட்டுள்ளன.[9] அலுமினியம், காலியம், இந்தியம் ஆகிய மூலகங்களின் நைத்திரைடுகள் வைரம் போன்ற கட்டமைப்பை உடையவை.
பொதுவகத்தில் நைத்திரைடுகள் தொடர்பாக ஊடகக் கோப்புகள் உள்ளன.