பெமேதரா

இந்நகரத்தின் கிழக்கில் சிவநாத் ஆறு பாய்கிறது. இதன் தெற்கில் அடர்ந்த காடுகள் கொண்டது. இதன் வடமேற்கில் மைக்கல் மலைத்தொடர்கள் உள்ளது. இதன் வடக்கில் சோட்டா நாக்பூர் மேட்டுநிலம் மற்றும் தெற்கில் தக்காண பீடபூமி உள்ளது.

2011 இந்திய மக்கள் தொகை கணக்கெடுப்பு படி, 18 வார்டுகளும், 5800 வீடுகளும் கொண்ட இந்நகரத்தின் மக்கள் தொகை 28,536 ஆகும். அதில் ஆண்கள் 14,280 மற்றும் பெண்கள் 14,256 ஆக உள்ளனர். பாலின விகிதம் 1000 ஆண்களுக்கு 998 பெண்கள் வீதம் உள்ளனர். இதன் மக்கள் தொகையில் 6 வயதிற்குட்பட்ட குழந்தைகள் 13% ஆகவுள்ளனர். இதன் சராசரி எழுத்தறிவு 81% ஆகவுள்ளது. இதன் மக்கள் தொகையில் பட்டியல் சமூகத்தினரும், பட்டியல் பழங்குடியினரும் முறையே 2,398 மற்றும் 884 ஆகவுள்ளனர். இதன் மக்கள் தொகையில் இந்துக்கள் 92.46%, இசுலாமியர் 4.14%, சீக்கியர்கள் 2.59%, கிறித்தவர்கள் 0.32%, மற்றும் பிறர் 0.49% ஆகவுள்ளனர்.^[3]இங்கு இந்தி மொழி, சத்திசுகரி மொழிகள் பேசப்படுகிறது.

சாலைப் போக்குவரத்து

தேசிய நெடுஞ்சாலை எண் 12 இந்நகரத்தின் வழியாகச் செல்கிறது. இந்நகரத்தின் சாலைகள் ராய்ப்பூர், பிலாஸ்பூர், துர்க், ஜபல்பூர் மற்றும் கவர்தா நகரங்களுட்ன இணைக்கிறது.