மகாதேவன் கோயில், தம்ப்தி சுர்லா

இக்கோவில் தக்காண பீடபூமியின் மலைகளிலிருந்து எடுத்துச் செல்லப்பட்ட கருங்கல்லால் கதம்ப வம்ச பாணியில் கைவினைக் கலைஞர்களைக் கொண்டு சிற்பங்கள் செதுக்கப்பட்டு கட்டப்பட்டுள்ளது. கோவாவில் கிடைக்கக்கூடிய கருங்கல்லில் கட்டப்பட்ட கட்டிடக்கலைக்கு மீதமிருக்கும் ஒரே மாதிரியாக இது கருதப்படுகிறது. இந்த இடத்தை சுற்றியுள்ள மேற்கு தொடர்ச்சி மலையின் அடிவாரத்தில் உள்ள காடுகளின் உள்ளே தொலைதூரத்தில் இக்கோயில் இருப்பதால் இந்த கோயில் கவனிப்பாரின்றி இருக்கிறது.

இந்த கோயில் சிவபெருமானுக்கு அர்ப்பணிக்கப்பட்டுள்ளது. மேலும், அண்டை மாநிலமான கர்நாடகாவின் அய்கொளெ கோயில்களை நினைவூட்டுகிறது. உட்புற கருவறைக்குள் ஒரு பீடத்தில் ஒரு இலிங்கம் (சிவபெருமானின் சின்னம்) பொருத்தப்பட்டுள்ளது. மேலும் ஒரு பெரிய இராச நாகம் உட்புறத்தின் மங்கலான ஒளியில் நிரந்தரமாக உள்ளது என உள்ளூர் கதை ஒன்று உள்ளது.

கோயிலில் கர்ப்பக்கிருகம், அந்தராளம், தூண்களைக் கொண்ட நந்தி மண்டபம் ஆகியவை கருங்கற்களைக் கொண்டு கட்டப்பட்டுள்ளது. யானை உருவங்களும், கற்சங்கிலிகளின் சிக்கலான செதுக்கல்களால் அலங்கரிக்கப்பட்ட நான்கு தூண்களும், இறுதியாக தாமரை மலர் போன்று செதுக்கப்பட்ட கல் உச்சியையும் கொண்டுள்ளன.^[1][2]

இந்த கோயில் 15 ° 26′20 ″ N 74 ° 15′8 ″ E பாகையில் தம்ப்தி சுர்லா என்ற சிறிய கிராமத்திற்கு அருகில் உள்ளது. இது போல்கோர்னெம் கிராமத்திற்கு கிழக்கே 13 கிலோமீட்டர் (8.1 மைல்) தொலைவில் உள்ளது. பகவான் மகாவீரர் காட்டுயிர்ச் சரணாலயம் மற்றும் மொல்லம் தேசியப் பூங்காவின் வடகிழக்கு பகுதியில் மொலம் நகரில் அமைந்துள்ளது.

மகாதேவன் கோயில் தலைநகர் பனாஜியிலிருந்து சுமார் 65 கிலோமீட்டர் (40 மைல்) தொலைவில் உள்ளது. வடக்கிலிருந்து சிறிய சாலைகள் வழியாக 22 கிலோமீட்டர் (14 மைல்) தெற்கே முக்கிய நகரமான சத்தரி வட்டத்திலுள்ள வால்போய் நகரிலிருந்து அணுகலாம். கோவாவை கர்நாடக மாநிலத்துடன் இணைக்கும் அன்மோத் காட்டின் அடிவாரத்தில் இந்த கோயில் உள்ளது.

• மகாதேவன் கோயில், தம்ப்தி சுர்லா, கோவா
• 
  கோயிலின் வெளிப்புறக் காட்சி
• 
  கோயிலின் இலிங்கம்
• 
  மகாதேவன் கோயிலின் உட்புறம் செதுக்கப்பட்ட கல் வேலைப்பாடுகள்.
• 
  சிக்கலான இராச நாகத்தின் செதுக்கல்கள்
• 
  மகாதேவன் கோவிலுக்குள்ளே செதுக்கப்பட்ட சிற்பங்கள்
• 
  பார்வையாளர்கள்
• 
  கோயிலின் பின்புறம்
• 
  முகமண்டபத்தில் காணப்படும் கல் தூண்கள்