வெள்ளை இறக்கை வானம்பாடி

தற்போதைய பேரினப் பெயர் இலத்தீன் மொழியிலிருந்து வானம்பாடி எனப் பொருள்படுவதாகும். சிற்றினப் பெயரான லுகோப்டெரா என்பது வெள்ளை இறக்கையினைக் குறிக்கும். லுகோசு என்பதன் பொருள் "வெள்ளை" என்பதாகும்; ப்டெரான் என்பது “சிறகுகள்" என்று பொருள்படும்.^[3] தற்போதைய பேரினத்திற்கு மாற்றப்படும் வரை (2014 வரை) இது மெலனோகோரிபா பேரினத்தைச் சேர்ந்ததாக வகைப்படுத்தப்பட்டது.^[4]

ஒளிரும் வெள்ளை இறக்கையுடன் கூடிய இந்த வானம்பாடி, பெரியது மற்றும் வலுவானது. பொதுவாக இதனுடைய நீளம் 17 முதல் 19 செ.மீ. நீளமும், இறக்கை விட்டம் 35 செ.மீ. நீளமும் உடையது. இதனுடைய எடை சுமார் 44 கிராம் எடை கொண்டது. இதன் உடலின் மேற்பகுதி அடர்-சாம்பல் நிறக் கோடுகளுடனும் கீழ்ப்பகுதி வெண்மையாகவும் காணப்படும்.

ஓசை

இதன் பாடல் யூரேசிய வானம்பாடியின் மெல்லிசைப் பதிப்பாக இருக்கும்.

வெள்ளை இறக்கை வானம்பாடி, வறண்ட, திறந்த புல்வெளி மற்றும் சமவெளிகளில் வாழ்கிறது. இது தரையில் கூடு கட்டி, ஒரு மூன்று முதல் எட்டு முட்டைகள் இடும். இதன் உணவாக விதைகளும் இனப்பெருக்க காலத்தில் பூச்சிகளும் உள்ளன. இது குளிர்காலத்தில் கூட்டமாகக் காணப்படும்.

அச்சுறுத்தல்கள்

உழவு காரணமாக வாழ்விட அழிவு வெள்ளை இறக்கை வானம்பாடியின் முக்கிய அச்சுறுத்தல்களில் ஒன்றாகும்.

வெள்ளை இறக்கை வானம்பாடி எண்ணிக்கை கணிசமாகக் குறைந்திருந்தாலும், இது பொதுவாகக் காணப்படுகிறது. மேலும் இது ஆபத்தில் இருப்பதாகக் கருதப்படவில்லை.^[1]

• BirdFacts - பறவையியலுக்கான பிரித்தானிய அறக்கட்டளை