అనంత్

అనంత్ కాకినాడ దగ్గర ఇంజరంలో జన్మించాడు. తరువాత అతని కుటుంబం రాజమండ్రికి వెళ్ళారు. తొమ్మిదో తరగతి దాకా అక్కడే చదివాడు. తరువాత చదువు హైదరాబాదులో సాగింది. అక్కడే బీ.కాం చదివాడు. గ్రాడ్యుయేషన్ తర్వాత నాగార్జున స్టీల్స్ లో కొద్ది కాలం పనిచేశాడు. ఆయనకు ఒక అబ్బాయి శ్రీసత్య సాయి నాగేంద్ర బాబు. అమెరికాలో విద్యనభ్యసించాడు.

మొదట్లో టీవీ సీరియళ్ళలో నటుడిగా తన ప్రస్థానం ప్రారంభించాడు. అనగనగా ఒక శోభ అనే సీరియల్ లో మొదటి సారిగా నటించాడు. ఈ సీరియల్ కు ధర్మవరపు సుబ్రహ్మణ్యం సంభాషణలు రాశాడు. పరమానందయ్య శిష్యుల కథ సీరియల్ కు గాను నంది అవార్డు లభించింది. నారీ నారీ నడుమ మురారి తో సినిమాల్లో ప్రవేశించాడు.