జాన్ ఎలియట్ డ్రింక్‌వాటర్ బెథూన్

బెథూన్, జాన్ డ్రింక్‌వాటర్ బెథూన్ యొక్క పెద్ద కుమారుడు ఇంగ్లాండ్లోని ఈలింగ్‌లో జన్మించాడు. ^[7] అతను కేంబ్రిడ్జి లోని ట్రినిటీ కాలేజీలో చదువుకున్నాడు. తరువాత అతను హోమ్ ఆఫీస్ కౌన్సెల్ గా ఉద్యోగం పొందాడు. మునిసిపల్ సంస్కరణ చట్టం, టైథే కమ్యుటేషన్ చట్టం, కౌంటీ కోర్టుల చట్టం సహా అనేక ముఖ్యమైన సంస్కరణలను ఆయన ఈ పదవిలో ఉండగా రూపొందించాడు. 1848 లో, అతను సుప్రీం కౌన్సిల్ ఆఫ్ ఇండియా సభ్యునిగా నియమితుడయ్యాడు. తరువాత కౌన్సిల్ ఆఫ్ ఎడ్యుకేషన్ అధ్యక్షుడయ్యాడు. ^[8]

దక్షిణారంజన్ ముఖర్జీ, రామ్‌గోపాల్ ఘోష్, ఈశ్వర్ చంద్ర విద్యాసాగర్, మదన్ మోహన్ తార్కాలంకర్ ల మద్దతుతో బెథూన్ 1849 లో కలకత్తా ఫిమేల్ స్కూల్‌ను స్థాపించాడు. ^[9] ఈ పాఠశాల బైతఖానాలోని ముఖర్జీ ఇంటిలో ప్రారంభమైంది (ప్రస్తుతం దీనిని బౌబజార్ అని పిలుస్తారు). అందులో 21 మంది బాలికలు చేరారు. ^{[10] : 11–12}

మరుసటి సంవత్సరం, నమోదు 80 కి పెరిగింది. ^[11] నవంబరులో, కార్న్‌వాలిస్ స్క్వేర్ యొక్క పడమటి వైపున ఉన్న ఒక ప్లాట్‌లో, శాశ్వత పాఠశాల భవనానికి శంకుస్థాపన చేసారు. శంకుస్థాపన రాతిపై ఉంచిన రాగి పలకపై "హిందూ బాలికల పాఠశాల" అనే పేరు చెక్కారు. ^{[12] : 15–16} 1851 ఆగష్టులో బెథూన్ మరణించిన తరువాత పాఠశాలకు మద్దతు క్షీణించింది. ^[11] 1856 లో ప్రభుత్వం దీనిని స్వాధీనం చేసుకుంది, 1862-63లో దాని స్థాపకుడి పేరుమీద బెథూన్ స్కూల్ అని నామకరణం చేసింది. ^[13] 1879 లో దీనిని భారతదేశంలో మొట్టమొదటి మహిళా కళాశాల, బెథూన్ కాలేజీగా అభివృద్ధి చేశారు. ^[14]

జాన్ ఇలియట్ బెథూన్ 1851 లో కలకత్తాలో మరణించాడు. అతన్ని లోయర్ సర్క్యులర్ రోడ్ శ్మశానవాటికలో ఖననం చేశారు. ^[15]