నిజాంసాగర్ ప్రాజెక్టు

నిజాంసాగర్ ప్రాజెక్టు
నిజాంసాగర్ ప్రాజెక్టు
	నిజాంసాగర్ డ్యామ్
	Telangana లో నిజాంసాగర్ ప్రాజెక్టు స్థానం నిజాంసాగర్ ప్రాజెక్టు (India)
ప్రదేశం	అచ్చంపేట, నిజాంసాగర్‌ మండలం, కామారెడ్డి జిల్లా, తెలంగాణ, భారతదేశం
అక్షాంశ,రేఖాంశాలు	18°12′09″N 77°55′26″E / 18.20250°N 77.92389°E
నిర్మాణం ప్రారంభం	1923
ఆనకట్ట - స్రావణ మార్గాలు
నిర్మించిన జలవనరు	గోదావరి నది
పొడవు	3 కిలోమీటర్లు

నిజాంసాగర్ ప్రాజెక్టు కామారెడ్డి జిల్లా, నిజాంసాగర్‌ మండలంలోని అచ్చంపేట గ్రామంవద్ద మంజీరా నదిపై నిర్మించిన ప్రాజెక్టు.^[1] నిజాం పాలనలో కట్టించినందుకు ఈ ప్రాజెక్టును నిజాంసాగర్‌గా నామకరణం చేశారు. రాష్ట్ర రాజధాని హైదరాబాద్కు 145 కిలోమీటర్ల దూరంలో, జిల్లా కేంద్రానికి 72 కిలోమీటర్ల దూరంలో ఉన్న ఈ ప్రాజెక్టు 58 టీయంసీల సామర్ధ్యంతో 2.75 లక్షల ఎకరాలకు నీరందించడం లక్ష్యంతో నిర్మితమైంది. ఈ ప్రాజెక్టులో బోటింగ్‌ సౌకర్యంతోపాటు పర్యాటకులను అలరించే ఆహ్లాదకరమైన సుందరమైన వనం ఉంది.^[2]

Map

చరిత్ర

అప్పటి నిజాం నవాబు మీర్ ఉస్మాన్ అలీ ఖాన్ నేతృత్వంలో 1923లో ప్రారంభమై, నవాబ్‌ ఆలీ నవాజంగ్‌ బహదూర్‌ పర్యవేక్షణలో 1931లో నిర్మాణం పూర్తయింది. మూడు కిలోమీటర్ల పొడవు, 14 అడుగుల వెడల్పుతో ఆనకట్ట నిర్మించారు. ఈ ప్రాజెక్టుకోసం బంజపల్లి వద్ద పరిసర 40 గ్రామాలను ఖాళీ చేయించడం జరిగింది. మంజీర నది వద్ద సింగూరు మిగులు జలాలను ఆధారంగా చేసుకుని ప్రాజెక్టుకు అంకురార్పణ చేశారు.

ప్రాజెక్టు వివరాలు

ప్రారంభం: 31.10.1931
నిర్మాణ వ్యయం: రూ.3.15 కోట్లు
నీటి నిలువ సామర్థ్యం: నిర్మాణ సమయంలో 29.72 టీఎంసీలు, ప్రస్తుతం 17.80 టీఎంసీలు
ఆయకట్టు విస్తీర్ణం: 2.75 లక్షల ఎకరాలు
లబ్ధిపొందే మండలాలు: కామారెడ్డి డివిజన్‌లోని మాచారెడ్డి, దోమకొండ, భిక్నూర్‌, కామారెడ్డి, తాడ్వాయి, గాంధారి, లింగంపేట్, నాగిరెడ్డిపేట మండలాలు మినహా జిల్లాలోని అన్ని మండలాలు
ప్రధాన కాలువ పొడవు: 155 కిలోమీటర్లు
పంపిణీ కాలువల సంఖ్య: 82
ఉపకాలువల సంఖ్య: 283
పంపిణీ, ఉపకాలువల పొడవు: 1771 కిలో మీటర్లు

ఇతర వివరాలు

ఈ ప్రాజెక్టు నుండి నాగమడుగు ఎత్తిపోతల పథకానికి నీటి పంపిణీ చేయబడుతుంది. నాగమడుగు ఎత్తిపోతల పథకం కింద దాదాపు 40 వేల 768 ఎకరాలకు సాగునీరు అందించబడుతుంది.