నిరుపమ సునేత్రి

1982, సెప్టెంబరు 23 వ తేదీన శ్రీమతి రేకందార్ పద్మజ, రవివర్మ దంపతులకు రంగారెడ్డి జిల్లా, ఆమనగల్లు గ్రామంలో జన్మించారు. బాలనటిగా రంగస్థల ప్రవేశం గావించి ఈనాటికీ పాత్రధారణ గావిస్తున్నారు. ఈమె వెంకటేశ్వర నాట్యమండలి, సురభిలో వివిధ నాటకాలలో నటిస్తున్నారు.^[1]

భువనగిరి లోని శ్రీ లక్ష్మీనరసింహస్వామి డిగ్రీ కళాశాలలో బి.ఎ. (రాజనీతిశాస్త్రం, 2002-2005) చదివారు. హైదరాబాద్ లోని తెలుగు విశ్వవిద్యాలయం లోని రంగస్థల కళలశాఖలో ఎం.ఎ (2005-2007), ఎం.ఫిల్ (సురభివారి రంగొద్దీపనం - ఒక అధ్యయనం, 2011) పూర్తిచేశారు. ప్రస్తుతం పిహెడ్.డి చేస్తున్నారు.

• అనసూయలో (మునికాంత),
• కృష్ణలీలలులో (గోపిక, మాయపూతన),
• హరిశ్చంద్రలో (రంభ),
• మాయాబజార్ లో (శశిరేఖ),
• గంగావతరణంలో (మోహిని),
• కురుక్షేత్రంలో (ఊర్వశి),
• పాతాళ భైరవిలో (సఖి),
• బొబ్బిలి యుద్ధంలో (చిన వెంకట్రావు),
• బాల నాగమ్మలో (బాలనాగమ్మ, సంగు),
• లవకుశలో (లవుడు, సీత),
• కనకతారలో (తార, గ్రీష్ముడు),
• ప్రహ్లాదలో (లక్ష్మి; రంభ, ప్రహ్లాదుడు)
• విశ్వనాథ విజయంలో (విశ్వనాథుడు),
• బ్రహ్మంగారి చరిత్రలో (గోవిందమ్మ, వనకన్య),
• భీష్మలో (అంబాలిక),
• చండీప్రియలో (సులక్షణుడు),
• బస్తీ దేవతలో (యాదమ్మ),
• ఆంటిగని
• భక్త ప్రహ్లాద ^[2]లో నటించారు.

• నంది అవార్డు - ఉత్తమ ఆహార్యం (శాపగ్రస్తులు, 2006 నంది నాటకోత్సవం)
• నంది అవార్డు - ఉత్తమ రంగొద్దీపనం (బాలనాగమ్మ, 2011 నంది అవార్డు)
• నంది అవార్డు - ఉత్తమ రంగొద్దీపనం (శ్రీ కాళహస్తీశ్వర సాయిజ్యం, 2015 నంది అవార్డు)
• నంది అవార్డు - ఉత్తమ రంగోద్దీపనం (శ్రీకృష్ణ కమలపాలిక, ఆంధ్రప్రదేశ్ ప్రభుత్వ నంది నాటక పరిషత్తు - 2022)

జె.ఎల్. నరసింహారావు స్మారక యువ పురస్కారం

తెలుగు విశ్వవిద్యాలయం లోని రంగస్థల కళలశాఖ ప్రతి ఏట ప్రపంచ రంగస్థల దినోత్సవాన్ని పురస్కరించుకొని తెలుగు నాటకరంగంలోని యువ కళాకారులకు ఇచ్చే జె.ఎల్. నరసింహారావు స్మారక యువ పురస్కారంలో భాగంగా 2016 సంవత్సరానికి నిరుపమ సునేత్రికి ఇవ్వడం జరిగింది.^[3]

• 2006లో జాతీయ మానవ వనరుల శాఖ వారినుండి జూనియర్ స్కాలర్ షిప్ అందుకున్నారు
• 2016లో జాతీయ సాంస్కృతిక శాఖ నుండి జూనియర్ ఫెలోషిప్ అందుకున్నారు

• నిరుపమ సునేత్రి, కళాదీపికలు (సమకాలీన రంగస్థల నటీమణులు), ప్రథమ ముద్రణ, సంపాదకులు: వి.ఎస్. రాఘవాచారి., కళాదీపిక మాసపత్రిక, తిరుపతి, అక్టోబరు 2011, పుట. 53.