نائٹروجن ڈائی آکسائیڈ

نائٹرک ایسڈ کو تابنے یا قلعئی سے ملانے پر نائٹروجن ڈائی آکسائیڈ گیس خارج ہوتی ہے۔
صنعتی پیمانے پر یہ امونیا کو جلا کر (اوسوالڈ کے طریقے) سے حاصل کی جاتی ہے۔

• یہ سرخی مائل بھورے رنگ کی گیس ہے جس کی تیز چبھتی ہوئی مخصوص بو ہوتی ہے۔
• آکسیجن کی طرح نائٹروجن ڈائی آکسائیڈ بھی مقناطیس کی طرف کشش رکھتی ہے یعنی paramagnetic ہے۔
• کمرے کے دباو پر یہ 21 ڈگری سینٹی گریڈ پر پیلاہٹ مائل بھورے مائع میں تبدیل ہو جاتی ہے۔
• منفی 9 ڈگری سینٹی گریڈ پر اس کا رنگ غائب ہو جاتا ہے کیونکہ یہ ڈائی مر ڈائی نائیٹروجن ٹیٹرا آکسائیڈ (N₂O₄) میں تبدیل ہو جاتی ہے جو مقناطیس سے پرے بھاگتی ہے یعنی diamagnetic ہوتی ہے
• منفی 11 ڈگری سینٹی گریڈ پر یہ جم جاتی ہے۔
• 150 ڈگری سینٹی گریڈ پر نائٹروجن ڈائی آکسائیڈ تحلیل ہو کر آکسیجن اور نائیٹرک آکسائیڈ (NO) میں تبدیل ہو جاتی ہے۔
• اگر ایک بغیر سوئی کی سرنج میں نائٹروجن ڈائی آکسائیڈ بھر کر اور اخراج کا رستہ اُنگلی سے بند کر کے سرنج کا پسٹن اچانک دبا دیا جائے تو گیس کا رنگ اور بھی گہرا ہو جاتا ہے کیونکہ دبانے سے گیس گرم ہو جاتی ہے۔ پھر اگر سرنج کا پسٹن واپس پیچھے کھینچا جائے تو گیس کا رنگ بہت ہلکا ہو جاتا ہے کیونکہ پھیلنے سے گیس ٹھنڈی ہو جاتی ہے اور کسی حد تک اپنے ڈائی مر ڈائی نائیٹروجن ٹیٹرا آکسائیڈ (N₂O₄) میں تبدیل ہو جاتی ہے۔

• نائیٹرس آکسائیڈ
• ہیبر کا طریقہ
• اوسوالڈ کا طریقہ
• نائٹرک ایسڈ