یان ہوئی
یان ہوئی (ت 521–481 ق م) کنفیوشس کے محبوب شاگردوں میں سے ایک تھے۔ وہ کنفیوشس مت کی قابل احترام شخصیات میں سے ایک ہیں۔ کنفیوشسی معبدوں میں انھیں چار حکما میں سے ایک کے طور پر پوجا جاتا ہے۔
یان ہوئی | |
---|---|
معلومات شخصیت | |
پیدائش | سنہ 521 ق مء کائی |
تاریخ وفات | سنہ 481 ق مء |
شہریت | ریاست لو |
والد | یان وویو |
عملی زندگی | |
استاذ | کنفیوشس |
پیشہ | فلسفی [1] |
درستی - ترمیم |
سوانح
یان ہوئی کا تعلق ریاست لو سے تھا۔ ان کے والد یان یووو (یان لو) کنفیوشس کے ابتدائی شاگردوں میں سے تھے۔[2] یان ہوئی عمر میں کنفیوشس سے اغلباً 30 سال چھوٹے تھے اور کم عمری میں استاد کے شاگرد بنے۔[3]
یان ہوئی کنفیوشس کے محبوب شاگرد تھے۔[4] کنفیوشس کا مشاہدہ تھا کہ”یان ہوئی جب سے مجھے ملا ہے، شاگردین میرے قریب آتے گئے۔“[3][5][6] ہمیں ایک مرتبہ بتایا گیا، جب وہ یان ہوئی، زیلو اور زی گونگ کے ہمراہ نانگ پہاڑی پر موجود تھے، کنفیوشس نے اُن سب سے پوچھا کہ اپنے مختلف نصب العین بتائیں اور وہ ان میں سے کسی کو منتخب کرنا چاہتے ہیں۔ زیلو نے آغاز کیا اور جب انھوں نے مکمل کر لیا تو استاد نے کہا، ”یہ تمھاری بہادری کی نشانی ہے۔“ زی گونگ کی باری آئی اور ان کے لیے استاد نے فرمایا، ”یہ تمھاری ذی شعور خطابت کی دلالت ہےـ“ آخر میں یان ہوئی کی باری آئی اور یان نے کہا، ”میں ایک عاقل بادشاہ اور حکیم حکمران کو تلاش کرنا چاہوں گا جس کا میں ساتھ دے سکتا ہوں۔۔۔۔۔۔۔۔“ استاد نے اقرار کرتے ہوئے کہا، ”کیا زبردست نیکی ہے!“[7]
وفات
جب یان ہوئی انتیس برس کے تھے تو ان کے تمام بال سفید ہو گئے۔ وہ کم عمری میں انتقال کر گئے۔[7]
یان ہوئی کی وفات کے بعد، کنفیوشس نے رنج و غم کا اظہار کرتے ہوئے فرمایا، ”بہشت مجھے محروم کر چکی ہے! بہشت مجھے محروم کر چکی ہے!“۔ جب دیگر شاگردوں نے پوچھا کہ کنفیوشس ”حد سے زیادہ غم“ کیوں کر رہے ہیں، تو انھوں نے جواب دیا: ”کیا میں حد سے زیادہ غم کا اظہار کر رہا ہوں، اگر میں اس آدمی کے لیے غم نہ کروں تو بھلا کس کے لیے کروں؟“۔ [8] حتیٰ کہ کئی سالوں بعد بھی کنفیوشس کہتے رہے کہ کوئی بھی شاگرد یان ہوئی کی جگہ نہیں لے سکتا۔[9]
مزارات
یان ہوئی قوفو میں واقع معبد یان ہوئی میں پوجے جاتے ہیں۔
یان ہوئی کے مقبرے کے اردگرد کئی ان کی نسل کی سو قبور ہیں، جو یان خاندانی قبرستان کہلاتا ہے۔ مقبرہ اچھی طرح محفوظ ہے۔[10]
حوالہ جات
ملاحظات
کتابیات
ویکی ذخائر پر Temple of Yan Hui in Qufu سے متعلق سمعی و بصری مواد ملاحظہ کریں۔ |