მეხიკო

მეხიკო (ესპ. Ciudad de México) — მექსიკაშ ნანანოღა დო ქიანაშ უდიდაში ნოღა. „Distrito Federal“ შხირას კუნტარაფილო მიშინუაფუ, მუჭოთ „D.F.“; მოსოფელიშ ართ-ართი უდიდაში ნოღა, მეგაპოლისეფიშ კლასის. იდვალუაფუ მეხიკოშ ლეხერს, მექსიკაშ ცენტრიშ მაღალ პლატოს, დოხოლაფირო 2 240 მეტრას ზუღაშ დონეშე, დახე ირი განშე აკოხურგილიე 4 000—5 000 მ. სიმაღალაშ ვულკანური გვალეფით.

ნანანოღა მეხიკო ესპ. Ciudad de México გერბი ქიანა  მექსიკამექსიკა კოორდ. 19.419444,-99.14555619°25′10″ ოორ. გ. 99°08′44″ ბჟად. გ. /  თარობაშ მადუდე ხოსე რამონ ამიევა დირსხუ 1325 წანაშ 13 მელახი ნანანოღა 1824 წანაშე ფართობი 1,495 კმ² ცენტრიშ სიმაღალა 2295 მ მახორობა 9 209 944 კოჩი (2020) მეჭედალა 5966 კოჩი/კმ² აგლომერაცია 22 577 698 ბორჯიშ ორტყაფუ UTC-6, ზარხულს UTC-5 ტელ. კოდი +52 55 ოფოსტე ინდექსი 01000–16999 ოავტომობილე კოდი CDMX / 09 ოფიციალური ვებ-ხასჷლა http://www.cdmx.gob.mx მეხიკო მეხიკო ვიკიოწკარუეს

მოსოფელიშ მონძალა UNESCO, ობიექტი № 412 რუს. • ინგლ. • ფრ.

მეხიკო-სიტი, მუჭოთ მუნიციპალიტეტიქ გირსხუ 1521 წანას ჰერნან კორტესიშით თეჟამო გესქირაფილი ტობაშ, ტესკოკოშ დო თის დვალირ ტენოჩტიტლანიშ აკნაცჷმეფს, ნამუთ აცტეკეფიშ იმპერიაშ ნანანოღას წჷმარინუანდჷ დო თიშ ნორკებო ჩინებული დალაფირი ნოღაშ, ტლატელოლკოშ შქას. მუნიციპალიტეტიქ 1928 წანას გიუქვეჷ დო ჯოხო „მეხიკო-სიტი“ თეჟამო ჟირ მუდგარენშა მიოწურუანს:

ოფიციალურო Ciudad de México გჷმირინუაფუ მეხიკოშ ფედერალური ოლქიშით (Distrito Federal). ფედერალური ოლქი მეხიკოშ ნანანოღაშ ფუნქციას ორთჷ დო თის მეხიკოშ ფედერალური თარობა დუდენს. თე ოლქი მეხიკო-სიტიშ ისტორიულ ცენტრის ფორუნს, მორო თინა დოჩილითაფირო დიდიე ვინდარო 1928 წანას გოუქვაფილი ისტორიული მუნიციპალიტეტი რდჷნ. მეხიკო-სიტიშ ურბანიზაფილი ნორთი ფორუნს ოლქიშ ხვალე ოორუე ნორთის, ოდო ობჟათე დაბაშ ტიპიშ რე და გაგვალამი რელიეფი უღუ.