糖尿
糖尿病（英文：Diabetes mellitus / diabetes）係一種代謝性疾病，患者長期處於高血糖水平[2]。除咗高血糖，糖尿病嘅症狀重包括：尿頻、頸渴同埋大食。如果唔理，糖尿病會引起好多嘅併發症[3]。急性並發症包括糖尿病酮症酸中毒同埋非酮症高滲性昏迷[4]。嚴重嘅慢性並發症包括心血管疾病、中風、腎衰竭、腳部潰瘍同埋壞眼[3]。
| 糖尿 | |
|---|---|
| 分類同外部資源 | |
 藍圈係糖尿標誌[1] | |
| ICD-10 | E10–E14 |
| ICD-9 | 250 |
| MedlinePlus | 001214 |
| eMedicine | med/546 emerg/134 |
| 醫學主題 | C18.452.394.750 |
| Patient UK | 糖尿 |
糖尿病嘅成因主要有兩個，一係由於胰腺唔能夠產生足夠嘅胰島素又或者細胞冇對身體產生嘅胰島素作出必要嘅反應[5]。糖尿病主要有下便三種：
糖尿嘅預防同治療最緊要嘅係健康飲食、體育運動、唔食煙同埋維持正常體重。另外，血壓嘅控制同埋腳部嘅護理同樣重要。一型糖尿需要打胰島素，二型糖尿就需要食藥，唔一定要打胰島素[3]。胰島素同埋一啲口服藥物會引起低血糖[6]。減肥手術對嗰啲肥胖嘅二型糖尿病人好有效[7]。大肚糖尿通常喺老母生咗臊蝦之後就會自己好返[8]。
概要
- 一型糖尿係由身體唔能夠產生足夠嘅胰島素引起。呢類型嘅糖尿病以前叫做『胰島素依賴性糖尿病』，英文縮寫係『IDDM』，病因重未研究清楚。
- 二型糖尿係由身體抗拒胰島素開始，亦即細胞唔能夠正確識別同埋響應胰島素。隨著病情嘅發展，慢慢可能出現胰島素嘅缺乏[9]。呢種糖尿病以前叫做『非胰島素依賴性糖尿病』，英文縮寫係『NIDDM』，佢嘅成因係因為肥胖同埋缺乏運動。
- 大肚糖尿，係第三種主要形式嘅糖尿病，佢發生響冇糖尿病往史嘅大肚婆身上，但係患者卻出現高血糖水平。