2021年塔利班攻勢
2021年塔利班攻勢係伊斯蘭武裝組織塔利班從2021年5月1號開始對阿富汗政府同佢嘅盟國持續進行嘅軍事攻勢，同美軍撤出阿富汗嘅行動同步進行。[12]
| 2021年阿富汗塔利班攻勢 | |||||||||
|---|---|---|---|---|---|---|---|---|---|
| 反恐戰爭、2001年起嘅阿富汗戰爭同自由哨兵行動嘅一部分 | |||||||||
 | |||||||||
| |||||||||
| 參戰方 | |||||||||
 阿富汗塔利班 基地組織[4]提供支持：  巴基斯坦塔利班運動[4][5] 虔誠軍[4] 穆罕默德軍[4] 伊斯蘭聖戰者運動[4] 阿富汗伊斯蘭酋長國（2021年8月19號開始）支持：  巴基斯坦（阿富汗塔利班聲稱）[6][7][8] |  阿富汗伊斯蘭共和國（至2021年8月15日） 潘傑希爾抵抗勢力（2021年8月17號開始） | ||||||||
| 指揮官同領導者 | |||||||||
| 哈巴圖拉·阿洪紮達 艾曼·紮瓦希里 希拉傑丁·哈卡尼 努爾·瓦利·邁赫蘇德 哈菲斯·穆罕默德·薩伊德 馬蘇德·阿查爾 Fazlur Rehman Khalil | 阿什拉夫·加尼（至2021年8月15號） 拜登（至2021年8月初） 阿姆魯拉·薩利赫（2021年8月17號開始） 艾哈邁德·馬蘇德（2021年8月17號開始） | ||||||||
| 兵力 | |||||||||
| 8.5萬人 | 30萬人 | ||||||||
| 傷亡同損失 | |||||||||
| 阿富汗政府聲稱： 9,819人死亡 5,472人受傷 54人被解除武裝
| 1,537人死亡 972人受傷 超過677人被繳械 1,581人成為逃兵
| ||||||||
| 1,031名平民被殺 2,043名平民受傷 24.4萬名平民流離失所 | |||||||||
到7月底，由於阿富汗政府只係剩低主要交通幹道同一啲省會嘅控制權，阿富汗政府喺7月24號宣布呢個國家34個省入面31個省實施宵禁[13]。8月1號，塔利班向西部赫拉特省省會赫拉特同南部赫爾曼德省省會拉什卡爾加發動攻勢[14]。
截至2021年8月15號，塔利班從阿富汗政府手中奪取咗179個地區。塔利班控制咗阿富汗全國421個縣入面嘅283個，34個省會入面嘅33個，包括首都喀布爾。
背景
2020年9月，阿富汗政府根據美國同塔利班之間簽署嘅《多哈協議》釋放咗5,000 多名塔利班囚犯，其中400人尤其被判犯有謀殺罪。根據阿富汗國家安全委員會，好多獲釋嘅囚犯已經返返去塔利班作戰。
時間線
5月
5月，塔利班從阿富汗政府手中奪取咗15個地區，包括瓦爾達克省嘅Nirkh同Jalrez地區。[15][16][17][18]同月，405個阿富汗國家安全部隊同260個平民喺同塔利班嘅衝突入面喪生，而阿富汗國防部聲稱殺死咗2,146名塔利班戰士。[19][20]
到5月底，葡萄牙、斯洛文尼亞、西班牙同瑞典已完全從阿富汗撤軍。[21][22][23][24]
6月
6月，塔利班從阿富汗政府手中奪取咗69個地區[15][25]。
7月
根據7月5號報導，塔利班發言人話通過軍事手段奪取喀布爾「唔係塔利班嘅政策」。塔利班表示喺政府軍無意戰鬥之後，塔利班通過斡旋從政府軍手上奪取咗多個縣。塔利班宣稱佢哋已經控制全國大約400個縣當中嘅大約四分之一。[26]
7月7號，塔利班一度攻入巴德吉斯省首府瑙堡，並且釋放咗城入面監獄大約400個囚犯，當中超過100個係塔利班成員，政府軍其後擊退嘅塔利班嘅攻勢。[27]
前線嘅政府軍指揮官對英國BBC表示佢哋缺乏彈藥，增援亦未有及時嚟到。[27]
7月8號，美國總統祖拜登喺記者會上表示佢信任阿富汗軍方嘅能力，認為佢哋喺人數、訓練、裝備同進行戰爭嘅能力上都贏過塔利班，而且重有一支空軍，「塔利班將會佔領一切並擁有全國嘅可能性非常低」。[28]
國際紅十字會7月喺阿富汗各地幫助咗近13,000個因為武器受傷嘅人。[29]
8月
| 日期 | 省份 | 省會 | 控制數目 |
|---|---|---|---|
| 8月6日 | 尼姆魯茲省 | 紮蘭季 | 1 |
| 8月7日 | 朱茲詹省 | 希比爾甘 | 2 |
| 8月8號 | 昆都士省 | 昆都士 | 3-4 |
| 薩爾普勒省 | 薩爾普勒 | ||
| 塔哈爾省 | 塔盧坎 | 5 | |
| 8月9日 | 薩曼甘省 | 薩曼甘 | 6 |
| 8月10號 | 法拉省 | 法拉 | 7 |
| 巴格蘭省 | 普勒胡姆里 | 8 | |
| 8月11日 | 巴達赫尚省 | 費紮巴德 | 9 |
| 8月12號 | 加茲尼省 | 加茲尼 | 10 |
| 赫拉特省 | 赫拉特 | 11 | |
| 巴德吉斯省 | 瑙堡 | 12 | |
| 坎大哈省 | 坎大哈 | 13 | |
| 8月13號 | 赫爾曼德省 | 拉什卡爾加 | 14 |
| 古爾省 | 恰赫恰蘭 | 15 | |
| 洛加爾省 | 普里阿蘭 | 16-18 | |
| 紮布爾省 | 卡拉特 | ||
| 烏魯茲甘省 | 塔林科特 | ||
| 8月14號 | 帕克蒂亞省 | 加德茲 | 19 |
| 帕克蒂卡省 | 沙蘭 | 20 | |
| 庫納爾省 | 阿薩達巴德 | 21 | |
| 法利亞布省 | 邁馬納 | 22 | |
| 拉格曼省 | 米特拉姆 | 23 | |
| 代孔迪省 | 尼利 | 24 | |
| 巴爾赫省 | 馬紮里沙里夫 | 25 | |
| 8月15號 | 楠格哈爾省 | 賈拉拉巴德 | 26 |
| 瓦爾達克省 | 邁丹城 | 27 | |
| 霍斯特省 | 霍斯特 | 28 | |
| 巴米揚省 | 巴米揚 | 29 | |
| 卡比薩省 | 馬哈茂德埃拉基 | 30 | |
| 帕爾旺省 | 恰里卡爾 | 31 | |
| 努里斯坦省 | 帕倫 | 32 | |
| 喀布爾省 | 喀布爾[30][31] | 33 | |
| 8月17日 | 帕爾旺省 | 恰里卡爾 | 32 |
| 重未被塔利班控制 | 潘傑希爾省 | 巴薩拉克 |
各方回應
國內
塔利班對阿富汗國內大部分人擔憂。佢哋擔心塔利班奪權後，伊斯蘭教法可能會同1996年至2001年期間嘅前任政府一樣嚴格執行。
阿富汗政局動蕩之後，國際殘奧委員會宣佈：阿富汗隊將會放棄參加原定喺8月24號喺東京舉行嘅2020東京傷殘奧運會。不過，國際殘奧會之後宣佈，兩位運動員分別係阿富汗女子跆拳道運動員歌達達迪 (Zakia Khudadadi)以及男子田徑運動員拉蘇里（Hossain Rasouli）成功由喀布爾前往巴黎，再前往東京，溜留日本期間無論賽前賽後都唔會接受任何採訪。
國外
美國：拜登總統為撤軍決定作出辯護，佢話無國家有義務去阿富汗「建設國家」。拜登補充話「唔會派另一代美國人去嗰度戰鬥」，並提到過去統一阿富汗嘗試以失敗告終。拜登又保證，無論阿富汗戰爭嘅結果點樣，美國安全都唔會受到威脅。8月10號，五角大樓發言人約翰·柯比他向記者表示，美國認為美軍空襲行動對塔利班產生影響，但係僅靠美國嘅空中力量係無法阻止塔利班襲擊。8月16號，拜登發表演講，再為自己撤軍嘅決定辯護，表示佢並無後悔過自己嘅決定。
.svg){kind=small}
中國：外長王毅批評以美國為首嘅北約軍隊撤離速度太快同錯失時機，又敦促雙方「以有序同負責任方式」撤離。華春瑩喺8月19號又表示「世界上沒有任何事物是一成不變的，如今的阿富汗塔利班比上次執政時期更加清醒和理性」，中方又鼓勵並希望塔利班將上述表態認真落實又表示願意同塔利班政府發展友好關係。
- 烏茲別克：烏茲別克斯坦政府對阿富汗戰爭可能引發嘅移民危機表示擔憂，有報導話，美國當局已經聯繫烏茲別克斯坦政府官員，確認烏茲別克斯坦可唔可以保護同美國合作逃離阿富汗嘅阿富汗人。烏茲別克斯坦政府回應話會喺鐵爾梅茲市為阿富汗移民建立一個帳篷村。
武裝抵抗
喀布爾淪陷後，以艾哈邁德·馬蘇德同阿富汗前副總統阿姆魯拉·薩利赫為首嘅前北方聯盟部隊同反塔利班人士宣佈組建第二抵抗軍[34][35]。第二抵抗軍駐紮喺前北方聯盟嘅主要作戰區，潘吉希爾山谷。[36][37][36]8月17號，副總統阿姆魯拉·薩利赫喺潘吉希爾山谷宣佈自己係阿富汗臨時總統[38]。
當日大約喺同一時間，阿富汗國民軍嘅殘餘力量喺艾哈邁德·馬蘇德嘅帶領下，開始集結喺潘傑希爾山谷。同日，潘傑希爾抵抗勢力成功奪回帕灣省首府恰里卡爾。