Джунглі
Джунглі — гутарковае паняцце, якое азначае густы і непраходны трапічны або субтрапічны лес. Этымалогія слова джунглі ўзыходзіць да санскрыта, у якім слова «джангал» азначала непраходныя зараснікі. Англічане, якія жылі ў Індыі запазычылі гэта слова з хіндзі, зрабіўшы з яго варыянт «jungle» і выкарыстоўваючы яго ў пачатку толькі ў дачыненні да бамбукавых багністых гаяў Індастана і дэльты Ганга.
Распаўсюджанне
Самыя вялікія джунглі існуюць у басейне ракі Амазонкі (Дажджавыя лясы Амазоніі), у Нікарагуа, у паўднёвай частцы паўвострава Юкатан (Гватэмала, Беліз), на большай частцы Цэнтральнай Амерыкі (дзе яны называюцца сельвай), у экватарыяльнай Афрыцы ад Камеруна да Дэмакратычнай Рэспублікі Конга, у многіх раёнах Паўднёва-Усходняй Азіі ад М’янмы да Інданезіі і Папуа-Новай Гвінеі, у аўстралійскім штаце Квінслэнд.
Спасылкі
На Вікісховішчы ёсць медыяфайлы па тэме Джунглі
