Драма (род літаратуры)

Драма (стар.-грэч.: δρᾶμα — дзеянне) — адзін з родаў літаратуры (разам з лірыкай, эпасам, а таксама ліраэпікай). Адрозніваецца ад іншых родаў літаратуры спосабам перадачы сюжэту — не праз апавяданне або маналог, а праз дыялогі персанажаў. Да драмы так ці інакш адносіцца любы літаратурны твор, пабудаваны ў дыялагічным форме, у тым ліку камедыя, трагедыя, драма (як жанр), фарс, вадэвіль і г. д.

Са старажытных часоў існавала ў фальклорнай або літаратурнай форме ў розных народаў; незалежна адзін ад аднаго свае драматычныя традыцыі стварылі антычныя грэкі, старажытныя індыйцы, кітайцы, японцы, індзейцы Амерыкі.