Спіс самых прадаваных камп’ютарных гульняў

Гэта спіс відэагульняў, якія прадаліся найбольшай колькасцю адзінак па ўсім свеце. Самай прадаванай відэагульнёй на сённяшні дзень з’яўляецца «Minecraft», гульня-пясочніца^[ru], выпушчаная «Mojang Studios» у траўні 2009 года для ПК, мабільных і кансольных платформаў, была прададзеная тыражом больш 238 мільёнаў копій на ўсіх платформах. «Grand Theft Auto V» і «Tetris» ад EA — адзіныя іншыя вядомыя відэагульні, якія разышліся тыражом больш за 100 мільёнаў копій. Самай прадаванай гульнёй на адной платформе з’яўляецца «Wii Sports^[ru]», з амаль 83 мільёнамі продажаў для кансолі «Wii^[ru]».

Сярод 50 самых прадаваных відэагульняў у гэтым спісе больш за палову былі распрацаваны або апублікаваны кампаніяй «Nintendo», уключаючы чатыры з першай дзясяткі; чатыры гульні «Nintendo» былі апублікаваны сумесна з іх даччынай кампаніяй «Pokémon Company». Іншыя выдаўцы, якія шматкроць ўвайшлі ў топ-50, уключаюць «Activision» і «Rockstar Games^[ru]» з пяццю гульнямі кожны, «Electronic Arts» з трыма гульнямі і «Namco Bandai^[ru]» з двума гульнямі. «Nintendo EAD^[ru]» з’яўляецца распрацоўшчыкам з найбольшай колькасцю гульняў у топ-50, з трынаццаццю гульнямі ў спісе, за якім ідзе «Game Freak^[ru]» з шасцю гульнямі «Pokémon^[ru]». Самая старая гульня ў топ-50 — «Pac-Man^[ru]», выпушчаная ў траўні 1980 года, а самая апошняя — «Animal Crossing: New Horizons», выпушчаная ў сакавіку 2020 года.

Гульні, аб якіх паведамляецца па колькасці гульцоў, а не па афіцыйных дадзеных аб продажах, такім як зарэгістраваныя ўліковыя запісы, падпіскі або бясплатнае валоданне, замест гэтага ўключаюцца ў спіс самых папулярных відэагульняў па колькасці гульцоў.