Сцяг Інданезіі

Сцяг Інданезіі (індан.: Sang Saka Merah-Putih («Свяшчэнны бела-чырвоны») або Bendera Merah-Putih («Чырвона-белы сцяг»), таксама проста званы Merah-Putih («Чырвона-белы»)^[1]) — палатно, якае складаецца з дзвюх роўнавялікіх гарызантальных палос: чырвонай зверху і белай знізу ў прапорцыі 2:3^[1]. Колеры сцяга ўзяты ад колераў каралеўства Маджапахіт, якое дасягнула свайго росквіту ў XIV стагоддзі. Пасля Другой сусветнай вайны краіна абвясціла незалежнасць 17 жніўня 1945 і зацвердзіла чырвона-белы сцяг дзяржаўным. Дызайн сцяга з тых часоў застаўся ранейшым. Калі Інданезія зацвердзіла гэты сцяг як дзяржаўны, адбыўся канфлікт з Манака з-за падабенства сцягоў (гл. Сцяг Манака), аднак пратэст быў адхілены з прычыны таго, што сцяг Інданезіі па паходжанні больш старажытны, чым сцяг Манака.

Інданезія
Зацверджаны	17 жніўня 1945
Прапорцыя	2:3
Аўтар сцяга	Маджапахіт
Гюйс Рэспублікі Інданезія
Прапорцыя	2:3

Гюйс Інданезіі выкарыстоўваецца Ваенна-марскімі сіламі Інданезіі на ўсіх выкарыстоўваемых ваенных караблях^[2]. Гюйс складаецца з 9 белых і чырвоных гарызантальных палос. З-за палос завецца Ular-ular Perang («баявыя змеі»). Гюйс таксама ўзыходзіць да часоў каралеўства Маджапахіт. Каралеўства Маджапахіт, якое было марской дзяржавай, выкарыстоўвала падобныя сцягі на сваіх суднах^[3].