Tamileg
Ur yezh dravidek eo an tamileg (tamil தமிழ் LFE /tæmɪɻ/), komzet e Tamil Nadu (kreisteiz India) hag e Sri Lanka dreist-holl, hag ivez e Karnataka, Kerala ha Maharashtra. Kavet e vez ouzhpenn tamilegerion dre ar bezh a-bezh ha 18ved yezh muiañ komzet ar bed an hini eo gant 74 millon a dud a ra gantañ.
| Tamileg (Tamil, தமிழ்) | |
|---|---|
| Perzhioù | |
| Komzet e : | India, Sri Lanka, Singapour, Suafrika |
| Rannved : | Azia |
| Komzet gant : | 74 000 000 (1999) |
| Renkadur : | 13-17 |
| Familh-yezh : | Yezhoù dravidek
|
| Statud ofisiel | |
| Yezh ofisiel e : | India, Sri Lanka, Singapour |
| Akademiezh : | meur a hini |
| Kodoù ar yezh | |
| ISO 639-1 | ta |
| ISO 639-2 | tam |
| ISO 639-3 | |
| Kod SIL | TCV |
| Sellit ivez ouzh ar pennad Yezh. | |
Ur yezh klasel bev an hini eo ha savet ez eus bet lennegezh e tamileg abaoe daou vil bloaz ha chomet eo digemm ar yezh skrivet abaoe keit-all.
Tost-tre eo an tamileg d'ar malayalameg.
Unan eus yezhoù ofisiel India an hini eo, hag hini Tamil Nadu. Ur statud ofisiel he deus ar yezh ivez e Sri Lanka ha Singapour hag anavezet e vez ivez e Bonreizh Suafrika.
Disheñvel-mik eo ar yezh skrivet klasel (centamil) diouzh ar yezh komzet (koduntamil). Rannyezhoù lec'hel ez eus ivez.