ტამილური ენა
ტამილური ენა — ტამილების სამეტყველო ენა. ინდოეთის ტამილნადუს შტატის ოფიციალური ენა. მიეკუთვნება დრავიდულ ენათა ჯგუფს, რომელიც არის ინდოელების ეთნიკური ჯგუფის ტამილის ხალხის დიალექტი. გააჩნია ინდოეთის, შრი-ლანკისა და სინგაპურის[1] ოფიციალური ენის სტატუსი. ტამილზე საუბრობენ აგრეთვე უმციროსობები მალაიზიაში,[2][3] ვიეტნამში, მავრიკსა და რეიუნიონზე, ასევე ემიგრანტები მსოფლიოს სხვადასხვა კუთხეში. ტამილური არის პირველი ინდური ენა, რომელიც გამოცხადდა კლასიკურად ინდოეთის მთავრობის მიერ 2004 წელს.[4]
| ტამილური ენა ტამილ. தமிழ் (ტამილ) | |
| გავრცელებულია |  შრი-ლანკა სინგაპური ინდოეთი მალაიზია მავრიკი რეიუნიონი |
| მოლაპარაკეთა რაოდენობა | 70 მილიონი |
| ოფიციალური სტატუსი | ტამილნადუ, ანდამანის და ნიკობარის კუნძულები, პონდიშერი შრი-ლანკა, სინგაპური
|
| ლინგვისტური კლასიფიკაცია | დრავიდული ენები
|
| დამწერლობის სისტემა | ტამილური დამწერლობა არაბული დამწერლობა ტამილური ბრაილის შრიფტი ვატელუტუ (ისტორიული) |
| რუკა | |
 | |
თამილური ლიტერატურა არსებობს უკვე 2200 წელზე მეტია. პირველი ეპიგრაფიული ჩანაწერები ამ ენაზე თარიღდება ჩვენს წელთაღრიცხვამდე მესამე საუკუნით. ტამილური ლიტერატურის პირველი ეტაპი განისაზღვრება ძვ. წ. 200 წლიდან ახ. წ. 300 წლამდე.[5] ჩვენსწელთაღრიცხვამდელი ნიმუშები აღმოჩენილია ეგვიპტესა და ტაილანდში.
ტამილური ენა ფორმირების სამ პერიოდს მოიცავს, ეს არის: ძველი ტამილური (ძვ. წ. 300 წ. - ახ. წ. 700 წ.), საშუალი ტამილური (700-1600 წწ.) და ახალი ტამილური (1600 წ. - დღევანდლამდე). ტამილური ანბანი მომდინარეობს ბრაჰმასაგან.
ზოგადი ცნობები
- მოლაპარაკეთა რაოდენობა: 70 მლნ
- ენის კოდი: ta
- სახელწოდება: ta - Tamil; en - Tamil; eo - Tamila
- დამწერლობა: ტამილური
სტატუსი
ოფიციალური ენა
- ინდოეთი - სხვა 15 ენასთან ერთად.
- სინგაპური - ინგლისურთან, მალაიურთან და ჩინურთან ერთად.
- შრი-ლანკა - ინგლისურთან და სინგალურთან ერთად.
გავრცელების არეალი
ტამილურენოვანი ანკლავები კერალას, ანდჰრა-პრადეშისა და სხვა შტატების ტერიტორიებზე. ისინი ცხოვრობენ აგრეთვე შრი-ლანკაზე, მიანმარში, მალაიზიაში, ასევე აფრიკის, ვესტ-ინდოეთისა და ცენტრალური ამერიკის ზოგიერთ ქვეყანაში.
ლექსიკა
ფრაზები და სიტყვები
- გამარჯობა - Vanakkam; Enna vishayan
- კეთილი იყოს თქვენი მობრძანება - Enna vishayam
- გმადლობთ - Nandri; Rumba nandri
- კი / არა - Aamaa; Aamaam / Illai; Venda
- გეთაყვა - Dhayavu seydhu; Koncham dhayavuseydhu
- ნახვამდის - Poyitu varen; Poyitu varungal
რიცხვები და სიმბოლოები
- 1 - ondru, 2 - irandu, 3 - moondru, 4 - naangu, 5 - aindu, 6 - aaru, 7 - ezhu, 8 - ettu, 9 - onbadu, 10 - pattu
10 ციფრის გარდა ტამილურს აქვს აღნიშვნები 10–ის, 100–ის და 1000–ისთვის. ასევე სიმბოლოები: „დღე“, „თვე“, „წელი“, „დებიტი“, „კრედიტი“, „როგორც ზემოთ“, „ღარიბი“, „რაოდენობა“.
| ნული | ერთი | ორი | სამი | ოთხი | ხუთი | ექვსი | შვიდი | რვა | ცხრა | ათი | ასი | ათასი |
|---|---|---|---|---|---|---|---|---|---|---|---|---|
| ტამილ. ௦ | ტამილ. ௧ | ტამილ. ௨ | ტამილ. ௩ | ტამილ. ௪ | ტამილ. ௫ | ტამილ. ௬ | ტამილ. ௭ | ტამილ. ௮ | ტამილ. ௯ | ტამილ. ௰ | ტამილ. ௱ | ტამილ. ௲ |
| დღე | თვე | წელი | დებიტი | კრედიტი | როგორც ზემოთ | ღარიბი | რაოდენობა |
|---|---|---|---|---|---|---|---|
| ტამილ. ௳ | ტამილ. ௴ | ტამილ. ௵ | ტამილ. ௶ | ტამილ. ௷ | ტამილ. ௸ | ტამილ. ௹ | ტამილ. ௺ |
ლიტერატურა
ვიკისაწყობში არის გვერდი თემაზე: ტამილური ენა- Fabricius, Johann Philip (1933 and 1972), Tamil and English Dictionary. based on J.P. Fabricius Malabar-English Dictionary, 3rd and 4th Edition Revised and Enlarged by David Bexell. Evangelical Lutheran Mission Publishing House, Tranquebar; called Tranquebar Dictionary.
- Freeman, Rich (February 1998), "Rubies and Coral: The Lapidary Crafting of Language in Kerala", The Journal of Asian Studies (Association for Asian Studies) 57 (1): 38–65,
