तमिळ भाषा
तमिळ भाषा (तमिळ: தமிழ் மொழி , तमिळ मोळि) ही एक द्राविड भाषा असून ती तमिळ लोकांची मातृभाषा आहे. तमिळ दक्षिण आशियातील एक प्राचीन भाषा आहे. दक्षिण भारतातील "तमिळनाडु" (अर्थ : तमिळ राष्ट्र) तसेच पोंडेचेरी ह्या केंद्रशासित प्रदेशाची राजभाषा आहे (अर्थ: नवी चेरी) तसेच भारतातील ‘अभिजात भाषे’चा (Classical Language) पहिला मान तमिळ भाषेला देण्यात आला असून ६.५ कोटीहून अधिक लोक ही भाषा वापरतात. श्रीलंका (இலங்கை /इलङ्गै) आणि सिंगापूर (சிங்கப்பூர் /सिंगप्पूर्) देशात तमिळ भाषेस अधिकृत भाषेचा दर्जा देण्यात आला आहे तसेच ती न्यूनाधिक प्रमाणात मलेशिया आणि मॉरिशस येथेही दैनंदिन वापरात आढळून येते.
| Tamil | |
|---|---|
| தமிழ் | |
| स्थानिक वापर | भारत, श्रीलंका व सिंगापूर, मॉरिशस व कॅनडा, मलेशिया इथे कमीअधिक प्रमाणात, तसेच इतर देशांतील स्थलांतरित तमिळभाषकआंध्र प्रदेश, पुदुच्चेरी, कर्नाटक, केरळ, महाराष्ट्र, अंदमान आणि निकोबार |
| लोकसंख्या | ६,६०,००,००० (प्रथमभाषा) |
| बोलीभाषा | सेन्तमिळ, कोन्गु, नेल्लै, मदुरै, चेन्नई इलन्कै |
| भाषाकुळ | द्राविडी
|
| लिपी | तमिळ, वट्टेळुत्तु लिपी ग्रंथ लिपी (प्राचीन) |
| भाषा संकेत | |
| ISO ६३९-१ | ta |
| ISO ६३९-२ | tam |
 | |
तमिळ भाषेला स्वतःची अशी विशिष्ट तमिळ लिपी आहे. ह्या भाषेतील साहित्य सुमावर्षाहून अधिक प्राचीन आहे. ख्रिस्तपूर्व पहिल्या आणि दुसऱ्या शतकातील लेख थायलंड आणि इजिप्त येथे सापडलतमिळ साहित्याचा आरंभीचा काळ हा साधारणपणे तमिळ संगम काळातील साहित्यात पहावयास मिळतो, हा साधारणपणे इ.स.पूर्व ३०० वर्ष ते ३०० इ.स.ह्या दरम्यान होता. पुरातत्त्व खात्यास भारतातील प्राचीन शिलालेखांपैकी किंवा प्राचीन लेखांपैकी ५५ टक्क्यांहून अधिक लेख तमिळ भाषेत आढळून आले आहेत. २००१ च्या आकडेवारीनुसार तमिळ भाषेत १८६३ वृत्तपत्रे प्रकाशित होतात. त्यांपैकी ३५३ वृत्तपत्रे ही दैनिके आहेत.
व्युत्पत्ती
तत्कालीन तमिळ भाषेत समृद्धता आणण्यासाठी तामिळी साहित्यिकांनी तसेच पंडितांनी केलेले योगदान पाहून पाण्ड्य राजांनी त्यांच्या सन्मानार्थी तमिळ संमेलने म्हणजेच तमिळ संगम भरवण्यास सुरुवात केली. यातून तमिळ भाषेला लागू करून तिच्यात संशोधन, विकास करण्यासाठी पाण्ड्य राजांनी प्रोत्साहन दिले. एका मतप्रवाहानुसार या तमिळ संगम या शब्दातूनच तमिळ या शब्दाची व्युत्पत्ती झाली असावी असे मानले जाते. अजून काही मतप्रवाहानुसार इ.स.पहिल्या शतकात तोल्‌क्काप्पियम् हा तमिळ भाषेतील ग्रंथ लिहिला गेला.[१] साउथवर्थ यानुसार तमिळ या शब्दाचा अर्थ स्वभाषा किंवा स्वव्याख्यान असा होतो. [२]
इतिहास
भाषाशास्त्रज्ञ ब्रद्रीराजु कृष्णमूर्ति यांच्या मते, एक द्राविड भाषा म्हणून तामिळ , एक आद्यभाषा किंवा आद्यद्राविड भाषेपासून विकसित झाली असावी. आद्य- द्रविडी भाषिक पुनर्रचना शक्यतो भारतीय द्वीपकल्पासारखा कमी उंचीच्या प्रदेशात साधारणतः आजच्या गोदावरी नदी खोरे प्रदेशात इ.स.पू. तिसऱ्या शतकात बोलली जात होती असे पुराव्यांवरून दिसून येते. साहित्य पुरावा यानुसार आद्य-द्रविडीच्या भाषिकांची संकुल संबद्ध संस्कृती दक्षिण भारतात होती असे सुचवितो.[३] इतिहासावरून असे दिसून येते की, तमिळ भाषा २२ द्राविड भाषा यांपैकी सर्वात आधी बोलली जात होती. इ.स.पु.दुसऱ्या शतकाच्या मध्यापासून तमिळ रूढ झाली. इ.स.पु.३ ऱ्या शतकात तमिळ संघटीत झाली.[४] तमिळची लिपी ही त्या काळानंतर तमिळ-ब्राह्मी लिपीपासून विकसित करण्यात आली. तमिळ साहित्य हे भारतातील सर्वात प्राचीन असून या साहित्यावर संस्कृतचा परिणाम नाही. [५] तमिळ विद्वानांनी तमिळ भाषेचे तिच्या इतिहासानुसार तीन कालखंडात वर्गीकरण केले आहे:
- प्राचीन तमिळ (इ.स.पु.३००-इ.स.७००),
- मध्ययुगीन तमिळ (इ.स.७००-इ.स.१६००) आणि
- आधुनिक तमिळ (इ.स.१६००-वर्तमान).[६]
बोली आणि लिपी
तमिळ बोलीभाषेचे प्रामुख्याने पाच प्रकार आहेत ते म्हणजेसेन्तमिळ (प्राचीन अभिजात तमिळ), कोङ्गु, नेल्लै, मदुरै (प्रमाण भाषा), चेन्नई (चित्रपटातील आणि सध्याची शहरी भाषा.) आणि इलङ्गै (श्रीलंका आणि अन्य आग्नेय आशियातील देशांतील बोली). लेखनासाठी वापरण्यात येणारी लिपीतमिळ, वट्टेळुत्तु (प्राचीनकाळी ग्रंथ लिपी )1.39.96.23 ००:३२, २३ जुलै २०१५ (IST)
मराठी-तमिळ-इंग्रजी लिप्यंतरण
स्वर
मराठी आणि तमिळमध्ये एकसारखे स्वर आहेत.
| मराठी वर्णाक्षर | “प” सोबत | आईपीए उच्चार | "प्" सोबत उच्चार | ISO | तमिळ वर्णाक्षर | “प” सोबत | |
|---|---|---|---|---|---|---|---|
| अ | प | / ə / | / pə / | a | அ | ப | |
| आ | पा | / ɑ: / | / pɑ: / | ā | ஆ | பா | |
| इ | पि | / ɪ / | / pɪ / | i | இ | பி | |
| ई | पी | / i: / | / pi: / | ī | ஈ | பீ | |
| उ | पु | / ʊ / | / pʊ / | u | உ | பு | |
| ऊ | पू | / u: / | / pu: / | ū | ஊ | பூ | |
| - | - | - | - | e | எ | பெ | |
| ए | पे | / e: / | / pe: / | ē | ஏ | பே | |
| ऐ | पै | / ɛ: / | / pɛ: / | ai | ஐ | பை | |
| ओ | पो | / ο: / | / pο: / | o | ஒ | பொ | |
| - | - | - | - | ō | ஓ | போ | |
| औ | पौ | / ɔ: / | / pɔ: / | au | ஔ | பௌ |
व्यंजन
| मराठी वर्णाक्षर | ISO | तमिळ वर्णाक्षर | ISO |
|---|---|---|---|
| क, ख, ग, घ | ka, kha, ga, gha | க | ka |
| च, छ | ca, cha | ச | ca |
| ज, झ | ja, jha | ஜ | ja |
| ट, ठ, ड, ढ | ṭa, ṭha, ḍa, ḍha | ட | ṭa |
| त, थ, द, ध | ta, tha, da, dha | த | ta |
| प, फ, ब, भ | pa, pha, ba, bha | ப | pa |
संख्या
तामिळ संख्या आणि त्यांचे उच्चार
| संख्या | मराठी अक्षरी | मूळ तमिळ प्रणाली | वर्तमान तमिळ प्रणाली | अक्षरी | उच्चार |
|---|---|---|---|---|---|
| ० | शून्य | 0 | பூஜ்யம் | पूज्यम् | |
| १ | एक | ௧ | ௧ | ஒன்று | ओन्-रू |
| २ | दोन | ௨ | ௨ | இரண்டு | इरण्डू |
| ३ | तीन | ௩ | ௩ | மூன்று | मुन्-रू |
| ४ | चार | ௪ | ௪ | நான்கு | नांगु |
| ५ | पाच | ௫ | ௫ | ஐந்து | अइन्दु |
| ६ | सहा | ௬ | ௬ | ஆறு | आरु |
| ७ | सात | ௭ | ௭ | ஏழு | एऴु |
| ८ | आठ | ௮ | ௮ | எட்டு | ऎट्टु |
| ९ | नऊ | ௯ | ௯ | ஒன்பது | ओन्पदु |
| १० | दहा | ௰ | ௧0 | பத்து | पत्तु |
| २० | वीस | ௨௰ | ௨0 | இருபது | इरूवदु |
| ३० | तीस | ௩௰ | ௩0 | முப்பது | मुप्पदु |
| ४० | चाळीस | ௪௰ | ௪0 | நாற்பது | नाऱप्पदु |
| ५० | पन्नास | ௫௰ | ௫0 | ஐம்பது | अम्बदु |
| ६० | साठ | ௬௰ | ௬0 | அறுபது | अरूबदु |
| ७० | सत्तर | ௭௰ | ௭0 | எழுபது | एलुबदु |
| ८० | ऐंशी | ௮௰ | ௮0 | எண்பது | एण्बदु |
| ९० | नव्वद | ௯௰ | ௯0 | தொண்ணூறு | तोण्णूरू |
| १०० | शंभर | ௱ | ௧00 | நூறு | नूरू |
| ५०० | पाचशे | ௫௱ | ௫00 | ஐநூறு | ऐनूरू |
| १,००० | एक हजार | ௲ | ௧000 | ஆயிரம் | आयिरम |
| १०,००० | दहा हजार | ௰௲ | ௧0000 | பத்தாயிரம் | पत्तायिरम |
| १,००,००० | एक लाख | ௱௲ | ௧00000 | ஒரு லட்சம் | ओरू लक्षम |
| १०,००,००० | दहा लाख | ௰௱௲ | ௧000000 | பத்து லட்சம் | पत्तु लक्षम |
| १,००,००,००० | एक कोटी | ௱௱௲ | ௧0000000 | ஒரு கோடி | ओरू कोडि |
| १०,००,००,००० | दहा कोटी | ௰௱௱௲ | ௧00000000 | பத்து கோடி | पत्तु कोडि |
| १,००,००,००,००० | एक अब्ज | ௱௱௱௲ | ௧000000000 | நிகற்புதம் | निकऱपुदम |
मराठी-तमिळ-भाषांतर व्यवहारोपयोगी उदाहरणे
- नमस्कार - वणक्कम्
- मी कार्तिक - नां कार्तिक
- तू - नी
- ये-वा.
- यावे - वारुङ्गळ्
- शुभ प्रभात - कालै वणक्कम्
- शुभ संध्या - मालै वणक्कम्
- स्वागतम् - नल्‌वरवु
- धन्यवाद - नंड्री
- धाकटा भाऊ - तंबी
- थोरला भाऊ - अण्णन्
- धाकटी बहिण - तङ्गै
- थोरली बहिण - अक्का
- आई - अम्मा
- बाबा - अप्पा
- फार आभारी - रोम्ब नंड्री
- तू कसा आहेस? -नी एप्पडि इरुक्किऱाय?
- तुम्ही कसे आहात? - नीङ्गळ् एप्पडि इरुक्किरींगळ्?
- मी बरा आहे.- नान् नल्लाह इरुक्केन्.
- ठीक - सरि
- प्रत्यवाय नाही / हरकत नाही - परवायिल्लै / कोळप्पमिल्लै
- अरे मित्रा- अडे नण्बा
- मला तुझी खूप आठवण आली - उन्नै रोम्ब ञाबगप्पडुत्तिनेन्.
- नवीन काय?- पुदुसा एन्न सेय्दि.
- काय- एन्न.
- काहीच नाही - ओण्णुमिल्लै.
- जाऊन येतो - पोयिट्टु वरुगिरेन्.
- मला रस्ता माहित नाही - एनक्कु वळि तेरियविल्लै.
- मी रस्ता विसरलो - नान् वळियै मऱन्दुविट्टेन्.
- मी तुम्हाला सहाय्य करू का? - नान् उङ्गळुक्कु उदवट्टुमा?
- मला थोडी मदत कराल का? - एनक्कु कोञ्चम् उदवि सेय्वीर्हळा?
- मुतारी/शौचालय कुठे आहे? - कळुवरै एङ्गे इरुक्कु?
- औषधालय कुठे आहे? - मरुंदुक्कडै एङ्गे इरुक्कु?
- सरळ जा मग उजवीकडे / डावीकडे वळा - नेराह पोङगळ्, अप्पुरम् वलदुपक्कम् / इडदुपक्कम् तिरुप्पुङ्गळ्.
- मी जॉनला शोधतोय - नां जानै तेडुगिरेन्.
- जॉन आहेत का? - जान् इरुक्कारा?
- एक निमिष/मिनीट - ओरु निमिडम्
- धीर धरा - इरुङ्गळ्.
- हे केवढ्याला - इदु विलै एव्वळवु?
- एवढं?- एव्वळो?
- क्षमा करा - मन्निक्कणुङ्ग.
- माझ्यासोबत या - एन्कूड वाङ्ग.
- साहेब - ऐया.
- कृपया - तयवु सेयिदु
- तिथे जा - अङ्गु पो
- इथे ये - इङ्गु वा
- किती वाजले? - मणि एन्न?
- आज तारीख काय? - इन्निक्कु एन्न तेयदि?
- खरंच ! ( रियली) - ओ! अप्पडिया!
भारतातील तमिळभाषक
भारतात राज्यनिहाय तमिळ भाषकांचे प्रमाण दर्शविणारा तक्ता.[२००१ च्या जनगणनेनुसार]
| अनुक्रम | राज्य | तमिळभाषकांची लोकसंख्या |
|---|---|---|
| — | भारत | ६,०८,९३,७३१ |
| १ | तमिळनाडू | ५,५८,७७,४४१ |
| २ | कर्नाटक | १८,८६,७६५ |
| ३ | पुदुच्चेरी | ८,६२,१९८ |
| ४ | आंध्र प्रदेश | ७,६९,७२१ |
| ५ | केरळ | ५,९८,६१८ |
| ६ | महाराष्ट्र | ५,३२,८३२ |
| ७ | दिल्ली | ९२,७९८ |
| ८ | अंदमान आणि निकोबार | ६३,५३८ |
| ९ | गुजरात | ३५,४७० |
| १० | मध्य प्रदेश | २४,१३९ |
| ११ | पश्चिम बंगाल | २४,०५३ |
| १२ | उत्तर प्रदेश | १६,६२० |
| १३ | झारखंड | १३,४७३ |
| १४ | छत्तीसगढ | १२,५०० |
| १५ | पंजाब | १२,१७९ |
| १६ | राजस्थान | ११,३०१ |
| १७ | हरियाणा | १०,५७२ |
| १८ | जम्मू आणि काश्मीर | ९,१२९ |
| १९ | गोवा | ७,९५१ |
| २० | ओडिशा | ७,३६१ |
| २१ | चंदीगड | ५,७६४ |
| २२ | आसाम | ५,३३१ |
| २३ | उत्तराखंड | २,५४७ |
| २४ | मणिपूर | २,३८३ |
| २५ | अरुणाचल प्रदेश | १,६४७ |
| २६ | नागालॅंड | १,५९२ |
| २७ | त्रिपुरा | १,२८० |
| २८ | हिमाचल प्रदेश | १,२१६ |
| २९ | मेघालय | ९२८ |
| ३० | दादरा आणि नगर हवेली | ६६१ |
| ३१ | सिक्किम | ४८७ |
| ३२ | मिझोराम | ४४४ |
| ३३ | लक्षद्वीप | ४४३ |
| ३४ | दमण आणि दीव | ३४८ |
शब्दसंग्रह/शब्दसूची
तमिळ भाषेतील शब्दसंग्रह प्रामुख्याने द्राविडीयन भाषा-कुळातील आहे, आधुनिक तमिळ भाषेत भाषाशुद्धीकरणाचा प्रभाव जाणवतो. भाषा शुद्धीकरणारात संस्कृत मधून घेण्यात आलेल्या शब्दांना प्रतिशब्द निर्माण केल्याचा परिणाम जाणवतो. इतिहासात तमिळप्रमाणेच इतर द्राविडीयन भाषा जसे कन्नड, तेलुगू, आणि मल्याळम ह्यांवर संस्कृत भाषेच्या व्याकरणाचा, वाक्यरचनेचा तसेच शब्दसंग्रहाचा परिणाम झाला असावा असे मानण्यात येते, ज्यामुळे ह्या भाषांतील शब्दसंग्रहात संस्कृतवर आधारीत अनेक शब्द आढळतात.तसेच तमिळ भाषेतील काही मुळ शब्दांचा इतर आधुनिक भाषांमध्ये परिणाम जाणवतो जसे, इंग्रजी आणि इतर भारतीय भाषा.
अधिकृत दर्जा आणि इतर
तमिळनाडू, पुदुच्चेरी आणि अंदमान आणि निकोबार येथील राजभाषेचा दर्जा तमिळ भाषेस असून, भारताच्या अधिकृत २२ भाषांमध्ये तमिळ भाषेचा समावेश आहे. ती श्रीलंका आणि सिंगापुर या देशातही एक अधिकृत भाषा असून, मलेशियातील ५४३ शासकीय शाळांमध्ये संपूर्ण तमिळ भाषेत प्राथमिक शिक्षणाच्या सोयी आहेत. २००४ साली भारत सरकार तर्फे ह्या भाषेस अभिजात भाषेचा दर्जा बहाल करण्यात आला आहे.
हे सुद्धा पहा
- शुद्ध तमिळ आंदोलन (फक्त तमिळ भाषा चळवळ)
- हिंदी विरोधी लोकक्षोभ (हिंदी भाषेविरोधी चळवळ)
- तमिळ लिपी
- तमिळ साहित्य
- तमिळ देवीस आवाहन(तमिळ देवता)
- मणिप्रवाळ लिपि
संदर्भ
हे सुद्धा पहा
बाह्य दुवे
 | विकिमीडिया कॉमन्सवर खालील विषयाशी संबंधित संचिका आहेत: |