I Campiunâ mundiài 'd fólbar dal 2018, rivâ a la 21śma edisiòṅ, i gh'èṅ stâ in Rùsia da 'l 14 ad Śugn a 'l 15 ad Luj. Par la prima vòlta in dla stòria i s èṅ tgnû in un paéś dl'Európa d'l èst e par la prima vòlta a s è druâ la VAR. Al cóst stimâ 'l è stâ 'd quatórdas migliòṅ e dū ad dòlar.
Al sità ch'i aṅ vdû disputàr-ag gl'incóntar i èṅ stadi Måssca, San Pirenbûrg, Kalìningrad, Nizhny Novgorod, Kazàn, Samàra, Saransk, Vólgograd, Rostov su 'l Don, Sochi e Ekaterinburg.
I campiòṅ in carga dla Germàgna i èṅ stâ eliminâ subìt in dla faś a giròṅ acsè cum è sucès bèla a la Frància in dal 2002, a l'Itàglia in dal 2010 e a la Spaggna in dal 2014.
Al turnèo 'l è stâ vins da la Frància ch'acsè la riva a dū tìtui in tut. I tranśalpèṅ i aṅ batû in finàl la Cruàsia par 4-2.