1911ko Kontxako Bandera

Araudi aldetik aldaketa esanguratsu bat ekarriko du: kendu egin zen lehen jardunaldian txandak herrien arabera bereizteko araua (donostiarrak txanda batean eta besteak bestean) eta beraz ordutik aurrera ez zen desberdintasunik izango.

Istilu handien artean jokatutako urtea izan zen, eta istilu horien ondorioa izan zen hurrengo urteetan 1915 arte bandera ez antolatzea.

Alde batetik lehen estropadan balizekin arazoak izan ziren eta hiru orduko atzerapenez eman zitzaion hasiera. Baina istilurik handiena sortu zen lehen estropadaren ondoren, Getariak jakinarazi zuenean bi arraunlari lesionatuta zituela eta hurrengo eguneko estropadarako aldatu egingo zituela. Arauak ez zioen ezer gai horretaz, eta Oriokoei (bigarren jardunaldian aritu behar zuen beste herriari) jakinarazi eta galdetu zitzaien. Hauek eskaerari ezezkoa eman zioten, beraiek ere jendea oso gaizki zutela argudiatuz eta urte batzuk lehenago antzeko arazo batean ezezkoa jaso zutelako. Epaileek, hala ere, onartu zuten getariarren eskaera eta oriotarrei ere bi arraunlari aldatzeko aukera eskaini zitzaien. Erabaki hau bi ontziak uretan zeudela jakinarazi zen, euskaraz eta gaztelaniaz. Oriok ez zuen onartu eta ez zen bigarren estropadan aritu. Getaria bakarrik lehiatu zen, beraz, eta saria eraman zuen.

Hala ere, hurrengo egunean, irailaren 10ean, Oriok barkamena eskatu eta bigarren postuko diru-saria eskatu zuen, 1.500 pezeta. Antolatzaileek onartu egin zuten. Hori ikusita, donostiarrek ere kalte-ordain bat eskatu zuten, bigarren egunean oriotarren ordez lehiatzeko aukera zutela esanez. 500 pezetako ordaina jaso zuten.

• Getaria
  • Patroiak: Jose Ituarte

• AGUIRRE, Rafael (2002): Donostiako Estropadak (1879 - 2001) Regatas de la Concha. Donostia: Kutxa Fundazioa, ISBN 84-7173-414-1

• Kontxako Bandera