1958ko Italiako Giroa

1958ko Italiako Giroa txirrindularitza Itzuli Handi honen 41. edizioa izan zen. 1958ko maiatzak 18 eta ekainak 8 artean ospatu zen, 3341 kilometroko ibilbidea eginez 20 etapatan. Garailea izan zen Ercole Baldinik proba, batez beste, 36,274 kilometro orduko abiaduran bete zuen. Itzulia Milanen hasi eta amaitu zen.

1958ko Italiako Giroa
Datu orokorrak
Lasterketa	41. Italiako Giroa
Txapelketa	1958 Challenge Desgrange-Colombo
Etapak	20
Datak	maiatzak 18 – 1958.eko ekainak 8
Luzera	3.341,1 km
Herrialdea	Italia San Marino
Irteera-lekua	Milan
Helduera-lekua	Milan
Bataz besteko abiadura	36,253 km/o
Emaitzak
Txapelduna	Ercole Baldini
Txapeldunordea	Jean Brankart
Hirugarrena	Charly Gaul (Faema-Guerra-Clément)
Eskalatzailerik onena	Jean Brankart
Talderik onena	Carpano
◀1957	1959▶
	Dokumentazioa

120 txirrindularik hasi zuten proba eta 77k amaitu zuten.

Ercole Baldini, aurreko urtean hirugarren izan zena eta oraingo edizioan lau etapa irabazi zituena izan zen Giroaren garailea. Berarekin batera podiumean, mendiko sailkapenaren garailea ere izan zen Jean Brankart belgikarra bigarren postuan eta 1956ko Italiako Giroaren garailea izan zen Charly Gaul luxenburgotarra hirugarren postuan egon ziren.

Miguel Poblet txirrindulari katalanak hiru etapa garaipen lortu zituen, eta beste hirutan bigarren amaitu zuen. Federico Martín Bahamontesek eta Salvador Botellak, berriz, etapa bana irabazi zuten. Botella beste etapa batean ere 2. izan zen, egun batez maglia arrosa janztea ere lortu zuelarik, hori lortu zuen lehen espainiarra bihurtuz. 9. etapan 2. izan zen Vicente Iturat eta Bahamontesek irabazi zuen etapan 3. izan zen Jesus Loroño bizkaitarra ere etapa garaipena lortzetik gertu geratu ziren. Sailkapen nagusian Pobletek 6. amaitu zuen, Loroñok 7., Botellak 15. eta Bahamontesek 17.