2019ko Erresuma Batuko hauteskundeak

2019ko Erresuma Batuko hauteskundeak
Komunen Ganberarako 650 eserlekuak; 326 eserleku gehiengo absoluturako
Hautesleak	47.568.611
Parte-hartzea	%67,3 ▼1,5
	Hautes-barrutien emaitzen mapa.
	Komunen Ganberaren osaera hauteskundeen ondoren.
Lehen Ministroa hauteskundeen aurretik; Boris Johnson; Kontserbadorea	Hautaturiko Lehen Ministroa ; Boris Johnson; Kontserbadorea

2019ko Erresuma Batuko hauteskundeak 2019ko abenduaren 12an izan ziren, ostegunean. Hauteskunde horietan Erresuma Batuko Komunen Ganberaren 58. legealdiko 650 parlamentariak (MP deituak) hautatu ziren, "first-past-the-post" bozkatze-sistema erabiliz, Erresuma Batua osatzen duten lau herrialdeetan.

2017ko hauteskundeetan, Alderdi Kontserbadoreak ez zuen gehiengorik lortu, eta ondorioz gutxiengoan gobernatu zuen bi urtez Alderdi Demokratiko Unionistaren sostenguarekin; eta arazoak izan zituen Brexita gauzatzeko proposamenak eta legeak parlamentutik igarotzeko. Egoera estu horrek Theresa May aurreko Lehen Ministroaren dimisioa eragin zuen.

2019ko uztailean, Mayren dimisioaren ondoren, Boris Johnson hautatu zuten Alderdi Kontserbadorearen buruzagi, eta Lehen Ministro bihurtu zen jarraian. Johnsonek ez zuen lortu parlamentuak haren Brexit akordio berria onartzea urri amaieran, eta hauteskunde orokorretara deitu zuen blokeoa gainditzeko asmoarekin. Komunen Ganberak hauteskunde deiaren alde 480-20 bozkatu zuen, eta hauteskundeen data abenduaren 12an ezarri zen.^[2] Inkestek laboristekiko alde handia eman zieten kontserbadoreei hauteskunde kanpaina osoan zehar.^[3]

Hauteskunde egunean, Alderdi Kontserbadoreak 80 eserlekutako gehiengoa eskuratu zuen. Kontserbadoreek 48 ordezkari irabazi zituzten aurreko hauteskundeekiko, eta botoen %43,6 lortu zuten, edozein alderdiren ehunekorik handiena 1979tik.^[4] Kontserbadoreen garaipen berrietako asko laboristen "horma gorrian" izan ziren, historikoki Alderdi Laboristaren alde egin zuten Ingalaterra iparraldeko barrutietan. Izan ere, Alderdi Laboristak 202 ordezkari bakarrik lortu zituen, 1935etik lortutako kopururik txikiena.^[5] Eskoziako Alderdi Nazionalak (SNP) 13 eserleku egin zuen gora, eta Eskoziako botoen %45 bereganatu zuen, Eskoziako 59 eserlekuetatik 48 eskuratuz.^[6] Liberal Demokratek aurreko hauteskundeetako sostengua hobetzea lortu zuten arren (%11,6), ordezkari bat gutxiago lortu zuten (11 eserleku), eta alderdiaren buruzagia (Jo Swinson) parlamentutik kanpo geratu zen.^[7] Ipar Irlandan, Alderdi Demokratiko Unionista (DUP) alderdi handiena izaten jarraitu zuen, baina 2 eserleku galdu zituen, eta SDLP eta Aliantza Alderdia Ganberara itzultzea lortu zuten, 2017an parlamentutik kanpo geratu ondoren.

Hauteskunde emaitzek Erresuma Batua 2020ko urtarrilaren 31n Europar Batasunetik ateratzea ahalbidetu zioten Johnsoni. Alderdi Laboristaren porrotak Jeremy Corbynen dimisioa eragin zuen;^[5] eta Jo Swinson Liberal Demokraten buruzagia Komunen Ganberatik kanpo geratu zenez dimisioa aurkeztu zuen ere.^[7] Eskozian, bestalde, SNPren garaipenak bigarren independentzia erreferendum baterako aldarrikapena indartu zuen.^[6] Hauteskunde hauetan, lehenengoz Irlandako zatitzetik, errepublikanoek unionistek baino ordezkari gehiago lortu zituzten Ipar Irlandan (8 errepublikano eta 7 unionista).

Aurrekariak

2016ko uztailean, Theresa May Erresuma Batuko Lehen Ministroa bihurtu zen David Cameronen dimisioaren ondoren. Haren alderdia (Alderdi Kontserbadorea eta Unionista) 2010eko hauteskundeetan heldu zen gobernura, eta ordutik Erresuma Batua gobernatu izan zuen, Liberal Demokratekin hasieran, eta bakarrik 2015etik. 2017ko hauteskunde orokorretan, May-k zeukan gehiengoa galdu zuen, baina gobernuan jarraitu ahal izan zuen Ipar Irlandako Alderdi Demokratiko Unionistarekin (DUP) sinatutako akordio bati esker. DUP alderdiaren eta parlamentari kontserbadore askoren oposizioa dela eta, May-k ezin izan zuen Europar Batasunarekin adostutako Brexit akordioa onartu 2019ko martxoaren 29rako, eta ondorioz Brexit data atzeratzea eskatu behar izan zion Batasunari. Oposizioko Alderdi Laboristak Theresa Mayren gobernuaren aurkako zentzura mozio bat aurkeztu zuen 2019ko urtarrilean, baina ez mozioak ez zuen aurrera egin.^[8] 2019ko Europar Parlamenturako hauteskundeetan Alderdi Kontserbadoreak jasandako porrotaren ondoren, May-k dimisioa aurkeztu zuen, eta Boris Johnsonek ordeztu zuen alderdiko buruzagi eta Lehen Ministro gisa, 2019ko uztailaren 23an. Johnsonek Brexit akordio berri bat lortu zuen arren, hark ere ez zuen lortu parlamentuak akordioa onartzea, eta hauteskunde orokorretara deitzen ahalegindu zen, baina hauteskundeak aurreratzeko parlamentuaren bi herenek aurrerapenaren alde egin behar dute, eta Johnsonen gobernuak hauteskundeak aurreratzeko bozketa hiru aldiz galdu zuen Komunen Ganberan.^[9]

Hauteskundeetara deitzeko hiru saiakerek porrot egin zuten, parlamentuaren sostengua ez baitzuten lortu: Ganberak "lehenik eta behin akordiorik gabeko Brexita mahai gainetik kentzea" galdegin zion Johnsoni; eta oposizioak "2019ko Europar Batasuneko (Irteera) (2.) Legea" onartu zuen ("Benn Legea" ere deitua, Hilary Benn legea aurkeztu zuen parlamentari laboristagatik), gobernuak Brexit data bigarrenez atzeratzen derrigortzeko. 2019ko urriaren 31ko epemuga baino lehen irteera akordiorik lortu ez zuenez, eta "Benn Legeak" behartuta, Johnsonek Brexit data atzeratzea onartu zuen, eta atzerapenaren ondoren Brexit akordio berria lortu zuen Europar Batasunarekin. Gobernuaren hauteskundeak aurreratzeko proposamena hiru aldiz porrot egin ondoren, parlamentuak Liberal Demokratek eta Eskoziako Alderdi Nazionalak urriaren 28an aurkeztutako hauteskunde aurrerapena onartu zuen. "2019ko Parlamentu Hauteskunde Orokor Goiztiarretarako Legea" (EPGEA laburtuta ingelesez) aldeko 438 eta aurkako 20 botorekin onartu zen; eta hauteskunde data abenduaren 9ra aldatzeko zuzenketa batek ez zuen aurrera egin, aldeko 295 eta aurkako 315 botorekin.^[10]^[11]

Bozkatze sistema

Erresuma Batua 650 hautes-barrutitan dago banatuta, 70.000 biztanle ingurukoa bakoitza, eta barruti bakoitzak parlamentari bakarra hautatzen du Komunen Ganberarako, "first-past-the-post" (FPTP) edo "winner takes all" (ingeleraz "irabazleak dena hartzen du") deitutako bozkatze sistema erabiliz. Munduan zehar FPTP sistema oso gutxi erabiltzen den arren, mundu anglosaxoian eta Commonwealtheko herrialdeetan zehar oso hedatutako sistema da (Erresuma Batua, AEB, Kanada, India, ...).

FPTP sisteman, barruti bakoitzean hautesleek aurkezten diren hautagai guztien artean bakarrari eman diezaioke botoa. Hauteskundeen ondoren barruti bakoitzean hautagai bakoitzak jasotako boz guztiak zenbatzen dira, eta boto gehien lortu duena izendatzen da parlamentari, botoen gehiengoa lortu ez arren.

Sistema hori dela eta, hautagai batek barruti baten ordezkaritza lor dezake botoen erdia baino gutxiagorekin, hau da, hautesleen gehiengoak nahi ez duen hautagai batek irabaz ditzake hauteskundeak. Botoen gutxiengoarekin irabaztearen adibide on bat Hego Belfast barrutiko 2015eko hauteskunde emaitzak dira: SDLPren hautagaia botoen %24,5ekin izan zen hautatua, hautesleen gainerako %75,5 ordezkapen gabe utziz.^[12]

Egutegia

**2019ko Erresuma Batuko hauteskundeen egutegia**^[13]
Data	Ekintza
Urriak 29	Hauteskundeak aurreratzeko legea Komunen Ganberan onartzen da.
Urriak 30	Hauteskundeak aurreratzeko legea Lorden Ganberan onartzen da.
Urriak 31	Hauteskundeak aurreratzeko legeak Erreginaren berrespena jasotzen du, legea indarrean jarriz.
Azaroak 6	Parlamentua desegiten da, hauteskunde kanpainari hasiera emanez.
Azaroak 14	Hautagaiak aurkezteko epearen amaiera.
Azaroak 16	Barruti bakoitzeko hautagai guztien zerrendak argitaratzen.
Azaroak 26	Bozkatzeko erregistratzeko epearen amaiera.
Abenduak 12	Bozketa eguna.
Abenduak 13	Emaitza ofizialen aldarrikapena.
Abenduak 17	Parlamentuaren lehen bilkura, Ganberako Presidentearen hautagaitza eta parlamentarien sin egitea.^[14]
Abenduak 19	Erreginaren hitzaldia eta legealdiaren hasiera.

Hautagaitzak

Erresuma Batua osatzen duten 650 barrutietan zehar 3.415 hautagai aurkeztu ziren, 68 alderdi politiko ordezkatzen guztira. Horien artean 206 hautagai independente aurkeztu ziren (alderdi politikorik ordezkatzen ez dutenak). Erresuma Batua osatzen duten Britainia Handian eta Ipar Irlandan hautagaitza ezberdinak aurkeztu ziren. Hemen Komunen Ganberan edota Europako Parlamentuan eserlekuak dauzkaten edo izan dituzten alderdiak ageri dira.

Britainia Handia

Alderdia		Buruzagia	Buruzagiaren barrutia	Azken hauteskundeak		Parlamentua desegitean eserlekuak	Lehiatutako barrutiak
Alderdia		Buruzagia	Buruzagiaren barrutia	Bozen %	Eserlekuak	Parlamentua desegitean eserlekuak	Lehiatutako barrutiak
	Alderdi Kontserbadorea	Boris Johnson	Uxbridge & South Ruislip	42.4%	317	298	635 barruti Erresuma Batuan ^[15]
	Alderdi Laborista	Jeremy Corbin	Islington North	40.0%	262	244	631 barruti Erresuma Batuan
	Eskoziako Alderdi Nazionala	Nicola Sturgeon	Inon^{[oh 1]}	3.0%	35	35	59 barruti Eskozian
	Liberal Demokratak	Jo Swinson	East Dunbartonshire	7.4%	12	21	611 barruti Erresuma Batuan
	Change UK	Anna Soubry	Broxtowe	Berria		5	3 barruti Ingalaterran
	Plaid Cymru	Adam Price	Inon^{[oh 2]}	0.5%	4	4	36 barruti Galesen
	Ingalaterra eta Galesko Alderdi Berdea	Jonathan Bartley eta Siân Berry	Inon^{[oh 3]}	1.6%	1	1	474 barruti Ingalaterran eta Galesen
	Brexit Party	Nigel Farage	Inon^{[oh 4]}	Berria		0	276 barruti Britainia Handian

Ipar Irlanda

Alderdia		Buruzagia	Buruzagiaren barrutia	Azken hauteskundeak		Parlamentua desegitean eserlekuak	Lehiatutako barrutiak (18tik)
Alderdia		Buruzagia	Buruzagiaren barrutia	Bozen % (I.Irlandan)	Eserlekuak	Parlamentua desegitean eserlekuak	Lehiatutako barrutiak (18tik)
	Alderdi Demokratiko Unionista	Arlene Foster	Inon^{[oh 5]}	%36	10	10	17 barruti Ipar Irlandan
	Sinn Féin	Mary Lou McDonald	Inon^{[oh 6]}	%29,4	7	7	15 barruti Ipar Irlandan
	Alderdi Sozialdemokrata eta Laborista	Colum Eastwood	Foyle	%11,7	0	0	15 barruti Ipar Irlandan
	Ulstergo Alderdi Unionista	Steve Aiken	Inon^{[oh 7]}	%10,3	0	0	16 barruti Ipar Irlandan
	Alliance Party (Aliantza Alderdia)	Naomi Long	Inon^{[oh 8]}	%7,9	0	0	18 barruti Ipar Irlandan

Hauteskunde kanpaina

Sloganak

	Slogana (originala)	Itzulpena
Alderdi Kontserbadorea	Get Brexit Done. Unleash Britain's Potential	Brexita burutu. Askatu Britainiaren potentziala
Alderdi Laborista	It's Time for Real Change	Benetako aldaketarako ordua da
Eskoziako Alderdi Nazionala	It's Time to Choose Our Own Future	Gure etorkizuna aukeratzeko unea da
Liberal Demokratak	Stop Brexit. Build a Brighter Future	Brexita gelditu. Etorkizun argiago bat eraiki
Change UK	Politics is Broken. Let's Change it	Politika apurtuta dago. Aldatu dezagun
Plaid Cymru	Wales, It's Us / Ni yw Cymru	Gales, gu gara
Ingalaterra eta Galesko Alderdi Berdea	Leading the Fight for Climate Action, a People's Vote, a Fair Society for All	Klima Aldaketaren aurkako, Jendearen Boza-rako^a, bidezko gizarte batentzako borrokaren burua.
Brexit Party	Change Politics for Good	Politika hobera aldatu
Alderdi Demokratiko Unionista	Strength to Deliver	Betetzeko indarra.
Sinn Féin	Building an Ireland of Equals	Berdinen Irlanda bat eraikitzen.
Alderdi Sozialdemokrata eta Laborista	Build a More Equal Ireland	Berdintasun handiagoko Irlanda bat eraiki.
Ulstergo Alderdi Unionista	For the Union	Batasunagatik.
Alliance Party (Aliantza Alderdia)	Demand Better	Hobea eskatu.

^a "Jendearen Boza" ("people's vote") europazaleek 2. Brexit Erreferendumari jarritako ezizena da.

Debateak

2019ko Erresuma Batuko hauteskundeetarako debateak Britainia Handian
Data	Ekoizlea	Lurraldea	P Gonbidatua S Ordezkoa NI Gonbidatu gabea A Ez aurkeztuta N Debaterik ez
			Con	Lab	SNP	LibDem	Plaid	Berdeak	BrexitP

Azaroak 17^[16]	ITV Cymru Wales	Gales	S David Davies	S Thomas-Symonds	NI	P Jane Dodds	S Saville Roberts	NI	S Nathan Gill
Azaroak 19^[17]	ITV	Erresuma Batua	P Johnson	P Corbyn	NI	NI	NI	NI	NI
Azaroak 22^[18]	BBC	Erresuma Batua	P Johnson	P Corbyn	P Sturgeon	P Jo Swinson	NI	NI	NI
Azaroak 24 (bertan behera utzita)^[19]^[20]	~~Channel 4~~	Erresuma Batua	N Johnson	N Corbyn	NI	NI	NI	NI	NI
Azaroak 26	BBC Cymru Wales	Gales	S David Davies	S Nia Griffith	NI	P Jane Dodds	S Saville Roberts	NI	S James Wells
Azaroak 28 (bertan behera utzita)	~~Sky News~~	Erresuma Batua	N Johnson	N Corbyn	NI	N Jo Swinson	NI	NI	NI
Azaroak 28^[21]	Channel 4	Erresuma Batua	A^{[oh 9]} Johnson	P Corbyn	P Sturgeon	P Jo Swinson	P Adam Price	P Siân Berry	A Farage
Azaroak 29	BBC	Erresuma Batua	S Rishi Sunak	S Long-Bailey	P Sturgeon	P Jo Swinson	P Adam Price	S Caroline Lucas	S Richard Tice
Abenduak 1^[22]	ITV	Erresuma Batua	S Rishi Sunak	S Richard Burgon	P Sturgeon	P Jo Swinson	P Adam Price	P Siân Berry	P Farage
Abenduak 3^[23]	BBC Cymru Wales	Gales	S Jones	S David Hanson	NI	S John	S Rhun ap Iorwerth	NI	P Nathan Gill
Abenduak 3^[24]	STV	Eskozia	P Jackson Carlaw	P Richard Leonard	P Sturgeon	P Willie Rennie	NI	NI	NI
Abenduak 6	BBC	Erresuma Batua	P Johnson	P Corbyn	NI	NI	NI	NI	NI
Abenduak 8^[25]^[26]	Channel 4	Erresuma Batua	A	S Angela Rayner	S Philippa Whitford	P Jo Swinson	P Adam Price	P Jonathan Bartley	A
Abenduak 9^[27]	BBC	Erresuma Batua	S Robert Jenrick	S Angela Rayner	S Humza Yousaf	P Jo Swinson	P Adam Price	P Jonathan Bartley	P Farage
Abenduak 10^[28]	BBC Scotland	Eskozia	P Jackson Carlaw	P Richard Leonard	P Sturgeon	P Willie Rennie	NI	NI	NI

Inkestak

Beheko grafikoak 2017ko hauteskundeetatik aurrera egindako inkesten emaitzak irudikatzen ditu, Britainia Handiko hauteslei eginak batez ere. Marraztutako marrak azken 15 inkesten batez-bestekoa irudikatzen du, eta amaierako borobil handiagoek hauteskundeen benetako emaitzak adierazten dituzte.

Emaitzak

Laburpena

Alderdia		Buruzagia	Eserlekuak			Bozak^[1]
Alderdia		Buruzagia	Guztira	%		Guztira	%
	Alderdi Kontserbadorea	Boris Johnson	365	%56,2	365	13.966.565	%43,6
	Alderdi Laborista	Jeremy Corbin	202	%31,1	202	10.269.076	%32,2
	Eskoziako Alderdi Nazionala	Nicola Sturgeon	48^{[oh 10]}	%7,4	48	1.242.380	%3,9
	Liberal Demokratak	Jo Swinson	11	%1,7	11	3.696.423	%11,6
	Alderdi Demokratiko Unionista	Arlene Foster	8	%1,2	8	244.128	%0,8
	Sinn Féin	Mary Lou McDonald	7	%1,1	7	181.853	%0,6
	Plaid Cymru	Adam Price	4	%0,6	4	153.265	%0,5
	Alderdi Sozialdemokrata eta Laborista	Colum Eastwood	2	%0,3	2	118.737	%0,4
	Ingalaterra eta Galesko Alderdi Berdea	Jonathan Bartley Siân Berry	1	%0,2	1	835.579	%2,7
	Aliantza Alderdia	Naomi Long	1	%0,2	1	134.115	%0,4
	Hizlaria (Speaker)	Lindsay Hoyle	1	%0,2	1	26.831	%0,1

Emaitza osoak

2019ko abenduaren 12ko Erresuma Batuko hauteskunde orokorrak^[1]

Alderdia		Buruzagia	Hautagai kop.	Eserlekuak					Bozak
Alderdia		Buruzagia	Hautagai kop.	Guztira	Irabaziak	Galduak	Aldaketa	%	Guztira	%	Aldaketa
	Alderdi Kontserbadorea	Boris Johnson	635	365	58	10	▲48	%56,2	13.966.565	%43,6	▲1,2
	Alderdi Laborista	Jeremy Corbin	631	202	1	61	▼60	%31,1	10.269.076	%32,2	▼7,9
	Liberal Demokratak	Jo Swinson	611	11	3	4	▼1	%1,7	3.696.423	%11,6	▲4,2
	Eskoziako Alderdi Nazionala	Nicola Sturgeon	59	48	14	1	▲13	%7,4	1.242.380	%3,9	▲0,8
	Ingalaterra eta Galesko Alderdi Berdea	Jonathan Bartley Siân Berry	472	1	0	0	0	%0,2	835.579	%2,7	▲1,1
	Brexit Party	Nigel Farage	275						644.257	%2	Berria
	Alderdi Demokratiko Unionista	Arlene Foster	17	8	0	2	▼2	%1,2	244.128	%0,8	▼0,1
	Sinn Féin	Mary Lou McDonald	15	7	1	1	0	%1,1	181.853	%0,6	▼0,2
	Plaid Cymru	Adam Price	36	4	0	0	0	%0,6	153.265	%0,5	±0
	Aliantza Alderdia	Naomi Long	18	1	1	0	▲1	%0,2	134.115	%0,4	▲0,2
	Alderdi Sozialdemokrata eta Laborista	Colum Eastwood	15	2	2	0	▲2	%0,3	118.737	%0,4	▲0,1
	Ulstergo Alderdi Unionista	Steve Aiken	16						93.123	%0,3	±0
	Yorkshire Alderdia	Christopher Whitwood	28						29.201	%0,1	±0
	Eskoziako Alderdi Berdea	Patrick Harvie & Lorna Slater	22						28.122	%0,1	±0
	Speaker	Lindsay Hoyle	1	1				%0,2	26.831	%0,1	±0
	Erresuma Batuaren Independentziaren Alderdia	Patricia Mountain	44						22.817	%0,1	▼1,8
	Ashfield-eko Independenteak	Jason Zadrozny	1						13.498	%0,0	±0
	Alderdi Liberala	Steve Radford	19						10.876	%0,0	±0
	Change UK	Anna Soubry	3						10.006	%0,0	Berria
	Aontú	Peadar Tóibín	7						9.814	%0,0	Berria
	Monster Raving Loony	Howling Laud Hope	24						9.739	%0,0	±0
	Pertsonak Irabazien Aurretik	Buruzagirik ez	2						7.526	%0,0	±0
	Birkenhead Justizia Soziala	Frank Field	1						7.285	%0,0	Berria
	Herri Kristauen Aliantza	Sidney Cordle	27						6.486	%0,0	±0
	Heavy Woollen Independenteak	Aleksandar Lukic	1						6.423	%0,0	±0
	Alderdi Sozialdemokrata	William Clouston	20						3.295	%0,0	±0
	Animali Ongizatea	Vanessa Hudson	6						3.086	%0,0	±0
	Ipar Ekialdeko Alderdia	Mark Burdon	2						2.637	%0,0	±0
	Lincolnshireko Independentea	Marianne Overton	1						1.999	%0,0	±0
	Ipar Irlandako Alderdi Berdea	Clare Bailey	3						1.996	%0,0	±0
	Demokrata Ingelesak	Robin Tilbrook	4						1.987	%0,0	±0
	Alderdi Libertarioa	Adam Brown	5						1.780	%0,0	±0
	Mebyon Kernow	Dick Cole	1						1.660	%0,0	±0
	Oldham-ez and Saddleworth-ez Arro	Paul Errock	2						1.606	%0,0	±0
	Sare Independentea	Ian Stephens	1						1.542	%0,0	±0
	Gwlad Gwlad	Gwyn Wigley Evans	3						1.515	%0,0	±0
	Cynon Valley	Andrew Chainey	1						1.322	%0,0	±0
	Beteranoen eta Herritarren Alderdia	Robin Horsfall	2						1.219	%0,0	±0
	Burnley eta Padiham-eko Alderdia	Mark Payne	1						1.162	%0,0	±0
	Shropshireko Alderdia	Robert Jones	1						1.141	%0,0	±0
	Cumbria Lehenesten	Jonathan Davies	1						1.070	%0,0	±0
	Bakea	John Morris	2						960	%0,0	±0
	Wycombeko Independenteak	Matt Knight	1						926	%0,0	±0
	Justizia eta Anti-Ustelkeria	Donald Jerrard	3						728	%0,0	±0
	Alderdi Kristaua	Jeff Green	2						705	%0,0	±0
	Renew	Julie Girling	4						545	%0,0	±0
	Langileen Alderdi Iraultzailea	Joshua Ogunleye	5						524	%0,0	±0
	Britainiar Alderdi Nazionala	Adam Walker	1						510	%0,0	±0
500 boto baino gutxiagoko alderdiak						1	▼1
Guztira				650				100	32.014.110	100
Errolda eta parte-hartzea									47.587.254	%67,3	▼1,5

Botoak
Alderdiak			Ehunekoak
Kontserbadoreak			43.6%
Laboristak			32.2%
LibDem			11.6%
SNP			3.9%
Berdeak			2.7%
Brexit Alderdia			2.0%
DUP			0.8%
Sinn Féin			0.6%
Plaid Cymru			0.5%
SDLP			0.4%
Besteak			1.4%

Komunen Ganberako eserlekuak
Alderdiak			Eserlekuen ehunekoak
Kontserbadoreak			56.2%
Laboristak			31.1%
SNP			7.4%
LibDem			1.7%
DUP			1.2%
Sinn Féin			1.1%
Plaid Cymru			0.6%
SDLP			0.3%
Berdeak			0.2%
Aliantza Alderdia			0.2%

Oharrak

Erreferentziak

Kanpo estekak

Datuak: Q30173038
Multimedia: 2019 United Kingdom general election / Q30173038

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[oh 1]

[oh 2]

[oh 3]

[oh 4]

[oh 5]

[oh 6]

[oh 7]

[oh 8]

[16]

[17]

[18]

[19]

[20]

[21]

[oh 9]

[22]

[23]

[24]

[25]

[26]

[27]

[28]

[oh 10]

Search