Annemiek van Vleuten
Annemiek van Vleuten (Vleuten, Herbehereak, 1982ko urriaren 8a) herbehereetar errepideko txirrindulari profesionala da.
2020ko Udako Olinpiar Jokoetan urrezko domina irabazi zuen emakumezkoen erlojupeko txirrindularitza proban eta zilarrezkoa errepideko proban. Lau munduko txapelketa ere lortu ditu, bi erlojupekoan eta bi errepidekoan, Italiako Giroa ere birritan irabazi du[1] eta 2022ko Frantziako Tourraren irabazlea izan zen[2]. Vueltan ere irabazlea. Hiru handiak irabazi ditu.[3]
2022ko iraupeneko munduko txapeldun berria izan da[4][5][6], hiru itzuli handiak irabazi ondoren. Hori lortzen duen lehenengo txirrindularia da.[7]
Biografia
Hasiera
2007 amaieran egin zuen debuta profesionaletan[8]. 2010an hasi zen garaipenak lortzen, batez ere klasikak irabazi zituen.
2011. urtean Munduko Kopa irabazi zuen puntu gehien lortuz[9]. Marianne Vos-en aurretik gelditu zen, aurreko bi edizioak eta hurrengo biak irabaziko zituen herbeheretar txirrindulari handia. 2012ko Udako Olinpiar Jokoetan parte hartu zuen errepideko lasterketan eta 14. postuan amaitu zuen.
2014an Italiako Giroko errebelazioa izan zen, bi etapa irabazi eta sailkapen nagusian 8. postua eginez. 2016an bosgarren egin zuen Munduko txapelketako erlojupeko saioan. Rioko Olinpiar Jokoetan errepideko proban hartu zuen parte baina ez zuen amaitu.
Puntako txirrindularia (2017- )
2017. urtean igoera nabarmena izan zuen. Italiako Giroan hirugarren egin zuen eta Munduko txapelketatak 4.a errepidean eta txapelduna erlojupekoan izan zen. UCI World Ranking sailkapena irabazi zuen. Hurrengo urtean Giroa, Munduko txapelketako erlojupekoa eta UCI World Ranking irabazi zituen[10]. 2019a ez zen okerragoa izan, Giroa eta Munduko errepideko txapelketa irabazi eta erlojupekoan hirugarren eginez. UCI Rankingean 2. egin zuen Marianne Vosen atzetik.
2020. urtean Giroa amaitzerik ez zuen izan eroriko baten erruz[11]. 2021ean UCI World Ranking-ean lehenengo postuan dago [12]eta Tokioko Olinpiar Jokoetan urrezko domina irabazi zuen emakumezkoen erlojupeko txirrindularitza proban[13] eta zilarrezkoa errepideko proban. Errepideko proba honetan helmugara iristean txapelduna zelakoan zegoen van Vleuten, jakin gabe ihes eginda Anna Kiesenhofer iritsi zela lehenago. Akats larria izan zen baina esan beharra dago edonolako komunikazioak debekaturik daudela Olinpiar jokoetan[14]. Olinpiar Jokoetatik itzuli eta hiru egunetara Donostia Klasikoa irabazi zuen[15].[16]
2022an berriz ekin zaio Emakumezkoen Frantziako Tourrari eta Annemiek van Vleuten izan zen garailea. Italiako Giroa eta Espainiako Vuelta ere irabazi zuen eta baita Munduko txapelketa ere.
2023. urtean hirugarren aldiz jarraian izan zen Vueltako irabazlea.[17]
2023ko uztailaren 9an, espero legez,[18] laugarren aldiz txapelduna izan zen Emakumezkoen Italiako Giroan (Giro Donne).[19] [20] Annemiek Van Vleuten herbeherearrak Oier Casado Kortabarria mekanikari abadiñarrari euskaraz esker ona adierazi zion elastiko baten bidez: "Oier! Mekanikoa %100. Gure botere isila. Bizikleta guztiak beti ordena ezin hobean. Eskerrik asko!". [21]
2023ko urrian azken pedalkadak emanda, Annemiek van Vleuteni, erretiroa hartzeko ordua heldu zaio.[22]
Palmaresa
Olinpiar Jokoak
| Txapelketa | Domina | Kategoria |
|---|---|---|
 Londres 2012 | 14. | errepideko proba |
 Rio 2016 | utzi | errepideko proba |
 Tokio 2020 |  | errepideko proba |
 | erlojupeko proba |
Proba nagusiak
| Itzuli Handia | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
|---|---|---|---|---|---|---|---|---|---|---|---|---|---|---|---|---|
 Italiako Giroa | — | — | — | 75. | UT | UT | 8. | 35. | — | 3. | 1. | 1. | UT | — | 1. | 1. |
 Frantziako Tourra | — | — | 1. | |||||||||||||
 Espainiako Itzulia | — | 1. | 1. | 1. | ||||||||||||
 Munduko Txapelketa | — | — | 25. | 24. | 11. | 15. | — | — | 53. | 4. | 7. | 1. | 2. | 19. | 1. | |
| Munduko Erlojupeko Tx | — | — | — | — | — | — | — | — | 5. | 1. | 1. | 3. | — | 3. | 7. |
| — | Ez zuen parte hartu |
| DSK | Deskalifikatua |
| UT | Utzi |
Euskal Herrian
- Durango-Durango Emakumeen Saria
- Irabazi (2): 2017, 2020[23]
- Bigarren (2): 2018, 2021
- Hirugarren (1): 2010
- Emakumeen Euskal Bira
- Bigarren (3): 2010, 2017, 2018
- Hirugarren (1): 2012
- Etapak: 2010 (1), 2015 (1), 2017 (1), 2018 (1)
- Emakumeen Nafarroako Klasikoa
- Irabazi (2): 2020, 2021[24]
- Clásica Féminas de Navarra
- Irabazi (1): 2020
- Donostia Klasikoa
- Irabazi (1): 2021[15]
Erreferentziak
Kanpo estekak
Datuak: Q289826
Multimedia: Annemiek van Vleuten / Q289826
