Club Deportivo Castellón

Club Deportivo Castellón
Ezizena(k)	Orelluts
Sorrera	1922 (102 urte)
Futbol zelaia	Nou Estadi Castalia; edukiera: 16.000 lagun; inaugurazioa: 1987
Presidentea	David Cruz Jofre
Entrenatzailea	Óscar Cano Moreno
Liga	1. maila RFEF
2021-22	13.a (II multzoa)
Webgunea	Webgune ofiziala

	Etxekoa

	Kanpokoa

Club Deportivo Castellón edo valentzieraz Club Esportiu Castelló futbol talde castellóarra da, 1922an Castelló de la Plana hirian sortutakoa.

Gaur egun 1. maila RFEFn jokatzen du, lehen mailan 11 denboralditan ibili izan arren.

Historia

Sorrera

XX mendearen hasieran hasi zen futbola Castellónen eta lehen taldea 1911 urtean sortu zen, Deportivo izenekoa. 1919an talde berriak sortu ziren; Obelisco, Regional, Ribalta eta Cervantes besteak beste. Sociedad Deportiva Cervantes Fútbol Club gazte errepublikarren taldea zen eta berau izan zen 1922an Castellón Club de Fútbol bihurtu zena. Lehenengo kamiseta bitxia izan zen, marra berde, laranja eta urdinak zituen, eta praka beltzak.

Lehen arrakastak

Lehenengo arrakasta 1929-30 urteko Errege Kopan izan zuen, hirugarren mailan egonik lehen mailako Atletico Madril kanporatu baitzuen. Hau gertatzen zen lehen aldia izan zen. 1940-41 urtean lehen mailara igotzea lortu zuen Real Zaragozaren aurkako promozioan eta sei denboraldi jarraian egin zituen bertan. Hau izan zen klubaren garairik onena. 1942-43an liga irabazteko lehian sartu zen Athleticen aurka baina azkenean 4. postuarekin konformatu behar izan zuen.

50. urteurreneko denboraldia

1971-72 denboraldian berriz lehen mailara igotzea lortu zuen eta lehen denboraldian bosgarren postuan gelditu zen. Urte berean Errege Koparen finala jokatu zuen baina 2-0 emaitzaz galdu zuen Athleticen aurka. Hurrengo denboraldian bigarren mailara jeitsi zen ordea.

Azken urteak

Hurrengo urteetan bigarren mailan mantendu zen eta ordutik aurrera beste hiru denboraldi egin ditu lehen mailan, 1981-82, 1989-90 eta 1990-91.

1994 urtean bigarren B mailara jeitsi zen. 2005 eta 2010 artean bigarren mailan aritu zen baina berriz jeitsi eta hirugarren mailan aritu zen zazpi urtez. 2018an bigarren B mailara itzuli zen eta 2020an 2. mailara igo zen.

Uniformea





1922





1926





1964-tik

Azken urteak





2018-2020





2020-2021





2021-2022

Datuak

2022-23 barne:

Denboraldiak 1. mailan: 11
Denboraldiak 2. mailan: 42
Denboraldiak 2. B mailan: 14
1. maila RFEF: 2
2. maila RFEF: 0
Denboraldiak 3. mailan: 18
Ligako posturik onena: 4.a (Lehenengo Mailan, 1942-43 denboraldian)

Azken urteetako ibilbidea

Urtea	#	Maila	Postua	Errege Kopa	Besterik
2004-05	3	Bigarren B maila	4.a	2. itzulia
2005-06	2	Bigarren maila	12.a	1. itzulia
2006-07	2	Bigarren maila	14.a	1/32
2007-08	2	Bigarren maila	5.a	2. itzulia
2008-09	2	Bigarren maila	7.a	1/32
2009-10	2	Bigarren maila	22.a	2. itzulia
2010-11	3	Bigarren B maila	10.a	2. itzulia
2011-12	4	Hirugarren Maila	9.a	-
2012-13	4	Hirugarren Maila	4.a	-
2013-14	4	Hirugarren Maila	15.a	-
2014-15	4	Hirugarren Maila	1.a	-
2015-16	4	Hirugarren Maila	3.a	2. itzulia	Federazio Kopa, 2.a
2016-17	4	Hirugarren Maila	4.a	-
2017-18	4	Hirugarren Maila	2.a	-
2018-19	3	Bigarren B maila	15.a	2. itzulia
2019-20	3	Bigarren B maila	1.a	1. itzulia
2020-21	2	Bigarren maila	21.a (jaitsi)	2. itzulia
2021-22	3	1. maila RFEF	13.a	2. itzulia
2022-23	3	1. maila RFEF	3.a (II multzoan)
2023-24	3	1. maila RFEF		1/16