Dima Khatib
Dima Khatib (arabieraz: ديمة الخطيب); (Damasco, Siria, 1971ko uztailaren 14a) kazetari, poeta, blogari eta itzultzaile siriarra da. AJ+eko zuzendari kudeatzailea da, Al Jazeera Media Network-ek San Franciskon (AEB) argitaratutako ingelesezko, arabierazko eta gaztelaniazko albiste-zerbitzu digital saridun bat.[1] Gaur egun, Al Jazeera taldeko zuzendari exekutibo bakarra da; eta, hedabide arabiarren esparruan, emakumezko lider bakarrenetakoa.[2]
| Dima Khatib | |
|---|---|
_(cropped).jpg) | |
| Bizitza | |
| Jaiotza | Damasko, 1971ko uztailaren 14a (52 urte) |
| Herrialdea |  Siria |
| Bizilekua | Doha |
| Hezkuntza | |
| Heziketa | Genevako Unibertsitatea |
| Hizkuntzak | arabiera |
| Jarduerak | |
| Jarduerak | kazetaria, poeta, idazlea eta itzultzailea |
  | |
Biografia
Damaskon jaio zen, ama siriarra eta aita palestinarra zituela.[3] (Palestinatik Siriara ihes egin zuen Israelek bere herrialdea okupatu zuelako, eta bera eta bere familia deportatzera behartu zituen 1948an). Khatib-ek erraz hitz egiten ditu zortzi hizkuntza (arabiera, ingelesa, frantsesa, gaztelania, portugesa, italiera, txinera, alemana). 1997an, Al Jazeerarekin elkartu zen telebistako kazetaritzan urgazle gisa. Eta gero produktore izatera pasatu zen, Txinako korrespontsal eta Latinoamerikako Bulegoko buru; azken urteotan Interneteko kazetaritzan erabateko aldaketa egin aurretik.[4]
Ibilbidea
Dima sare sozialetan eragin handiena duten arabiarren artean sailkatu dute.[5][6][7][8] Arabiar iraultzetan, bere Twitter kontuaren bidez, azken gertakarien inguruko albiste eta iruzkinak ematen zituen.[9][10][11] Gaur denetariko gaiak jorratzen ditu bere gizarte ekimenei buruz, besteak beste, sare sozialak, komunikabideak, amatasuna, poesia, Palestina eta beste batzuk.[12]
Irakeko gerran hasi zen errekonozimendua lortzen, Dohan Al Jazeera kanal arabiarrarentzat zuzeneko albisteen ekoizle gisa lan egin zuenean. CNNko Larry Kingi eta Wolf Blitzerri elkarrizketa bat eskaini zien,[13] eta Control Room-en aurkeztu zuten, Al Jazeerari eta Irakeko inbasioaren estaldurari buruzko 2004ko dokumental batean.[14]
Latinoamerikan esleitu zutenean, Hugo Chávez[15][16] Venezuelako presidente zenduaren sarbide esklusiboa eta hurbila izan zuen, eta zenbait lider elkarrizketatu zituen, hala nola Evo Morales (Bolivia) eta Brasilgo Lula da Silva. Hego eta Erdialdeko Amerikako toki guztien berri emanez, Arabiar Munduari urrutiko kontinente baten aurrekaririk gabeko ikuspegia eman zion. Caracasetik, berri urraketaren iturri bezala aipatzen zen, hala nola, Chávez izan zela Israel gogor gaitzetsi zuen lehen estatuburua Israel eta Libanoko gatazkan[17] eta, urte batzuk geroago, Israelekin harremanak eten zituela. Gaddafik Venezuelara ihes egin zuela ere ukatu zuen.[18]
Dimak arabierazko poemen bilduma bat du, Love Refugee izenekoa (arabieraz: لاجئة حب ).[19] Iraultza arabiarrei buruzko gaztelaniazko liburu baten egilekidea ere bada.
Kazetaritzari buruzko hitzaldiak eman zituen American University in Dubai (AUD) unibertsitatean 2013tik 2015era, eta jarraitzen du ematen mundu osoan. Aldizka poesia errezitaldiak antolatzen ditu Persiako Golkoko hirietan, baita Europan, Ipar Amerikan eta Latinoamerikan ere.[20]
Al Jazeerarekin lanean hasi aurretik, Khatib-ek Swiss Radio Internationalentzat lan egin zuen Bernan eta Munduko Osasun Erakundean Genevan, baita Al-Raya Newspaper eta Dohako Qatar Radio Frantsesez-en ere.
Argitalpenak
Poesia
- Love Refugee (Arabieraz: لاجئة حب), poema bilduma arabieraz, Jamalonen.
Ez-fikziozkoak
- Arabiar iraultzei buruzko liburu bat gaztelaniaz
Erreferentziak
Kanpo estekak
Datuak: Q5277137
Multimedia: Dima Khatib / Q5277137
