Eva Lopez de Arroyabe
Eva Lopez de Arroyabe Saez de Maturana (Gasteiz, 1973ko abenduaren 10a) Arabako Lautadako ganaduzalea da, Arabako Nekazarien Elkarteko zuzendari ohia. Larreako Batzorde Administratiboaren zuzendari izan zen lehendabiziko emakumea izan da.
| Eva Lopez de Arroyabe | |||
|---|---|---|---|
 | |||
2016ko urriaren 21a - 2020ko otsailaren 11 Barrutia: Araba Hautetsia: Eusko Legebiltzarreko XI. legealdia | |||
| Bizitza | |||
| Jaiotza | Gasteiz, 1973ko abenduaren 10a (50 urte) | ||
| Herrialdea |  Araba, Euskal Herria | ||
| Hezkuntza | |||
| Hizkuntzak | euskara gaztelania | ||
| Jarduerak | |||
| Jarduerak | abeltzaina eta politikaria | ||
| Kidetza | EHNE | ||
| Sinesmenak eta ideologia | |||
| Alderdi politikoa | .svg){kind=small} Euskal Herria BilduAraba | ||
   | |||
Biografia
Eva Lopez de Arroyabe 1973an Gasteizen jaio eta amaren aldeko senideen jatorria zen Illarduyan hazi zen, lurrarekin eta abeltzaintzarekin kontaktuan.[1] Zuzendaritza-Idazkaritza ikasi zuen. Larrean bizi eta lan egiten du.
Ibilbide profesionala
2001 geroztik bere kidearekin batera Uriburu abeltzaintza-ustiategiaren kudeaketan ari da.[2][3] 2011n, eta lau urtez, Arabako lehen behi-gazta merkaturatzeko proiektua jarri zuten abian.[4][5] Duela 10 urtetik hona bere baserriak parte hartzen du “Nekazariak Eskolan” programan, 10-12 urte bitarteko ikasleak tokiko nekazaritzako elikagaie kontsumo arduratsuan sentsibilizatzeko.
Ibilbide sindikalista eta asoziatiboa
2007tik 2011ra Arabako Nekazarien Elkartean (UAGA) zuzendaritza-batzordeko kide izan zen, baita Euskal Herriko Nekazarien Elkartasuna (EHNE) nekazarien sindikatoan ere, bertako Berdintasun Arloaren buru izanik.[6]
2014tik 2016ra Gure Soroa Arabako Emalkume Nekazarien Elkarteko zuzendariordea izan zen, Euskal Landa Inguruneko Emakumeen batzordean bere taldearen ordezkari izanik. Emakume baserritarren kolektiboko ordezkaria zen Legebiltzarrak 2016an Emakume Nekazariaren Estatutua aho batez onartu zuenean.[7]
Ibilbide politikoa
18 urte zituelarik hasi zen Illarduyako Administrazio-batzordean parte hartzen. 2013an Larreako kontzejuan boto gehien lortu zituen bigarren pertsona izan zen. Lehenak bere kargua uztean, berak hartu zuen, bertako buru izan zen lehen emakumea izanik.
2015-2018 urteetan Euskal Herria Bilduren Arabako Batzar Nagusietako prokuradorea izan da Lur Jareak ordezkatuz.[8][9] 2016an Senaturako Arabako hautagaia izan zen (EH Bildu). 2016tik aurrera legebiltzarkidea da. (Arabako EH Bildu).[10][11] 2022ko maiatzean EH Bilduk proposatu zuen Arabako Diputatu Nagusia izateko.[12] EH Bilduren oinarri sozialek berretsi egin zuten hautagaitza, botoen % 98,8 eskuratuta.[13] 2022ko ekainaren 4an bere hautagaitza aurkeztu zuen Araian.[14]
Sariak eta errekonozimenduak
- 2018, 2017, 2009 eta 2004an Arabako ganadu-ustiaketen lehiaketan esnetarako behien saria.
- 2011 –Arabako esne-behien ganadu-ustiaketarik onenaren lehiaketa.
- 2011 –AMPEA urteko emakume profesionala sarietan finalista.
Erreferentziak
Kanpo estekak
Datuak: Q52281189
