Gastropoda
Gastropoda edo kuskubakarrak moluskuen filumeko klaseetako bat da. Moluskuen barnean talderik zabalena da, 60.000-75.000 espezierekin. Animalien klase hau intsektuen ondoren bigarren zabalena da.
| Gastropoda | |
|---|---|
| Goi Kanbriar-Gaur egun | |
 | |
| Sailkapen zientifikoa | |
| Erreinua | Animalia |
| Azpierreinua | Eumetazoa |
| Filuma | Mollusca |
| Subfilum | Conchifera |
| Klasea | Gastropoda Cuvier, 1795 |
Gastropodoak ingurune askotan bizi dira: zelaietan, basoetan, basamortuetan eta mendietan; putzu txikietan, ibaietan eta lakuetan; estuario, uholde-lautada eta marearteko-zabalguneetan, itsaso zabalean eta hondo abisalean. Bizimodua ere oso ezberdina da, baita parasitoak ere. Orokorrean barraskilo eta bare espezie ugariz osatua dago, bai lurtar zein itsastarretan.
Askotan, esan bezala, barraskilo izena ere ematen bazaie orokorrean kanpo oskola dutenei mugatzen da. Oskol horren barruan gorputzaren atal bigunak sartzen dituzte. Bare izena ematen zaie, bestalde, oskolik ez dutenei eta batzuetan barne-oskola dutenei ere.
Etimologia
Literatura zientifikoan lehen gastropodeoak "gasteropodo" gisa agertzen ziren Georges Cuvierrek 1795an egindako lanean.[1] Cuvierrek izen hau aukeratu zuen antzinako grezieraz γαστήρ gastér "urdaila", eta πούς poús "oin" hitzetatik.
Lehenago unibalbo izena erabiltzen zen, hau da, oskol bakarrekoak, bivalviaren oposizioz. Euskaraz kuskubakar, oskolbakar edo unibalbo izena ere ematen zitzaien eta batzuetan barraskilo moduan deitzen zaie, nahiz eta guztiak ez izan barraskiloak.
Sailkapena
- Eogastropoda
- Patellogastropoda
- Euomphalina (fosil)
- Neomphalida
- Orthogastropoda
- Cocculiniformia
- Vetigastropoda
- Neritaemorphi
- Caenogastropoda
- Heterobranchia
Erreferentziak
Kanpo estekak
Datuak: Q4867740
Multimedia: Gastropoda / Q4867740
Espezieak: Gastropoda
