Gregorio Barrios

1911an Bilbon jaioa, 1921an gurasoekin eta hiru anaiekin Argentinara emigratu zuten. Familia pobrea zen eta gaztea eraikuntza hasi zen lanean. Lanean zebilanean opera eta tangoak abesten zituen. Entzun zutenean abestera animatu egin zuten. Barrios batez ere baritono gisa gailendu zen. Bere arrakastaren lehenengo urratsak Madrilen eta Lisboako Estorial Kasinoan eman zituen, batez ere bi abesti erromantikoekin: Dos cruces eta Abril en Portugal. Bere ospeak Argentinara eta Brasilera eraman zuen. Argentinan urte asko bizi izan zen; han irrati saio bat egin zuen, Hoy canto para ti, alegia. Urte horiek boleroren arrakastarenak ziren eta estilo horretan oso ezaguna egin zen. Halaber, abesti klasikoak eta opera zatiak interpretatu zituen. Tangoak ere abestu zituen. 1940 inguruan abesti melodikoan arrakasta izan zuen ere bai.^[1]

Musika disko ugari grabatu zituen, asko Dan Roger eta Víctor S. Listerren orkestekin. Américo Bellotoren bitartez Odeón diskoetxearekin lotu zen eta boleroak grabatu zituen. Garbazio horiek bere ospea Amerikan zabaldu zuten. Ondoren Kuba, Mexiko, Venezuela eta Kolonbia ezagutu zituen. Bere abestien artean Mario Clavelen Somos bolero ospetsuaren lehenengo bertsioa egin zuen. Halaber, Roberto Cantoral abeslari mexikarraren abestiak interpretatu zituen.

Argentinako zineman ere lan batzuk egin zituen XX. mendeko 40. hamarkadan. Besteak beste, aktore hauekin lan egin zuen: Raimundo Pastore, Pola Alonso, Domingo Mania, Olga Zubarry, Amelita Vargas, Juan Carlos Thorry, Marcos Zucker, Patricia Castell eta Juan Carlos Mareco. Antzerkian ere espektakulu desberdinak egin zituen, esaterako 'Arráncame la vida^[2]

Gregorio Barriosek 500 abesti baino gehiago abestu zituen eta 78 rpm-ko musika diskoak plazaratu zituen.^[3] Beste abesti askoren artean hona hemen ezagunenak:

• 1949: Piantadino
• 1949: Hoy canto para ti
• 1950: Campeón a la fuerza
• 1951: ¡Qué hermanita!^[4]

• (Portugesez):Noites de nostalgia diskoa Youtuben.
• (Gaztelaniaz):30 años de canciones latinas diskoa Youtuben.