Hasier Etxeberria

Kulturgintzarekin harreman estua izan zuen betidanik, eta euskarazko irakaslea izatetik Euskal Telebistako informazio-zerbitzuetako erredaktore izatera pasatu zen. Sautrela literatur programaz gain, Fahrenheit, Eskamak kentzen, Babel, Ez dago larrosarik kultur saioak eta gastronomiari buruzkoak Zopa haundi eta Lapikoka aurkeztu eta zuzendu zituen. Euskaldunak izeneko saio berezia ere gidatu zuen, denak ETB 1ean. ZuZeu albistariaren sortzailetako bat izan zen.^[2][3]

Idazle ibilbidea

Hainbat literatur genero landu bazituen ere, ipuinlaritzat hartzen zuen bere burua, Karramarroaren aztarnak izanik autorearen hitzetan bere obrarik hoberenetarikoa.^[4] Azken boladan, Hendaian bizi zen.^[2]

Bere hitzen arabera, literaturara jo zuen Espainiako Polizia Nazionalarengandik jasandako tratuaren ondorioz: "(Idazlea izan) baino lehen, Hondarribian bizi nintzela, Espainiako Polizia Nazionalak Indautxuko komisaldegira eraman ninduen gau batez, enpresari bat bahitzen lagundu nuela eta. Gau beltza zinez, non igogailuek behegailuen izena hartu zuten, han denak egiten baitzuen zuloan behera, gora beharrean."^[5] Lan honen emaitza Mugetan (1998) eleberria izan zen eta hurrengo urtetan hainbat nobela idatzi zituen IrunHiria Saria irabazi zuen Arrainak ura baino lana barne.^[2]

Hala ere, bere burua betidanik izan du idazletzat, bederatzi urteren bueltan hasi bai zen ipuinak argitaratzen.^[4][3] Haur eta Gazte Literaturan egindako lanek ipuingintza nabarmentzen duten zenbait sari ekarri zizkioten, hala nola, Bilintx Saria, Julne Azpeitia Saria edo Gabriel Aresti Saria besteak beste.^[2]

Kazetaritza liburuak, gastronomia ardatz duten lanak eta artearen ingurukoak ere argitaratu zituen.^[2]

Narrazioa

• Ipuin ezberdinak eta erregalokoak (1984, Elkar)
• Alajaineta (1995, Elkar)
• Karramarroaren aztarnak (1997, Elkar)

Nobela

• Mugetan (1988, Elkar): Berrargitalpen berritua: Elkarlanean, 1996
• Arrainak ura baino (1999, Kutxa fundazioa): Berrargitalpena: Elkarlanean, 2000
• Eulien bazka (2003, Susa)
• Mutuaren hitzak (2005, Susa)
• Iturrino Handia (2007, Susa)

Haur eta gazte literatura

• Estatua baten historia (1988, Elkar): Berrargitalpen berritua: Elkar, 2000
• Inesaren balada (2002, Elkar)

Antzerkia

• Antso erregea (2004, Egilea editore)

Sukaldaritza

• Sukaliztegi partikularra (1996, Orain)
• Erabateko sukaldea (1998, Ttarttalo): Julian Bereciartua eta Luis Irizarrekin elkarlanean.
• Gipuzkoako Gastronomía-La Gastronomía de Gipuzkoa (2002, Gipuzkoako Kutxa): Martin Berasategirekin batera.
• Sukaldean-1001 errezeta etxean egiteko (2004, Lur) : David de Jorgerekin elkarlanean.
• Porca memoria: recuerdo de comida y bebida de un par de verracos (2006, RBA). David de Jorgerekin elkarlanean.

Elkarrizketa

• Bost idazle Hasier Etxeberriarekin berbetan (2002, Alberdania): Bernardo Atxaga, Ramon Saizarbitoria, Anjel Lertxundi, Koldo Izagirre eta Joseba Sarrionandiarekin elkarrizketak.

Bilduma

• Patri maitea... (2003, Alberdania)

• 1987. Bilintx, Haur eta Gazte literatura, Estatua baten historia lanari esker.
• 1990. Imajina ezazu Euskadi, Ipuingintza.
• 1992. Julene Azpeitia, Ipuingintza, Aukera profesionala lanari esker.
• 1993. Rikardo Arregi Kazetaritza Saria.
• 1997. Gabriel Aresti, Ipuingintza, Ipuin postmoderno bat egin diot nere buruari lanagatik.
• 1999. Irun Hiria Saria, Literatura, Arrainak ura baino lanari esker.

• Hasier Etxeberria literaturaren zubitegian
• Hasier Etxeberriaren bloga
• Elkarrizketa Argian
• Bideoa: Hasier Etxeberria lagunen bisita