Hazparneko Lurraldea

Hazparneko Lurraldea (frantsesez Communauté de communes du Pays d'Hasparren, CCPH^[1]) Lapurdi eta Nafarroa Behereko udalerri batzuk biltzen zituen Herri Elkargoa izan zen.

Osaera

Elkargoak 10 udalerri biltzen zituen.

Kantonamendu aldetik:
- Hazparnekoan dauden zazpietatik denak daude Mehaine izan ezik.
- Bastidako 3: Aiherra, Beskoitze eta Izturitze. Ahurti Errobi-Aturri Herri Elkargoan dago eta Bastida inongo elkargotan ez dagoen bakarrenetakoa da.
- Iholdikotik bakarra dago: Heleta.
Herrialde aldetik biri dagozkie:
- Lapurdin 5 daude: Beskoitze, Hazparne, Lekorne, Lekuine eta Makea.
- Nafarroa Beherean beste 5: Aiherra, Donamartiri, Donoztiri, Heleta eta Izturitze.
Eskualde historiko-natural aldetik^[2]:
- Nafarroa Behereko bostek eta Amikuzeko Herri Elkargoan dagoen Mehainek Arberoa bere zentzu estu eta historikoki finkatuagoan osatzen dute.
- Lapurdiri buruz, "Lapurdiko eskualdeen zerrendan" agertzen den eskualde naturalen banaketan bostak leudeke Lapurdi Ekialdean.
- Laburbilduz, esan daiteke Herri Elkargo honetan biltzen direla Hazparne eskualdeburutzat jotzen duten Ipar Euskal Herriko barnealdeko udalerriak, hau da Donapaleu, Donibane Garazi, Kanbo-Uztaritze edo Baionaren eragin-eremuekiko zehazten dena. Erabat perfektua izan gabe, kasu honetan eskualde natural bati erantzuten zaiola esan genezake; turismo mailan ere aspaldian bultzatu da Hazparneko Lurraldearen espazioa eta akaso Beskoitze izan daiteke Hazparnerantz gutxien begiratzen duena, gehiago jotzen duelako Aturri eta Baiona alderantz.

Udalerri kideen datuak

INSEE Kodea	Udalerria	Alkatea	Biztanleria	Azalera	Dentsitatea	Ordezkariak
64086	Aiherra	Jean-Paul Bazterretxe	860 bizt.	2765 ha	31 bizt./km²	3
64147	Beskoitze	Pierre Diratxeta	2445 bizt.	3129 ha	78 bizt./km²	4
64476	Donoztiri	Christian Durruti	364 bizt.	1371 ha	27 bizt./km²	2
64489	Donamartiri	Pierre Haizagerre	318 bizt.	1469 ha	22 bizt./km²	2
64256	Hazparne	Beñat Intxauspe	5913 bizt.	7701 ha	77 bizt./km²	7
64259	Heleta	Philippe Etxepare	627 bizt.	2345 ha	26 bizt./km²	3
64277	Izturitze	Jean-Michel Donapetri	364 bizt.	1360 ha	27 bizt./km²	2
64377	Lekorne	Lucien Betbeder	737 bizt.	2147 ha	34 bizt./km²	3
64134	Lekuine	Michel Etxeberri	289 bizt.	102 ha	283 bizt./km²	2
64364	Makea	Alain Dubois	538 bizt.	1975 ha	27 bizt./km²	3
			12465 bizt.	24364 ha	51 bizt./km²	31