Hollow Knight
Hollow Knight 2017ko metroidvania indie bideojoko entzutetsua da, Team Cherry talde independenteak garatua eta argitaratua. [1]
 Hollow Knight | ||||
|---|---|---|---|---|
| Jatorria | ||||
| Argitaratze-data | 2017 | |||
| Izenburua | Hollow Knight | |||
| Jatorrizko herrialdea | Australia | |||
| Argitaletxea | Team Cherry | |||
| Banatze bidea | banaketa digital eta deskarga digitala | |||
| Ezaugarriak | ||||
| Genero artistikoa | Metroidvania, LGBT pertsonaidun bideo-jokoa eta plataforma-bideo jokoa | |||
| Hizkuntza | ingelesa, gaztelania, frantsesa, italiera, Brasilgo portugesa, errusiera, alemana, koreera, Txinera sinplifikatua eta japoniera | |||
| Joko-modua | bakarka jokatzeko modua | |||
| Euskarria | Microsoft Windows, macOS, Linux, Nintendo Switch, PlayStation 4 eta Xbox One | |||
| Sarrera gailua | teklatua eta agintea | |||
| Adin-sailkapena |    | |||
| Software motorea | Unity (en)  | |||
| Ekoizpena | ||||
| Garatzailea | Team Cherry | |||
| Bestelako lanak | ||||
| Musikagilea | Christopher Larkin | |||
| Fikzioa | ||||
| Kontakizunaren tokia | Sakrabia | |||
ikusi
| ||||
| Fikzio-unibertsoa | Hollow Knight universe (en) | |||
| Historia | ||||
| Nominazioak | The Game Awards - Debut jokorik onena The Game Awards 2017 Steam Award for Even Better Than I Expected (en) The Steam Awards 2017 (en) | |||
| hollowknight.com | ||||
  | ||||
| kronologia | ||||
| ||||
Jokoan, jokalariak Zalduna kontrolatzen du, izenik gabeko gerlari intsektoidea. Sakrabia erreinu eroria ikertzea izango da lehen zeregina. [2]
Metroidvania jokoetan ohikoa den moduan, jokalariek gaitasun berriak desblokeatzen joango dira, eta horrek mapan aukera eta ubide berriak irekiko dizkio.[1]
Hollow Knight-ek harrera beroa izan du kritika eta publikoaren aldetik. Ohikoa da historiako metroidvania onenen zerrendetan agertzea[3] eta goraipamen bereziak egin izan zaizkio musikagatik, arte-estiloagatik, munduaren eraikuntzagatik, atmosferagatik, borroka mekanikengatik eta zailtasun mailagatik. 2020ko abenduan, jokoak 3 milioi kopia zituen salduta.
Hollow Knight: Silksong jarraipena 2023an argitaratzea dago aurreikusita.[4]
Jokoa
Bideojokoaren oinarria Ludum Dare garapen-rally batean sortu zen 2013an[5]. Team Cherryk plataforma klasikoetan oinarritutako joko bat sortu nahi zuen, esplorazio-alderdiak indar berezia izango zuen joku bat. Rallyaren ostean, Kickstarter kanpaina bat abiatu zuten jokoaren garapena babesteko. 2014. urtearen amaieran 57.000 dolarretik gora lortu zituzten, hasieran jarritako helburua ia bikoiztuz[6].
2017an heldu zen jokoa Microsoft Windows, macOS eta Linuxera. Urtebete beranduago iritsi zen Nintendo Switch, PlayStation 4 eta Xbox One-era. Jokoak lau DLC gehigarri izan ditu ondoren, denak musutruk gehitu direnak.[7]
Hollow Knight Metroidvania joko bat da, 2D alboko desplazamendukoa, eta Sakrabian (Hallownesten) gertatzen da, fikziozko lurpeko erresuman. Jokalariak Zalduna kontrolatzen du, izenik gabeko maskaraduna, lurpeko mundua esploratzen duen bitartean. Zaldunak ezten-arma bat du, ezpata-mota bat, borrokarako nahiz ingurumenaren elkarreraginerako erabiltzen dena.
Argumentua
_(14589559590).jpg)
Jokuaren hastapenean, Zalduna "Lur-Aho"ra iristen da, Sakrabia erreinuko hondarren gainean dagoen merkatu-hirira. Zalduna hondamenditik ihesean zihoala, jakin zuten Sakrabia erresuma loretsua izana zela, eta infekzioa heltzean dena kutsatu zuela. Naturaz gaindiko gaixotasun horrek eraman zituen erresumako herritarrak eromenera eta heriotzara. Sakrabiako agintaria, Errege Zurbila, arrautza beltzaren tenpluko infekzioa blokeatzen saiatu zen. Infekzioak tenplutik ihes egitea lortu zuen, eta Sakrabia infekziora emana geratu zen. Zaldunak tenpluko atean zigilatuta duten hiru ameslariak aurkitu eta hil beharko ditu, infekzioaren iturria estaltzeko. Bilaketa horretan, Hornet izeneko gudariarekin gatazkan dago Zalduna. Eginkizuna osatzeko, mundu onirikoan ere lehiatu beharko da protagonista.
Pertsonaiak
Protagonista
| Euskaraz | Ingelesez |
|---|---|
| Zalduna | The Knight |
Merkatariak
| Euskaraz[8] | Ingelesez |
|---|---|
| Salubra kutunzalea | Charm Lover Salubra |
| Jiji aitorlea | Confessor Jiji |
| Divine | Divine |
| Iselda | Iselda |
| Hankajale | Leg Eater |
| Burugabe txikia | Little Fool |
| Millibelle bankaria | Millibelle the Banker |
| Ezten-arotza | Nailsmith |
| Lemm erlikia bilatzailea | Relic Seeker Lemm |
| Sly | Sly |
| Jinn altzairuzko arimaduna | Steel Soul Jinn |
| Azken arkanbelea | The Last Stag |
| Tuk | Tuk |
Ezten-maisuak
| Euskaraz | Ingelesez |
|---|---|
| Mato ezten-maisua | Nailmaster Mato |
| Oro ezten-maisua | Nailmaster Oro |
| Sheo ezten-maisua | Nailmaster Sheo |
Ibiltariak
| Euskaraz | Ingelesez |
|---|---|
| Trapu | Cloth |
| Cornifer | Cornifer |
| Hornet | Hornet |
| Perretxiko jauna | Mister Mushroom |
| Quirrel | Quirrel |
| Tiso | Tiso |
| Zote ahaltsua | Zote the Mighty |
Ameslariak
| Euskaraz | Ingelesez |
|---|---|
| Monomon irakaslea | Monomon the Teacher |
| Lurien jagolea | Lurien the Watcher |
| Herrah piztia | Herrah the Beast |
Eduki gehigarria
- 2017. urteko abuztuaren 3an, "Ezkutuko ametsak" izenekoa DLCa gehitu zioten jokuari, hautazko buruzagien bi borroka berrirekin, soinu-bandan bi abestirekin, bidaia azkarren sistema berri batekin eta arkanbele-estazio berriarekin.[9]
- 2017ko urriaren 26an, bigarren DLC a gehitu zioten: "Grimmen konpainia", misio garrantzitsu berriak, nagusien arteko borrokak, xarma berriak, etsai berriak eta beste eduki batzuk gehituz. Eduki eguneratzeez gain errusiera, portugesa eta japoniera hizkuntza-itzulpenak ere gehitu zizkieten eguneraketa honetan.[10]
- 2018ko apirilaren 20an, "Bizi-odola" hirugarren eguneraketa argitaratu zen, hainbat optimizaziorekin, kolore-paletako aldaketekin, akatsen zuzenketekin, gehitze txikiekin eta buruzagi borroka berriekin.[11]
- 2018ko abuztuaren 23an, azken DLCa etorri zen, "Jainkoen maisua", eta pertsonaia berriak, buruzagien arteko borrokak, musika, jokatzeko modu berri bat eta bi final berri zituen.[12] Azken eguneraketa honek zailtasun handia gehitu zion jokoari.
Harrera
Sariak
Jokoa Best PC Game (Desctoid's Game of the Year Awards 2017) eta Best of 2017 Awards (Best Platformer) sarietarako izendatu zuten.[13][14] "Plataforma onena" saria irabazi zuen PC Gamer-en 2017. urteko jokoan. Polygon-ek hamarkadako joko onenetako bat moduan izendatu zuen.[15]
Jarraipena
Hollow Knight: Silksong izeneko jarraipena garatzen ari da Team Cherry. Kasu honetan pertsonaia protagonista Hornet izango da, eta lehen jokuan ez moduan, kasu honetan Sakrabia sakonetik lurazalerako goranzko bide bertikalean oinarrituko da bidaia.
Hasieran lehen jokuko luzapen gehigarri moduan jaio zen proiektua, baina hartutako dimentsioa kontuan hartuta, bideo-joko etxeak joku independiente bat garatzea erabaki zuen.
Jokoa 2019ko otsailean iragarri zen, baina oraindik ez du jaurtiketa-data zehatzik. Hiru urtetan irudi gutxi ikusi dira. Azken oharren arabera, 2023ko lehen erdialdean kaleratzea espero da. [4]
Euskarazko bertsioa
2022ko azaroan, Ibai Oihanguren Salak[16] bere kabuz euskaratu zuen jokua[17] eta bere webgunean jarri zituen itzulpen-fitxategiak eskuragarri. Gaur-gaurkoz itzulpen ez ofiziala da, eta ordenagailuan eta Steam Deck kontsolan jolastu daiteke euskaraz.
Itzulpenaz gain, Oihangurenek jokuko elementuen hiztegia ere argitaratu zuen.[8]
Erreferentziak
Kanpo estekak
Datuak: Q29300592
Multimedia: Hollow Knight / Q29300592
