Itsasoaren aurrerakada

Itsasoaren aurrerakada edo itsas transgresioa^[1] gertaera geologiko bat da, zeinaren bidez itsasoak eremu kontinentala okupatzen duen, kostaldeko lerroa lehorrera mugituz. Uholde horiek kostaldea hondoratu delako eta/edo itsas maila igo delako gerta daitezke (glaziarrak urtzeagatik edo beste arrazoiren batengatik).^[2]

Transgresioarekin batera, itsas sedimentuak inbaditutako lurraldean metatzen dira, adibidez, plataforma kontinentaleko fazies karbonatatu tipikoak lehenagoko kostaldeko edo ibai-giroko sedimentu lurtarren gainean.

Kretazeoan, itsas hondoaren hedapenak Atlantikoan nahiko azaleko arro bat sortu zuen, Ozeano Bareko arroaren sakontze baten kontura. Horrela, munduko ozeano-arroen bolumena murriztu zen, munduan itsas maila igoaraziz. Itsas mailaren igoera honen ondorioz, ozeanoak erabat sartu ziren ibai handietan zehar, adibidez, Rio de la Platan.