Lactarius mitissimus

Lactarius mitissimus
Sailkapen zientifikoa
Erreinua	Fungi
Klasea	Agaricomycetes
Ordena	Russulales
Familia	Russulaceae
Generoa	Lactarius
Espeziea	Lactarius mitissimus Fr., 1838

Lactarius mitissimus Russulaceae familiako onddo espezie bat da.^[1] Heilmann-Clausen eta beste autore batzuen arabera izen hau Lactarius aurantiacus-en sinonimoa da.

Sinonimoak: Lactarius aurantiofulvus, Agaricus sororius, Agaricus mitissimus, Lactifluus mitissimus, Lactarius aurantiacus var. mitissimus.

Deskribapenaaldatu iturburu kodea

Kapela: 3 eta 8 cm bitarteko diametrokoa, hemisferikotik deprimitu-inbutu formarakora, erdian titia mantenduaz, azal leuna, distiratsua, likatsua hezetasunean, banaezina, pixka bat belusduna, laranja bizi kolorekoa (ertzean argitu egiten da).

Orriak: Adnatuak edo dekurrente samarrak, estu, okertuak, lamelulekin, laranja argi kolorekoak edo krema kolorekoak. Latex ugari, zuria eta kolorez aldatzen ez dena.

Orri dekurrenteak: Hanka ukitzeaz gain beherantz jarraitzen dutenak.

Hanka: Liraina. 8 cm arteko garaierakoa, estua, zilindrikoa, barnehutsa, laranja argi kolorekoa, zurixka eta estutua goialdera.^[2]

Haragia: Sendoa baina gutxi, zuria (gris arrosarako joerarekin). Lizun usain ahulekoa, hasieran zapore gozoa, baina berehala mikatza bihurtzen da, baita pikantea ere.

Etimologia: Lactarius terminoa "lac" "lactis", esnetik dator, esneari dagokio. Latexa jariatzen duelako ebakitzean edo haustean.

Jangarritasunaaldatu iturburu kodea

Ez du sukaldaritzarako balio.^[3]

Lactarius mitissimus eta Lactarius aurantiacus-en arteko desberdintasunakaldatu iturburu kodea

Lactarius mitissimus eta Lactarius aurantiacus hainbat desberdintasun dituzte. Hona hainbat bereizketa:

• Kolorea: Lactarius mitissimus-ak, gehienetan krema koloreko hodia du, hori argia edo ilegabea. Lactarius aurantiacus kolore laranjatik laranja distiratsua du txanoan.
• Lekua: Lactarius mitissimus, gehienbat zuhaitz hostoiraunkorrak azpian, bereziki pinuak, aurkitzen da. Lactarius aurantiacus hostoiraunkorrak baino gehiago hosto erorkorrak dituen tokietan agertzen da, batez ere zuhaitz hostoiraunkorren azpian.
• Tamaina:Lactarius mitissimus, hodiaren diametroa gutxitik handira (5-15 cm artekoa) alda daiteke. Lactarius aurantiacus, hau ere bai, gutxitik handira (4-10 cm artekoa) alda daiteke.
• Mikologiako ezaugarriak: Lactarius mitissimus, hodiaren azpialdea zuri-horia izateaz gain, hodi eta zurenbidearen arteko estalkia dauka. Lactarius aurantiacus, berriz, estalki gorrixka eta irregularra izaten du, eta horrek hodia babesten du.

Nahasketa arriskuaaldatu iturburu kodea

Laranja kolore distiratsu eta bereizgarriagatik bereizten da. Antzeko Lactarius batzuk: Lactarius lacunarum (latexa hori bihurtzen da). Lactarius fulvissimus (sendoagoa, ertz izurtua). Lactarius aurantiacus (hostozabaletan). Lactarius lapponicus, Lactarius aurantiofulvus etab.

Sasoia eta lekuaaldatu iturburu kodea

Udazkenean. Mendiko pinudietako iratze eta sastrakadien artean

Banaketa eremuaaldatu iturburu kodea

Kanada, Ameriketako Estatu Batuak, Europa, Errusia.^[4]

Erreferentziakaldatu iturburu kodea

Kanpo estekakaldatu iturburu kodea