María Patiño

Gurasoak Antonio Patiño Gacio (1946ko abenduaren 10a - 2017ko urtarrilaren 5a) eta Paz Castro Fustes (1947- 2014ko otsailaren 26a) ziren.^[2][3][4][5] Bera baino bi neba txikiagoak ditu, Antonio eta Carlos.^[6][7] Sevillan hazi zen, gurasoekin eta nebekin, baina familiak jatorrizko Galiziari lotuta jarraitzen du. Aita, erreserbako teniente koronela, Sevillako Lar Gallegoko presidenteordea eta erakunde horretako Koruko zuzendariordea zen.^[8][9][10]

Kazetaritza tituluduna da. "CEADE" zentro homologatu eta pribatuan ikasi zuen.

Kazetari

Europa Press albiste-agentziako Sevillako ordezkaritzan hasi zen lanean; ondoren, Canal Sur Radio, Giralda Televisión eta Andaluziako Diez minutos agentzia ofizialean lan egin zuen.

Telebistarekin izan zuen lehen harremana, Espainian ospetsu egin duen komunikabidea, Canal Sur Televisión-en Ven con nosotros (2001) saioan hasi zen. Haren ondoren, Antena 3en Inés Ballesterrek aurkezten zuen Gusto a verano (2002) magazinean jardun zuen.^[11][12]

Jordi Gonzálezen Abierto al anochecer (2002) gauerdiko saiotik igaro ondoren, Ana Rosa Quintanarekin batera, Sabor a ti (2002-2004) saioan aritu zen, telebistako audientzia-sektore jakin batek urteetan jarraitutako programetako batean.

Hala ere, haren ospea Antena 3en 2003 eta 2011 bitartean Jaime Cantizanok gidatu zue ngizarte-kronikako ¿Dónde estás corazón? elkarrizketa saioari zor dio.

2007-2008 denboraldian A 3 bandas magazina aurkeztu zuen, eta kendu egin zuten saioa, entzule gutxi izateagatik.^[13]

2009ko uztailaren 13tik aurrera, Jesús Mariñas eta Julian Iantzirekin batera, Vaya par saioa aurkeztu zuen, Gema Lópezek zuzendua, baina urte bereko irailaren 10ean erretiratu zen, entzule gutxi izateagatik.^[14]

2011ko urriaren 15ean, DECen emisioa kendu ondoren, elkarrizketa bat egin zuen La noria saioan, Telecincon, Bárbara Reyrekin hizketan. Harekin eztabaida handia izana zuen 2007an, eta 2011ko azaroaren 5etik aurrera Noria saioko ohiko laguntzaile lanean hasi zen.^[15] Hilabete batzuk geroago, hain zuzen ere 2012ko urtarrilaren 17an, ohiko laguntzaile hasi zen lanean Ana Rosaren programan eta Deluxen.^[16]

2014ko uztailaren 11tik aurrera, Terelu Camposek alde egin ondoren, Jorge Javier Vázquez ordezkatu zuen Deluxeren aurkezle lanetan, kanpoan zen aldiro. Hiru hilabete geroago, 2014ko urriaren 16an, Sálvame saioaren laguntzaile hasiko zela jakinarazi zen. Garai horretan, ama eta aita galdu zituen.^[17]

2017ko ekainaren 24tik aurrera, Socialité programa aurkeztu zuen.^[18]

2022ko urtarrilaren 17an hasi zen Sálvame Lemon Tea aurkezten urte horretako martxoaren 18ra arte.^[19] Handik gutxira, 2022ko apirilaren 1ean, Sálvame saioaren aurkezle aritu zen Terelu Camposekin (nahiz eta bereizita ere egin zuen), eta Carlota Correderaren postua hartu zuen, Jorge Javier Vázquezen ordez, saiotik kanpo zegoen egunetan.^[20]

Halaber, Sálvame Mediafest edo Mediafest Night Fever-en bi edizioetan, lehiakide ofiziala izan zen lehen edizioan eta parte-hartzaile gonbidatua bigarrenean. Bietan ordezko aurkezlea ere izan zen.

2023ko ekainaren 23an, María Patiñok, Terelu Camposekin eta Adela Gonzálezekin batera, historiako azken Sálvame aurkeztu zuen, 14 urtez egon ondoren. Era berean, 2023ko uztailaren 14an, Viernes Deluxe saioaren azken programa aurkeztu zuen Terelu Camposekin batera.

Enpresaburua

Patiño sozietate bateko administratzaile bakarra da, Blanca Diva Producciones, S.L.^[21]

Bestelakoak

2015. La cara del diablo film laburrarekin hasi zen aktore lanetan. Aurretik, paper txikiak egin zituen, hala nola bihotzeko erreportari Torrente 4: Lethal Crisis 2011. urtean.2004. urtean, Aquí no hay quién viva telesailaren hirugarren denboraldiko zortzigarren atalean, bere burua interpretatu zuen. Eraikineko bizilagun bat ¿Dónde estás corazón? saioko platora joan zen. Atal horretan Jaime Cantizano, Chelo García-Cortés eta Antonio Montero lankideekin egin zuen lan. Jata frijigailuak eta plantxak ere iragarri zituen.

Maskotak txintxilla maitagarriak eta Beige izeneko txakurtxoa dira, eta Instagramen profilean behin baino gehiagotan protagonista izan dira.

Telebistako saioak

Telebistako serieak

Filmak

• María Patiño Internet Movie Databaseren webgunean (Ingelesez)