Pablo Muñoz
Pablo Muñoz Peña (Donostia, Gipuzkoa, 1941eko abenduaren 21a) kazetaria eta idazlea da, Diario de Noticias eta Noticias de Gipuzkoa egunkarien zuzendaria da. Horrez gain, Egineko zuzendaria izan zen. Jokin Muñoz euskal idazlearen osaba da.
Pablo Muñoz | |||
---|---|---|---|
1992 - 1993 | |||
Bizitza | |||
Jaiotza | Donostia, 1941eko abenduaren 21a (82 urte) | ||
Herrialdea | Gipuzkoa, Euskal Herria | ||
Hezkuntza | |||
Hizkuntzak | gaztelania | ||
Jarduerak | |||
Jarduerak | idazlea eta kazetaria |
Biografia
Pablo Muñoz Politika eta Informazio Zientzietan lizentziatu zen Lovainako Unibertsitatean (Belgika) beka baten bidez fraide izanik. 1960ko hamarkadaren erdialdean sekularizatu zen.[1] Gizarte-gaien ataleko erredaktorea izan zen La Libre Bélgique egunkarian (1966-1967). Gero Egin egunkariaren hasierako proiektuan sartu zen, zuzentzaile, itxierako erredaktoreburu, zuzendari eta gehigarrien editore lanak eginez (1977-1993). Publizitate-sortzailea (1994-1999). Argitalpen-zuzendaria Noticias taldean eta zuzendaria Iruñeko Diario de Noticias egunkarian (1999-2014) erretiroa hartu arte.[2][3]
2006ko uztailaren 11ean Pablo Muñoz atxilotua izan zen, ustez ETAko finantzaketa sarearekin harremana izateagatik. Dena den, lau egun beranduago, uztailaren 15ean, libre utzi zuten 4.000 euroko fidantza ordaindu eta gero.[4] Muñozek Europa Press albiste agentziari egindako adierazpenetan ukatu egin zuen estortsio sarearekin inolako loturarik zuenik. Auzia artxibatua izan zen.[5][1]
Lanak
Artikulugilea da, zenbait hedabidetako kolaboratzailea eta idazlea ere bai. Liburu hauek idatzi ditu
Biografiak
- Una vida sobre ruedas (Alba, 1993, Miguel Indurainen biografia)
- Y el mito se hizo hombre (Alba, 1996, Miguel Indurainen biografia)