Pako Sudupe
Pako Sudupe Elortza (Azkoitia, Gipuzkoa, 1959ko martxoaren 10a) euskal idazlea da. Irakasletzako diplomaduna eta Euskal Filologiako doktorea. Irakaskuntzan jardun zuen 1979az geroztik, hasieran Orioko Ikastolan, baina gero gehienetan helduen euskalduntze-alfabetatzearekin lotuta Legazpiko Udal Euskaltegian, Azpeitiko Udal Euskaltegian eta, 1994 urtetik, Pasaiako Udal Euskaltegian. 2001etik aurrera, Pasaiako Udaleko Euskara Zerbitzuan ari da, euskara normalizatzeko teknikari lanetan.[1]
| Pako Sudupe | |
|---|---|
 Pako Sudupe, Piarres Lafitteren liburua aurkezten (Baiona, 2002) | |
| Bizitza | |
| Jaiotza | Azkoitia, 1959ko martxoaren 10a (65 urte) |
| Herrialdea |  Gipuzkoa, Euskal Herria |
| Hezkuntza | |
| Tesi zuzendaria | Joxe Azurmendi Jon Kortazar |
| Hizkuntzak | euskara gaztelania |
| Jarduerak | |
| Jarduerak | idazlea |
| Lan nabarmenak | ikusi
|
  | |
XX. mendeko euskal kultura ikertzen eta ezagutzera ematen nabarmendu da, bereziki 50eko hamarkadako autoreak aztertu zituen[2] Hain zuzen ere, hori izan baitzen bere tesiko gaia (Tradizioa eta modernitatea 50eko hamarkadan. Euskal kulturaren biziberritze gatazkatsua). 2010an euskal ikastetako doktore-titulua lortu zuen EHUn Joxe Azurmendi eta Jon Kortazarren zuzendaritzapean.[3]
| « | 50. urteen misteriorik ez dago, baina ezagutzen ez dena misterioa izaten da. Nik neuk esan izan dut, garai hartan euskaraz ezer ez zegoela. Orain bistan gelditzen da, nik ez nuela ezer ezagutzen, esan izan beharko nukeela (...) Pako Suduperen lana, hein honetan, errebelazio bat da, umiliatuak eta pozik sentiarazten gaituena une berean. | » |
Lanak
Prentsako artikuluak
100dik gora artikulu argitaratu ditu egunkari-aldizkarietan: Egan, Jakin, Hegats, HABE, Diario Vasco, Euskaldunon Egunkaria, Berria, Argia.[1]
Biografia
- Nemesio Etxanizen biografia eta ideologia (1996, BBK Fundazioa)
- Gorgonio Renteria (1999, Eusko Jaurlaritza)
- Iokin Zaitegi (2000, Bidegileak bilduma, Eusko Jaurlaritza)
- Etienne Salaberry (1903-2003) (2003, Egan).[5]
- Telesforo Monzon: aristokrata abertzalea : EAJtik HBra, bilakaera politiko-kulturala (2018, Txertoa).[6]
- Emilio Lopez Adan: euskal iraultza libertarioaren pentsalari (2020, UEU).[7]
Saiakera
- 50eko hamarkadako euskal literatura (2011, Utriusque Vasconiae)
- Txillardegiren borroka abertzalea (2016, Elkar)
- Euskaldun abertzale baten burutazioak (2022, Booktegi)
Erreferentziak
Kanpo estekak
- «Pako Sudupe», Literaturaren Zubitegia.
- Pako Sudupe, Berria egunkarian (>40 artikulu)
- Pako Sudupe, Argia aldizkarian (>80 artikulu)
- Pako Sudupe, Jakin adizkarian (>6 artikulu)
- Pako Sudupe, Euskaldunon Egunkarian (>64 albiste)
- elkarrizketa 50eko hamarkadako euskal literatura liburuaren harira.
Datuak: Q12265460
Multimedia: Pako Sudupe / Q12265460
