Qu Yuan
Qu Yuan (mandarineraz: 屈原, hanyu Pinyinz: Qū Yuán, Wade-Giles: Ch'ü Yüan, K.a. 340 – K.a. 278) Chu estatuaren hegoaldeko poeta Erresuma Borrakalarien Garaian. Haren lanak Churen elegiak izenburuko antologian jasoak izan ziren. Txinerazko literaturaren lehen olerkari garrantzitsua izan zen.
| Qu Yuan | |
|---|---|
 Qu Yuan, Chen Hongshouren margolana.  Irudi gehiago | |
| Bizitza | |
| Jaiotza | Zigui County (en)  , K.a. 343 |
| Herrialdea | Chu |
| Heriotza | Miluo Jiang (en) , K.a. 278 (64/65 urte) |
| Hobiratze lekua | Tomb of Qu Yuan (en) |
| Heriotza modua | suizidioa: itotzea |
| Hezkuntza | |
| Hizkuntzak | txinera |
| Jarduerak | |
| Jarduerak | poeta, idazlea eta politikaria |
| Lan nabarmenak | ikusi
|
Biografia
Leinu nobleko familian jaioa, haren ibilbide politikoaren lehenengo urteetan Chu erregearen konfidantzaz gozatu zuen. Ministro eta Ministrordearen edo "zotu" karguak bete zituen. Baina haren zorroztasuna zela eta, erregeak berarenganako konfidantza galdu zuen eta, ondorioz, bi aldiz deserriratua izan zen.[1] Deserrian haren lan gehienak idatzi zituen. K.a. 278an, Quinen tropak erresuma konkistatzeko prestatzen ari zela, ezintasunak jota, Miluo ibaian, Hunan probintzian, bere buruaz beste egin zuen.[2]
Duan Wu festa
Kondairak dioen arabera, haren heriotza berri izan bezain laster, jendea ibaira joan zen; han, txalupetatik, zara handia sortu zuten arrainek poetaren gorpua jan ez zitezen, eta urtetara zongzi bota zuten, hori jan ondoren, arrainek poeta ez jateko. Hori da Duan Wu festaren jatorria (端午节/端午節) edo "Herensuge itsasontziaren jaialdia". Duan Wu urtero hilargiaren araberako egutegiaren maiatzaren bostean ospatu egiten da.
