Hunan

Hunan (湖南); Húnán Shěng
	Txinako Herri Errepublika
Administrazioa
Estatua	Txina
Izen ofiziala	湖南省; Tỉnh Hồ Nam; 湖南省
ISO 3166-2	CN-HN
Hiriburua	Changsha
Gobernuburua	Mao Weiming (en)
Zatiketa	ikusi Changsha, Zhuzhou, Xiangtan, Hengyang, Shaoyang, Yueyang, Changde, Zhangjiajie, Yiyang, Chenzhou, Yongzhou, Huaihua, Loudi eta Xiangxi Tujia eta Miao Prefektura autonomoa;
Geografia
Koordenatuak	27°24′N 111°48′E / 27.4°N 111.8°E
Azalera	211,800 km²
Mugakideak	Chongqing, Hubei, Jiangxi, Guangdong, Guangxi eta Guizhou
Punturik altuena	Ling Peak (en)
Demografia
Biztanleria	66.444.864 (2020); 761.142 (2010)
Dentsitatea	316 bizt/km²
Informazio gehigarria
Gobernadorea	Zhou Qiang
Etniak	Han %90; Tujia %4; Miao %3
Ordu eremua	UTC+08:00
	www.hunan.gov.cn

Hunan (湖南 txinera sinplifikatuz), Txinako Herri Errepublikako probintzia baten izena da. Probintziak 211.800 kilometro koadroko azalera dauka eta 2004ko erroldaren arabera 66.980.000 biztanle bizi ziren bertan.

Probintziako hiriburua Changsha da.

Inguru naturala eta kokapena

Hunan probintziak Hubei probintziarekin egiten du muga iparraldean, Jiangxi probintziarekin ekialdean, Guangdong hegoaldean, Guangxirekin hego-mendebaldean, Guizhou probintziarekin mendebaldean, eta Chongqing udaltasunarekin ipar-mendebaldean.

Probintzia Yangtze ibaiaren hegoaldeko aldean (Changjiang, 长江) dago, ibaiaren ibilbidearen erdira aldera. Shanghai 1000 kilometrora, Beijing 1200 kilometrora eta Guangzhou 500 kilometrora daude. Probintziaren ekialde, hegoalde eta mendebaldea, mendi eta haranez inguratuta daude, honen adibide Wuling Mendiak ipar-mendebaldean, Xuefeng Mendiak mednebaldean, Nanling Mendiak hegoaldean, eta Luoxiao Mendiak ekialdean. Probintziaren erliebe malkartsuaren adierazgarri, haranak probintziaren azaleraren %20 baino ez dira.

Xiangjiang, Zijiang eta Lishui ibaiek Yangtze ibaiarekin bat egiten dute probintziaren iparraldean, Dongting aintziran. Dongting probintziako aintzirarik handiena da, eta Txinako handienetan bigarrena. Mendeetan nekazaritzaren hedapenak aintzira zatitu eta azalera gutxitu duen arren, azken urteetan aintziraren jatorrizko itxura berreskuratzeko ekimenak izan dira.

Klima

Hunan probintziak klima azpitropikala dauka, neguak euritsuak eta epelak dira eta udak sargoriak eta are euritsuagoak. Urtarrileko batez besteko tenperatura 3 eta 8 gradu artekoa eta uztailekoa 27 eta 30 gradu bitartekoa da.

Urteko batez besteko prezipitazioak 1.200 eta 1.700mm bitartekoak dira, eta batez ere maiatzetik urrira bitartean ematen dira.

Banaketa administratiboa

#	Izena	Txinera sinplifikatuz	Pinyineraz	Mota

1	Changsha	长沙市	Chángshā Shì	Prefektura mailako hiria
2	Changde	常德市	Chángdé Shì	Prefektura mailako hiria
3	Chenzhou	郴州市	Chénzhōu Shì	Prefektura mailako hiria
4	Hengyang	衡阳市	Héngyáng Shì	Prefektura mailako hiria
5	Huaihua	怀化市	Huáihuà Shì	Prefektura mailako hiria
6	Loudi	娄底市	Lóudǐ Shì	Prefektura mailako hiria
7	Shaoyang	邵阳市	Shàoyáng Shì	Prefektura mailako hiria
8	Xiangtan	湘潭市	Xiāngtán Shì	Prefektura mailako hiria
9	Yiyang	益阳市	Yìyáng Shì	Prefektura mailako hiria
10	Yongzhou	永州市	Yǒngzhōu Shì	Prefektura mailako hiria
11	Yueyang	岳阳市	Yuèyáng Shì	Prefektura mailako hiria
12	Zhangjiajie	张家界市	Zhāngjiājiè Shì	Prefektura mailako hiria
13	Zhuzhou	株州市	Zhūzhōu Shì	Prefektura mailako hiria
14	Xiangxi (Tujia eta Miao)	湘西土家族苗族自治州	Xiāngxī Tǔjiāzú Miáozú Zìzhìzhōu	Prefektura autonomoa

Politika

Hunan probintziako gobernadorea Zhou Qiang da. Txinako Alderdi Komunistak probintzian duen ordezkaria Zhang Chunxian da.

Garraioa

Aireportuak

Kokapen Hiria	NAZE	NAGE	Aireportuaren izena
HUNAN
Changde	ZGCD	CGD	Changde Aireportua
Changsha	ZGHA	CSX	Changsha Huanghua Nazioarteko Aireportua
Zhangjiajie		DYG	Zhangjiajie Aireportua
Hengyang	ZGHY	HNY	Hengyang Aireportua