SK Rapid Wien

1898an sortu zuten Vienan Erster Wiener Arbeiter-Fußball-Club izenarekin ("Vienako langileen lehenengo futbol taldea") eta 1899ko urtarrilean birsortu zen gaur egun duen Sportklub Rapid Wien izenarekin. Izena garai hartan ospetsua zen "Rapide Berlin" taldetik atera zuten. Berehala iritsi ziren lehenengo garaipenak, Austrian jokaturiko lehen liga biak irabaziz.

1938an alemaniarrek Austria inbaditu zuten eta Austriako liga Bundesligan barneratu zuten. 1938an bertan Alemaniako Kopa irabazi zuen eta 1941ean Bundesliga.

80. hamarkadan talde indartsua osatu zuen eta Europako Errekoparen finalera iritsi zen 1985ean, baina Evertonek irabazi zion 3-1. 1996an berriz lortu zuen Errekopako finalera iristea eta berriz ere galdu egin zuen, oraingoan 1-0 Paris Saint-Germain FC taldearen aurka.

XXI mendean ordea beste talde batzuen itzalean egotea egokitu zaio. 2005 eta 2008ko Ligak irabazi ditu soilik, 2008an Superkopa ere bai.

Austrian: 50

• Bundesliga (32): 1912, 1913, 1916, 1917, 1919, 1920, 1921, 1923, 1929, 1930, 1935, 1938, 1940, 1941, 1946, 1948, 1951, 1952, 1954, 1956, 1957, 1960, 1964, 1967, 1968, 1982, 1983, 1987, 1988, 1996, 2005, 2008.
• Kopa (14): 1919, 1920, 1927, 1946, 1961, 1968, 1969, 1972, 1976, 1983, 1984, 1985, 1987, 1995.
• Austriako Superkopa (4): 1986, 1987, 1988, 2008.

Alemanian: 2

• Bundesliga (1): 1941.
• Kopa (1): 1938.

Nazio artean: 4

Europako Errekopa

• Txapelduna (0)
• Finalista (2): 1985, 1996

Mitropa Kopa

• Txapelduna (2): 1930, 1951

UEFA Intertoto Kopa

• Txapelduna (2): 1992, 1993

Hauek dira Europako txapelketa ofizialetan SK Rapid Wien-ek euskal taldeen aurka jokatu dituen partidak:

• (Alemanez) webgunea