Salomé Leclerc
Salomé Leclerc (Sainte-Françoise-de-Lotbinière, Quebec, Kanada, 1986ko apirilaren 27a- ) kantautore eta abeslari quebectarra da[1].
| Salomé Leclerc | |
|---|---|
 | |
| Bizitza | |
| Jaiotza | Sainte-Françoise, 1986ko apirila (37/38 urte) |
| Herrialdea |  Kanada |
| Jarduerak | |
| Jarduerak | egile abeslaria |
Biografia
10 urte zituela anai nagusiekin taldea osatu eta bateria jotzen hasi zen[1]. Urte batzuk geroago Secondaire en spectacle lehiaketan hartu zuten parte. Montrealeko Granby musika eskolan egin zituen ikasketak eta casting agentzia batean hasi zen lanean[2].
2009an hasi zuen ibilbide profesionala eta 2011n Audiogram disketxearekin Parisen grabatu eta Montrealen nahasketak eginez atera zuen aurreneko diskoa, Sous les arbres[1]. Ondoren Quebecen eta Europan kontzertu bira egin zuen. "Dans la prairie" abestiak SOCAN Songwriting Prize sarietarako izendapena jaso zuen 2012an[3]. 2014an bigarren diskoa argitaratu zuen, 27 fois l'aurore[4]. Hainbat sari jaso zituen disko honek 2015ean, Prix Rapsat-Lelièvre[5] eta Prix Félix-Leclerc[6], eta SOCAN Songwriting Prize-n bigarren izendapen bat, "Arlon" abestiarengatik[7]. 2016an EP bat atera zuen, Live au Treatment.
Les choses extérieures diskoa izan zen hirugarrena, 2018an plazaratu zena[8]. Kanadako Polaris Music Prize sarietarako izendapena jaso zuen[9].
Diskografia
- Sous les arbres (2011)
- 27 fois l'aurore (2014)
- Live au Treatment (2016) - EPa
- Les choses extérieures (2018)
Erreferentziak
Kanpo estekak
- (Frantsesez) Webgune ofiziala
Datuak: Q23675742
Multimedia: Salomé Leclerc / Q23675742
