Single (musika)

«Single» orriak hona dakar. Bestelako esanahiei buruzko orria hau da: «Single (argipena)»

Single^[1] bat (ingelesez ere single; "bakarra") abesti bat edo abesti pare bat dituen disko motza da, LP edo EP bat baino luzera askoz murritzagokoa.^[2][3] Abesti hau artista jakinaren diskografian modu independentean aurki daiteke edo, kontrara, artistaren album jakin bateko abesti bat izatea (azkeneko hau da arruntena).^[4][5] Gaur egungo testuinguruan, singleak promozio-helburuarekin kaleratzen dira, bai fisikoki, baina, azken urteotan, digitalki, bai eta irrati-formatuetan ere.^[6] iTunes Dendaren arabera, single bat, gehienez, hiru abestiz osaturik egon daiteke; betiere, abesti bakoitzak hamar minutu baino gutxiago luzeera badu.^[7] Bertatik aurrera EP bat kontsideratuko da iTunes Dendaren begietan (eta, sei abestitik aurrera, LP).^[7]