Uxue Alberdi

Uxue Alberdi Estibaritz (Elgoibar, Gipuzkoa, 1984ko martxoaren 18a) euskal idazle eta bertsolaria Kazetaritzan lizentziatua. 2003an hasi zen Bertso paper lehiaketak irabazten, Durangoko Julene Azpeitia izan zen lehenengoa eta ondoren etorriko ziren, 2006an Xenpelar Saria eta 2008an, bertsolari gazteen Osinalde Saria.^[1]

Uxue Alberdi
Irudi gehiago
Ahotsa
Bizitza
Jaiotzako izen-deiturak	Uxue Alberdi Estibaritz
Jaiotza	Elgoibar, 1984ko martxoaren 18a (40 urte)
Herrialdea	Gipuzkoa, Euskal Herria
Familia
Aita	Andres Alberdi Gorostiaga
Hezkuntza
Heziketa	Euskal Herriko Unibertsitatea
Hizkuntzak	euskara gaztelania
Jarduerak
Jarduerak	eleberrigilea, bertsolaria, kazetaria, saiakeragilea eta haur literatura idazlea
Lan nabarmenak	ikusi Besarkada Jenisjoplin
Jasotako sariak	ikusi Euskadi saria - Euskarazko haur eta gazte literatura  (2016) : Besarkada 111 akademia saria  (2017) : Jenisjoplin Euskadi Saria - Euskarazko Saiakera  (2020) : Kontrako eztarritik

Kazetaritza Leioako kanpusean ikasi zuen. 2005ean lortutako Idazle gazteentzako Igartza bekari esker idatzi zuen lehen liburua: Aulki bat elurretan (2007). 2007an beste sorkuntza beka bati esker, Joseba Jaka Beka hain zuzen ere, Aulki-jokoa (2009) ipuin liburua idatzi zuen. 2013an Euli-giro ipuin bilduma argitaratu zuen eta, aurrerago, 111 Akademiaren saria^[2] jaso zuen Jenisjoplin (2017) argitaratu zen Susa argitaletxearen eskutik.^[3]

Bestalde, 2010ean Ttarttalo argitaletxearen eskutik haur literatura idazten hasi zen, Ezin dut, eta zer? ipuinarekin eta handik urte batzuetara, Haur eta Gazte Literaturako Euskadi Saria irabazi zuen 2016an, Besarkada izenburuko lanarekin.^[4][5] 2020an euskarazko saiakeraren Euskadi Literatura Saria jaso zuen Kontrako eztarritik lanarekin.^[6]

Literatura tailerren irakasle, iritzi artikulugile, itzultzaile, irakurle-taldeen gidari, letragile eta beste hainbat alorretan aritzen da lanean. Ainhoa Agirreazaldegirekin batera Bertso Eskola Feminista delakoa jarri zuen abian.

2012an Paul Gallicoren Elur-antzara grabatu zuen.