Veszprém (konderria)

Veszprém
	Hungaria
Administrazioa
Estatua	Hungaria
Izen ofiziala	Veszprém vármegye
ISO 3166-2	HU-VE
Hiriburua	Veszprém
Zatiketa	ikusi Ajkako barrutia, Balatonalmádiko barrutia, Balatonfüredeko barrutia, Devecserko barrutia, Pápako barrutia, Sümegeko barrutia, Tapolcako barrutia, Várpalotako barrutia, Veszprémgo barrutia eta Zirc District (en) ;
Geografia
Koordenatuak	47°10′N 17°45′E / 47.17°N 17.75°E
Azalera	4,463,65 km²
Mugakideak	Győr-Moson-Sopron, Vas konderria, Zala konderria, Somogy, Fejér eta Komárom-Esztergom
Demografia
Biztanleria	335.361 (2022ko urriaren 1a); −21.212 (2011)
Dentsitatea	79,1 bizt/km²
Informazio gehigarria
Eskualdea	Erdialdeko Transdanubia
Ordu eremua	Europa Erdialdeko Ordua eta UTC+01:00
	http://www.vpmegye.hu/

Veszprém Hungariako 19 konderrietako (megye) bat da. Herrialdearen mendebaldean dago, Erdialdeko Transdanubia eskualdean. Vas, Győr-Moson-Sopron, Komárom-Esztergom, Fejér, Somogy eta Zala konderriak mugakide ditu. 4.463 km²ko azalera du, eta 2011n 353.068 biztanle zituen^[1]. Hiriburua Veszprém da.

Geografia

Veszprém konderriak Bakony mendigunea eta Balaton aintziraren iparraldeko ertza hartzen ditu. Hego-mendebaldean Keszthely mendigunea dago^[2]. Marcal ibaiak mendebaldeko muga egiten du.

Banaketa administratiboa

2013ko urtarrilaren 1eko erreformaren ondoan, konderria 10 barrutitan (járás) banaturik dago:

Barrutia	Hiriburua	Eremua (km²)	Biztanleria (2013)	Udalerriak (település)
Ajka	Ajka	320,71	39.221	11
Balatonalmádi	Balatonalmádi	239,76	24.999	10
Balatonfüred	Balatonfüred	357,74	24.366	22
Devecser	Devecser	421,73	14.753	28
Pápa	Pápa	1.022,09	58.848	49
Sümeg	Sümeg	306,41	15.007	21
Tapolca	Tapolca	540,30	33.901	33
Várpalota	Várpalota	294,28	37.384	8
Veszprém	Veszprém	629,61	85.573	19
Zirc	Zirc	331,02	19.334	15

Hiri eta herriak

Konderri eskumenak dituzten hiriak

Veszprém (hiriburua; 60.761 biztanle 2015ean^[3])

Hiriak eta herri handiak

(2015eko biztanleria^[3])

Pápa (31.190)
Ajka (28.487)
Várpalota (19.918)
Tapolca (15.582)
Balatonfüred (13.224)
Balatonalmádi (8.535)
Zirc (6.960)
Sümeg (6.189)
Berhida (5.833)
Devecser (4.330)
Balatonfűzfő (4.142)
Herend (3.384)
Balatonkenese (2.576)
Badacsonytomaj (2.150)

Ekonomia

Veszprémgo erliebea eta lurzoruak ez dira nekazaritzarako egokiak. Badacsony, Szent Görgy, Somló eta Balaton aintziraren iparraldeko bazterrean ardoa ekoizten da. Natura baliabide nagusiak bauxita, lignitoa, basaltoa eta, eskualde karstikoetan, kareharria eta ura dira. 1980ko hamarkada arte, Hungariako konderririk industrializatuenetako bat zen. Gaur egun, turismoak gero eta garrantzi handiagoa du, batez ere Balaton aldeko Veszprém, Balatonfüred eta Balatonalmádi hirietan^[2]