Yunnan
Yunnan (云南 txinera sinplifikatuz), Txinako Herri Errepublikako probintzia baten izena da. Probintziak 394.100 kilometro koadroko azalera dauka eta 2004ko erroldaren arabera 44.830.000 biztanle bizi ziren bertan.
Inguru naturala eta kokapena
Yunnan probintziaren mugakideak honakoak dira: Myanmar ekialdean, Laos eta Vietnam hegoaldean, Guangxi lurralde autonomia hego-ekialdean, Guizhou probintzia ekialdean, Sichuan probintzia iparraldean, eta Tibeteko lurralde autonomia ipar-mendebaldean.
Probintziako hiriburu eta hiririk handiena Kunming da.
Geografia
Yunnan, Txinan hegoalderago dagoen probintzia da, eta Kantzerko Tropikoa probintziaren hegoaldea zeharkatzen du. Guztira 394.000 kilometro koadro dauzka, Txinaren azalera guztiaren %4,1. Probintziaren iparraldea Yunnan-Guizhou goi-ordokiaren zati da eta Myanmarrekin 4.060 kilometro luze den muga dauka. Nahiko menditsua da, batez ere, iparralde eta mendebaldean, 4.000 metrotik gorako hainbat mendikate daude eta mendebaldean, ibaiek egindako kanoi sakonak daude.
Probintziaren batez besteko altuera 1.980 metrokoa da eta mendirik altuenak iparraldean daude. Mendirik garaiena 6.740 metroko Kawagebo mendia da, Diqing arroko Deqin konderrian. Yunnango puntirik baxuena bestalde Ibai Gorriaren haranean dago, itsasoaren mailatik 76,4 metrora. Hegoaldeko mendiak, mendebaldekoek baino altuera gutxiago dute, eta ez dira 3.000 metrotik gora altxatzen.
Klima
Yunnanek klima epela eta nahiko tenperatura egonkorra dauka urte osoan zehar. Tropikoetatik gertu egoteak, eragin handia dauka probintziako kliman, eta Asia hego-ekialdeko montzoiak baldintzatu egiten du klima udaberritik aurrera, Txinako beste edozein probintzietan baino askoz gehiago. Urteko prezipitazioak 600mm eta 2.300mm bitartekoak dira eta batez ere, maiatzetik urrira ematen dira.
Urtarrileko batez besteko tenperatura 8 eta 17 gradu artekoa eta uztailekoa 21 eta 27 gradu bitartekoa da. Probintziaren mendebaldea nahiko bero eta hezea da, nahiz eta mendien tontorretan mendialdeko klima nagusi izan.
Banaketa administratiboa
Mapa | # | Izena | Txinera sinplifikatuz | Pinyineraz | Mota |
---|---|---|---|---|---|
1 | Kunming | 昆明市 | Kūnmíng Shì | Prefektura mailako hiria | |
2 | Qujing | 曲靖市 | Qǔjìng Shì | Prefektura mailako hiria | |
3 | Yuxi | 玉溪市 | Yùxī Shì | Prefektura mailako hiria | |
4 | Baoshan | 保山市 | Bǎoshān Shì | Prefektura mailako hiria | |
5 | Zhaotong | 昭通市 | Zhāotōng Shì | Prefektura mailako hiria | |
6 | Lijiang | 丽江市 | Lìjiāng Shì | Prefektura mailako hiria | |
7 | Pu'er | 普洱市 | Qǔjìng Shì | Prefektura mailako hiria | |
8 | Lincang | 临沧市 | Líncāng Shì | Prefektura mailako hiria | |
9 | Dehong (Dai eta Jingpo) | 德宏傣族景颇族自治州 | Déhóng Dǎizú Jǐngpōzú Zìzhìzhōu | Prefektura autonomoa | |
10 | Nujiang (Lisu) | 怒江傈僳族自治州 | Nùjiāng Lìsùzú Zìzhìzhōu | Prefektura autonomoa | |
11 | Diqing (Tibetar) | 迪庆藏族自治州 | Díqìng Zàngzú Zìzhìzhōu | Prefektura autonomoa | |
12 | Dali (Bai) | 大理白族自治州 | Dàlǐ Báizú Zìzhìzhōu | Prefektura autonomoa | |
13 | Chuxiong (Yi) | 楚雄彝族自治州 | Chǔxióng Yízú Zìzhìzhōu | Prefektura autonomoa | |
14 | Honghe (Hani eta Yi) | 红河哈尼族彝族自治州 | Hónghé Hānízú Yízú Zìzhìzhōu | Prefektura autonomoa | |
15 | Wenshan (Zhuang eta Miao) | 文山壮族苗族自治州 | Wénshān Zhuàngzú Miáozú Zìzhìzhōu | Prefektura autonomoa | |
16 | Xishuangbanna (Dai) | 西双版纳傣族自治州 | Xīshuāngbǎnnà Dǎizú Zìzhìzhōu | Prefektura autonomoa |
Politika
Yunnan probintziako gobernadorea Qin Guangrong da. Txinako Alderdi Komunistak probintzian duen ordezkaria Bai Enpei da.
Garraioa
Aireportuak
Kokapen Hiria | NAZE | NAGE | Aireportuaren izena |
YUNNAN | |||
Baoshan | ZPBS | BSD | Baoshan Aireportua |
Dali | ZPDL | DLU | Dali Aireportua |
Diqing | ZPDQ | DIG | Diqing Aireportua |
Kunming | ZPPP | KMG | Kunming Wujiaba Nazioarteko Aireportua |
Lijiang | ZPLJ | LJG | Lijiang Aireportua |
Lincang | ZPLC | LNJ | Lincang Aireportua |
Luxi | ZPMS | LUM | Luxi Mangshi Aireportua |
Simao | ZPSM | SYM | Simao Aireportua |
Wenshan | WNH | Wenshan Aireportua | |
Xishuangbanna | ZPJH | JHG | Xishuangbanna Gasa Aireportua |
Zhaotong | ZPZT | ZAT | Zhaotong Aireportua |
Kanpo estekak
- (Txineraz) Yunnango gobernuaren webgunea.
Artikulu hau Txinako geografiari buruzko zirriborroa da. Wikipedia lagun dezakezu edukia osatuz. |