Colombo
Colombo (en cingalés: කොළඹ; en támil: கொழும்பு) é a principal cidade de Sri Lanka con 642.163 habitantes (2001) e máis de 2 millóns na área metropolitana. Está situada na costa suroccidental do país e, durante seiscentos anos, foi unha das capitais do país. En 1977 a capitalidade foi transferida para a próxima Sri Jayawardenapura-Kotte, mais Colombo segue a ser o centro económico do estado.
කොළඹ (si)  | ||||
| ||||
| Localización | ||||
|---|---|---|---|---|
| ||||
| Estado | Sri Lanka | |||
Províncias (pt)  | Província Ocidental (pt) | |||
| District of Sri Lanka (en) | Colombo District (en) | |||
| Capital de | Sri Lanka Província Ocidental (pt) Colombo District (en) Ceilão britânico (pt) Domínio do Ceilão (pt) (–1972) | |||
| Poboación | ||||
| Poboación | 752.993 (2011) (20.175,73 hab./km²) | |||
| Xeografía | ||||
| Parte de | ||||
| Superficie | 37.321.728 m² | |||
| Bañado por | Kelani River (en) e Océano Índico | |||
| Altitude | 1 m | |||
| Datos históricos | ||||
Evento clave
| ||||
| Organización política | ||||
| Membro de | ||||
| Identificador descritivo | ||||
| Código postal | 00000–09999 | |||
| Fuso horario | ||||
| Prefixo telefónico | 011 | |||
| Outro | ||||
| Irmandado con | ||||
| Páxina web | cmc.lk | |||
Xeografía
O espazo da cidade é unha mestura de terra e auga, pois posúe numerosos canais e, no mesmo corazón do casco urbano, conta co lago Beira de 65 ha de superfice, que constitúe un dos lugares emblemáticos da localidade. O norte e nordeste da cidade están bordeados polo río Kelani, que desauga no mar no barrio denominado Modera (Mōdara en cingalés), que significa "delta de río".
O clima de Colombo é de temperaturas relativamente moderadas: 31 °C entre marzo e abril e 22 °C nos meses invernais. A maior alteración ocorre durante as estacións do monzón, entre maio e agosto, e entre outubro e xaneiro, nos que se poden esperar fortes chuvias. A media anual de precipitacións é de 2.400 mm.
Nome
O nome Colombo foi introducido polos portugueses en 1505. Semella derivado do termo cingalés clásico kolon thota, que significa "porto sobre o río Kelani". Outra teoría supón que deriva da expresión cingalesa kola-amba-thota, que significa "porto con árbores frondosas de mango".
Economía
Colombo é un dos portos máis activos do océano Índico, a través do cal transitan boa parte dos produtos de exportación da illa: té, caucho, aceite de coco, copra e pedras preciosas.
Posúe industrias de trasformación (manufacturas de tabaco, fabricas téxtiles etc) e un complexo siderúrxico.
Historia
Colombo foi xa coñecida polos mercadores romanos, chineses e árabes hai centos de anos. Foi durante séculos un porto frecuentado polos navegantes árabes, pois acabaron por ocupala desde o século VIII, e controlaban desde a cidade o tráfico para o interior da illa. No XVI os portugueses botaron da cidade os musulmáns, levantando unha fortaleza para protexer o tráfico de especias.
Os holandeses conquistárona en 1656, logo dun épico asedio, ao termo do cal os portugueses sobreviventes recibiron un salvoconduto. Colombo foi entón a capital dos territorios marítimos da Compañía Holandesa das Indias Orientais até 1796.
Os británicos fixéronse con ela e convertérona na capital da nova colonia de Ceilán. Sri Lanka obtivo a independencia pacificamente en 1948, e Colombo tornouse a capital do novo estado.
As distintas ocupacións estranxeiras tiveron un enorme impacto na cultura local, ben visíbeis na arquitectura da cidade.
Galería de imaxes
Unha vista da cidade.
Stupa en Colombo.
Unha rúa de Colombo.
