Community Shield

A Football Association Community Shield, antigamente Charity Shield e tamén chamada Supercopa de Inglaterra, é un trofeo anual xogado en Inglaterra, onde xogan o campión da Premier League e a FA Cup da pasada tempada. Se un equipo fai un dobrete, é dicir gaña ambos títulos o mesmo ano, entón participaría o segundo clasificado da liga. O partido xógase ao comezo da tempada, tradicionalmente en Wembley.

FA Community Shield
Fundación	1908
Rexión	Inglaterra
Actual campión	Arsenal (16º título)
Máis laureado	Manchester United (21 títulos)
Televisión	Sky Sports
Sitio web	www.thefa.com

A copa xogouse por primeira vez na tempada de 1908-09, substituíndo á Sheriff of London Charity Shield, que se empezara a xogar en 1898, con todo a Sheriff of London Charity Shield reapareceu máis tarde nalgunhas ocasións xunto á Charity Shield. Os partidos desta competición eran profesionais contra afeccionados. O primeiro partido foi entre o Manchester United (profesionais) e Queens Park Rangers (afeccionados). A competición nesa época non estaba moi considerada e os partidos eran informais.

Despois dos partidos de profesionais contra afeccionados o formato de competición foi evolucionando gradualmente en partidos entre os gañadores da liga e a copa. Porén, houbo excepcións, como na edición de 1950, onde xogaron a selección de Inglaterra do mundial contra o gañador da Copa. A data do xogo foi movida ao comezo da tempada en 1959, e en 1974 o secretario da FA, Ted Croker, creou o formato actual cos partidos sempre sendo xogados entre o gañador da liga e a copa no estadio nacional e os ingresos destinados a caridade (de aí o nome inglés da competición, Charity Shiel, ou Copa da Caridade). O partido é decidido no mesmo día con tempo extra e penaltis se preciso, aínda que entre 1975 e 1993 compartíase o trofeo se se empataba ao final do tempo de xogo.

Coa formación dunha nova liga, a Premier League en 1992, a Shield pasou a disputarse entre o gañador da Premier League e a FA Cup. A competición foi renomeada como Community Shield no ano 2002, sendo unha pequena cantidade destinada á caridade, mentres que o demais é para reformar a competición. O equipo máis laureado da competición é o Manchester United, gañador en 21 ocasións. A maior cantidade de goles nunha final foi o Manchester United goleando 8-4 a Swindon Town, en 1911.